1 PIYER 3:20 - Boy Lonana

²⁰ Ni maŋ ŋgus suu ay jew hum ka u Lonaɗina, hu li ma Lona ka juɓ u lalamba hu buu ma Nowa ka ceɗ lumba tuna. Suu cuk hu lumbana ka bolowɗi, ni kalavandi daŋ suɗ ki ko mbona ni asi gaw.

1 PIYER 3:20 ပူးပေါင်းရင်းမြစ်များ

URA TIN AYRA 6:13

Nam di Nowa ana, «An min ba suu war suu kay ndaŋgarana kiyo. Dla coosira asi laɗta kay ndaŋgara halaŋ mbuɗ ki coo, an min baasi ki u ndaŋgara halaŋ.

URA TIN AYRA 6:3

Yawe ɓak tam ɗaŋŋi ana, «An ka ndak a hin Musuk manda ŋgom suuna kay ndaŋgara na gak gakgi, kay asi ka li cora, asi miɗ ki ni miɗiya, basa masira kay ndaŋgara ka li su kis duk dok-mba'ɗi.»

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

URA TIN AYRA 6:8

Nowa ni sa fi oora vi Yawera.

URA TIN AYRA 7:13

Hu li namma Nowa kal hu lumba u caamba, u goryom, Sem, Kam u Jafet, u boyogosi suu hindina may.

URA TIN AYRA 8:1

Lona saa kay Nowa u yoorina u mburi suu um hu lumbana, nam saa kasiya. Nam sii semeɗna kay ndaŋgara, mbona gijaŋ hoŋ kaŋga ni na gaw.

URA TIN AYRA 8:18

Nowa kal ay ki hu lumba u caamba, goryom u boyogosiya.

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

MATIYE 7:14

Vun goŋga sana kal huruɗ a suɗ kira, ndaɗ gooro. Voɗta kal hura na keɗet daŋ. Suu tuɗ huna ka ŋgolɗi.»

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

SUNDA 2:41

Suuna ŋgolo vi u boy ma vi Piyerna, asi mbususi ki batemma lay, fali ndaɗta ni suu vina ii va ma bup bup hindi taɓ u suu jewna.

ROMMA 9:22

Va ma agi min dam kay Lonna ni mege? Nam min a tak yaamba u saɓak mamma kiyo. Kay ndaɗta nam siɓ ŋgolo u ɗigilla kay suu yaamba mba gin kasina hin tok a baasi kina.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

HEBRENA 11:7

U vira Nowa hum vun Lona hu li ma nam dam kay va ma hin li ha fokŋa, ni nam ka wi dla ndaɗta u irim tuɗi lay. Nam hum vun Lona, ceɗ lumba, suɗ tam ki u suu mamma huruɗu. Ni nam kaɓakŋa kay suuna hu duliyara, ni u viimba, Lona mbuɗ golom a sa ma ɗegeena.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 PIYER 1:9

Va ma agi fam kay tinda tin hurugi kamba ni suɗta suɗ iiri magira.

1 PIYER 2:25

Agi li ay ni ko timigii suu ki viɗina na, cecemi wanda agi mba eg sa ma taa yoona jivina a gologi Musuk magira.

1 PIYER 3:19

Musuk Lona ndaɗta tuɗum gak gak nam tuɗ di boyna maŋ ŋgus suu ha hu daŋgaynana.

1 PIYER 4:19

Ko ndaɗta na suu wihawra u minda vi Lona tuɗ fok a li jivira u hurusi halaŋ maŋ Lona ma li tlena halaŋŋa, ma li u vi vun mammana.

2 PIYER 2:5

Lona hin ndaŋgara basira kaɗi, nam tli yo ma ŋgolna ki kay ndaŋgara ci suu cona kiyo. Nam hin suɗ ki ni Nowa ma di boy ma jivina kina doy hol u suu daŋŋa kiɗisiya may.

2 PIYER 3:15

Lalamba vi Bu Suunara ni ko voɗta suɗuygira na, ni kay ndaɗta wayaygi ma banaygina, Pol, ɓiirigi boy namma u yal ma Lona ɦammana.