1 PIYER 3:18 - Boy Lonana

¹⁸ Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

1 PIYER 3:18 ပူးပေါင်းရင်းမြစ်များ

DANYEL 9:26

Ŋgoo dagan cokira dok karkiya yam mbara, sa ma fuurina hin cam kiyo, may ka ni kay tambaɗi. Kay ɦoŋzina u li ma teteɗ ma ɓivunna, suu vi mul ma ka mbayna hin ɓeŋem kiyo, daɓ mamba hin mbay ni ko babaana na, ta ta daɓpa vi duuna ni hin di boyna kay ɓeŋ mamba.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

NDUMBA 7:15

bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,

MATIYE 27:19

Pilat kaki hu li ɓakŋa na ni, caamba sun sa maa ay dew, dam ana, «Lagi va eg sa nammaɗi. Doyra dan ka njeŋge u nam cowaɗi.»

MATIYE 27:24

Pilat wi ana nam ka ndak egesiɗi, asi tum soora tumi na ɗow ɗow ni, nam ana ɦam yona aya. Nam mbus kom ki fok suuna halaŋ, di ana, «Ndolon ka dukgi. Busu sa namma ka kanɗi.»

Boy Ma Ayra Ma JAŊ Ɓiirimma 16:10

Asi viɗ tasi kay tlesuu ɗegeena ni kay an tuɗ eg Bunu, agi hin ka wan oloɗi.

SUNDA 22:14

Nam di ana, Lona vi somoyomi manaŋ ki fok jew a aŋ wam min mamba, a aŋ wi ma Ɗegeena, aŋ hum nam daŋ ay ni u vunum gaw.

SUNDA 3:14

Agi noyogi sa ma Teteɗ ma Ɗegeena kiyo, hin joɓogi Pilat ana ɦagi sa ma ci maɗna maa ay ki dew.

ROMMA 1:4

Na may Musuk Lonara tak ki kam ana nammi Goŋ Lonna u saɓakŋa, hu li ma Lona paɗam ki kolo duk suu miɗina.

ROMMA 4:25

Ҥam ay ki hu miɗna ni kay cooygira nam colom ki kolo iiri ni kay a mbuɗuygi ɗegee fok Lona.

ROMMA 5:2

Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.

ROMMA 8:11

Lini Musuk Lonara ta col Yesu ay ki kolo hu miɗna iirira ka hurugiya ni, nam sa ma col Kristu ay ki kolo hu miɗna iirina, hin ɦagi iirira maŋ mbalatagira miɗira u Musuk mamba ka hurugi ndaɗta.

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

2 KORINTNA 1:24

Ami ka hal a ɦeɓegi kay vira ɦeɓiɗi, kay agi ka hu vira saɓaki, ami min li sunda u agi kay jivi maygira.

2 KORINTNA 13:4

Nam ay ki ɓali kolo hu gu ma garakŋa ni kay maŋi mamba, nam ka iiri u saɓakŋa vi Lona. Hu taɓpa u namba ami ni maŋi may, u lira ami ka li u agira ni ami kak iiri u nam hu saɓakŋa vi Lona.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

GALATENA 1:4

Kristu ɦal tam ki u min mamba kay a suɗuygi ki hu cooygira, a buɗuygi ki hu duliyara co wanda, u minda vi Lona ma buygina.

GALATENA 3:13

Kristu mbuɗ ki sa ma baayna balamaya, nam buɗuygi ki ko gaɗta, magaara di ana sa ma ki ɓali kolo hu gu garakŋa ni sa ma ki baayna.

EFESNA 3:12

U taɓ maygira u namba, u viiygira hurumba ni aygi faygi buɗta kay a col fok Lona hu vira gasira.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 10:10

Kay mege, Yesu Kristu li tlesuu Lona minisina ki halaŋ, aygi cooygira mbus ki halaŋ u ɦala nam ɦal mbalatam kira, li sem dew ni ki daɓi halaŋ.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

HEBRENA 9:26

Lini naɗi ni nam gijaŋ wihawra sem bolowo ay u minda min duliyara day. A gasira nam li cecemi na sem dew ni a fafatɗa. Ni lina hin tok a daɓa, nam a bulum cora kira wanni ɦal tamba a ɓivunna gaw.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

Magaara JAK Ɓiiriɗta 5:6

Agi vagi suu ɗegeena casi kiyo, asi ŋgafagi ka u yaɗi.

1 PIYER 3:19

Musuk Lona ndaɗta tuɗum gak gak nam tuɗ di boyna maŋ ŋgus suu ha hu daŋgaynana.

1 PIYER 4:1

Ko Kristu fi lassa hu mbalatamba na, soogi tagi a lagi hu saa magira na may, kay sa ma siɓ lassa hu tliwimma, daɓ ki wa u cora.

1 PIYER 4:6

Ni kay ndaɗta Boy ma Ayra di aygi maŋ suu miɗina. Asi suu ɓakŋa kaay kasi hu iiri masira ko suuna na may. Boy namma dasina ay ki ni u Musukka, kay asi kak iiri ko Lona na may.

1 JAŊ 1:9

Lini aygi di cooygira ki fok Lona ni, aygi ndak a ɦam huruygi halaŋ kay me nammi sa ma ɗili ma ɗegeena, nam hin daɓaygi cooygira kiyo hin mbusuygi ki ko dla cooygira halaŋ.