1 PIYER 3:8 - Boy Lonana

⁸ Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma.

1 PIYER 3:8 ပူးပေါင်းရင်းမြစ်များ

SOOLLA 103:13

Ko buna min goryomba na, Yawe min suu lam ndaaramma ni na may.

VUN ŊGOLNA 28:8

Sa ma ɦiz tam u tlesuu kaasi kay suunana, bege mam ndaɗta hin tuɗ ki ni vi sa ma wi hahaw suu maŋinana.

ZAKARI 7:9

«Yawe, ma Saɓakŋa Kom Belna, ɓak ana, Kaagi ɓak ma gasina, gegelay li ni dlara ɗegeera u oora kay wayamma.

MATIYE 18:33

Aŋ a wi hahaw ndaraŋŋa gin ni ko an waŋ hahawaŋga na may.

Boy Ma Ayra Ma LUK Ɓiirimma 10:33

Sa Samarina ay koyra tli hu voɗ ndaɗta, nam wi sa namma na ni, hurum haɗ kam ŋgol cocoo.

SUNDA 2:1

Buu ma luu ma Pantekotna ndak ndakŋi suu vina halaŋ tok tasi halaŋ hu lina dew.

SUNDA 27:3

Vin maɗii ni ami tewemi Sidon, Julius hurum jivi eg Pol, hinim ana nam tuɗ gol banayamma, lini nam fi va ma nam minim ay kosi kalage.

SUNDA 28:7

Eg li namma na tokŋi sa ŋgolna dew ka kay daara huwa sem ana Publiyus, sa namma vami u furira ŋgolo, ami buu varam hindi.

SUNDA 4:32

Suu vina tok tasi halaŋ, hurusi taɓi dew, saa masira dew, sa ma dukusi ma di ana vaamma ni kay tamu kaɗi, tlegeyesi halaŋ taɓi dew.

ROMMA 12:10

Lagi minda duk tagiya tagiya ko gorseŋ tasina min tasira na, tli yam tagi kolo koloo.

ROMMA 15:5

Lona may ma ɦal gaɗta gaɗ suuna u kakka heɓpana mba mbuɗugi saɓak a kak ko tagiya, minigi duk tagiya tagiya ko Yesu Kristu lira na.

1 KORINTNA 1:10

Gorsenna an gaɗagi fok Bu Suuna mayna Yesu Kristu, wagi ki kaki ana vunugi mba ɓorow zeɗ zeɗɗi, taɓagi na dew, saa magira li dew ɗigil magira li dew lay.

1 KORINTNA 12:26

Lini mbalatan ta dew wi hawra tliwin wi hawra uɗ halaŋ may, lini mbalatan taa dew fi ŋgara tliwin halaŋ li furira uɗ may.

EFESNA 4:2

Lakagi ɗiliya, u lalamba, u juɓpa, njunugi u tagiya tagiya u minda.

EFESNA 4:31

Hinigi huu ma cona ki egegi day. Dlara ɓeŋ huna u yara, sawalla u ŋgulla. Doo tagi kay a li dla cora halaŋ.

EFESNA 4:32

Lagi jivira u minda eg tagiya tagiya, ɦeɓegi hurugi ki eg tagiya, ko Lona hinigi coogira ki hu Kristura na may.

FILIPINA 2:3

Lagi va u saara ŋga taraɗi, u dlara bay uɗta a tak tagira ɦawaɗi, lagi lalamba eg tagiya tagiya, gol ndarayaŋŋa ŋgol su taŋga.

FILIPINA 3:16

Lini nanagelay tuɗuygi fok hu voɗta aygi tlaɗ ay gak gak karamba.

KOLOSNA 3:12

Agi ni suu vi Lonna, Lona managiya, nam managiya agi mba li ki a suu mamma ni kay ndaɗta agi cukugi dlara jivira kagiya u hoŋga hoŋ yamba kaŋgara lalamba u ɗigilla.

HEBRENA 13:1

Minigi tagiya kay agi ni gorse tagi hu Kristu.

Magaara JAK Ɓiiriɗta 2:13

Kay mege Lona hin kaɓakŋa wanni ka wi hahaw sa ma ka wi hahaw ndarayamma ɗina ɗi may, dla mayra wi hahaw saara ni su kay ɓakŋa day.

Magaara JAK Ɓiiriɗta 3:17

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.

Magaara JAK Ɓiiriɗta 5:11

Ami di kasi ana furira ka kasi ŋgolo kay asi col ay saɓaki. Agi humugi kay lalamba vi Job ana mege, agi wi dlara Bu Suuna hin ɦamba ŋgoo daganda ni nanage? Bu Suuna ni sa ma hurum jivina wi hahaw suu mamsina lay.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 PIYER 2:17

Humugi u suuna halaŋ, minigi gorsegi suu vina, lagi ndaa Lona, hum u mul ŋgolna may.

1 PIYER 5:5

Na may agi gorzoŋina humugi u suu ŋgolona, agi halaŋ cukugi lalamba kagiya kay a njun u tagiya tagiya. Kay ɓiira di ana, «Lona hurum ɓeŋ eg suu ŋga tasina, nam ɦal oo mamba maŋ suu hoŋ yasi gaana.»

2 PIYER 1:7

Cuk kay taɓpa taɓ u Lonara minda min gorseginara, cuk kay minda min gorseginara, minda.

1 JAŊ 3:14

Aygi wi ana aygi hin maɗna ha ki tani kal ni hu iirira, aygi wi na ni kay me aygi min gorseyginara. Sa ma ana nam ka min wayammaɗina nammi fun maɗna tuwa.