1 PIYER 3:21 - Boy Lonana

²¹ Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

1 PIYER 3:21 ပူးပေါင်းရင်းမြစ်များ

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

MARK 16:16

Sa ma tin hurum kanna, fi batemma lay, nam hin suɗ kiyo. Sa ma tin hurum ka kanɗina ɓakŋa hin vamu.

Boy Ma Ayra Ma JAŊ Ɓiirimma 13:9

Simon Piyer ana, «Bu Suuna lini na ni, mbusun sen doy holɗi, mbusun kon u yan may halaŋ.»

SUNDA 16:33

Sa ma golla yowosi um njeŋge ndaɗta ni na gak gak tuɗ mbususi mbilisi kiyo. Asi hin mbusum batemma u suu mamma halaŋ ni hu li namma.

SUNDA 2:38

Piyer hoŋosi dira ana, «Jokogi hurugi ki zeɗ, gege gegelay dukugi ni mba mbus ki batemma u sem Yesu Kristu. Kay coogira hin bulum kiyo, agi mba fi ɦala vi Lonara ni Musuk Lonara.

SUNDA 22:16

Cecemi aŋ juɓmi me ologe, col kolo mbus ki batemma, a cooŋga mbus ki u yira yam semba.»

SUNDA 8:36

Asi tuɗ voɗ na ni fi mbona fokosi fini sa ŋgolna di ana, «Mbona wanni, va ma dooron ana an mbus ki batemmaɗina ni me ologe?» [

SUNDA 8:37

Filip dam ana, «Lini aŋ vi u huruŋ gasi ni aŋ ndak fi batemma.» Sana hoŋ dira ana, «An viya, an vi ana Yesu Kristu ni Goŋ Lonna.»]

ROMMA 5:14

Doli ni miɗna col ay ni eg Adam gak gak tew Moiz, miɗna njay ki kay suu li co ka ko Adam ma hum ka u gaɗta vi Lonaɗina, Adammi sa ma tak ki kay sa ma hin mbay daganna.

1 KORINTNA 12:13

Aygi halaŋ suu Juifna u njaf suu daŋŋa, mborɓiina u suu vuɗina, aygi halaŋ mbusuygi batemma a taɓmi tara dewra u Musuk ndaɗta, ɦaygi ni kay aygi halaŋ taɓ ci u Musuk ndaɗta dew.

1 KORINTNA 4:6

Gorsenna boy ma an dam kay Apollos may kay tanda may na, an min agi haɗam um ki jiviya. An min agi vi ko ami lira na, ni agi hin wi u vun ŋgol ma di ana, «Calaɗ ki kay va ma ay ɓiiri hu magaaranaɗi,» sa ma dukugi mba ŋga tam kay ndarambi.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

GALATENA 3:27

Agi halaŋ suu mbus batemma a taɓ u Yesu Kristuna agi cukugi dlara wilira hu Yesu Kristura kagi wa.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

KOLOSNA 2:12

Hu li ma agi fi mbussa batemma ni agi pagi tagi gaa u Kristu, agi paɗ ki kolo ni u namu, kay agi vi u saɓakŋa vi Lona ma paɗam ki kolo hu miɗna iirina.

1 TIMOTE 1:5

U dlara vi gaɗ ndaɗta mbay ni minda vi hu ma jivina u dlara huruŋ saaraɗ fok jivira vira gasira.

1 TIMOTE 6:12

Duu duu ma jivina vi vira, vi iirira ka a daɓ kiɗira, Lona yaŋŋi kay aŋ wi iiri mayra ndaɗta, hu li ma aŋ diki kay viiŋga duk suu humuŋ dlaaŋga bolowo.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

HEBRENA 11:19

Abraham vi ana Lona ndak a col Isaak ki kolo iiriya, Abraham hin fi Isaak ni wili gadla olo, ana Lona colom ay kolo iiri duk suu miɗina.

HEBRENA 13:18

Cenegi Lona kami tew tew, ami wi ana ami ka u saara jivira, ami min ana poy mamira mba li ɗegee hu tlena halaŋ.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

HEBRENA 9:24

Kay Kristu kal ka ni hu zi ma sa warna minim u komma a tak ki kay dlara gasiraɗi, nam kalni huulona tamba gaw a tak tam ki fok Lona ni kaygiya.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

1 PIYER 3:16

Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona.