1 PIYER 3:16 - Boy Lonana

¹⁶ Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona.

1 PIYER 3:16 ပူးပေါင်းရင်းမြစ်များ

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

HEBRENA 13:18

Cenegi Lona kami tew tew, ami wi ana ami ka u saara jivira, ami min ana poy mamira mba li ɗegee hu tlena halaŋ.

1 PIYER 2:15

Lona minni ana agi seŋ vun suu ka wiɗina u suu giniŋŋa u lalamba, u dlara jivira agi laɗta.

TITTA 2:8

Dini boy ma ɗegeena kay sa mba tumuŋ uŋgi, ni suu babali maŋsina hin mbuɗ zolona, kay asi hin ka fi boy ma co egeyɗi.

MATIYE 5:11

«Furira ka kagiya lini suuna ŋgulugiya, lasagiya, lagi ŋgeŋŋa u ka boyna kagiya, kayra agi ni suu mansinara.

1 PIYER 2:19

Siɓigi dla cora ni agi lini ndaa Lona u las mayra lasagi kay dossa.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

1 TIMOTE 1:5

U dlara vi gaɗ ndaɗta mbay ni minda vi hu ma jivina u dlara huruŋ saaraɗ fok jivira vira gasira.

ROMMA 9:1

An dini gasira an kaboyɗi, an ni maŋ Kristu, hu wiinda Musuk Lonara ka takan ana an di ni gasira.

SUNDA 24:16

Ni kay ndaɗta an so tan baba ana an hurun li jivi fok Lona jivi fok suuna lay.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

2 TIMOTE 1:3

An gi deɓ Lona ma an ka sunumma u saara jivira ko somoyon suu jewna lira na. An gam deɓpa hu buuna tew tew hu li ma humun gan kaŋ hu cenda.

1 TIMOTE 1:19

Gol viiŋga u saa maŋga jivira, suu ɦiw ka hum u saa masiraɗi kay ndaɗta viisira ɓalak kiyo.

2 KORINTNA 4:2

Ami hin ŋgayra zolona kiyo, ami ka lami u hu ma conaɗi, ami ka tlumumi ii Boy Lonanaɗi. Ami takami ni gasira vi Lonara na ɗow, ami gaɗami suuna kay wiisira hurusira halaŋ fok Lona.

DANYEL 6:4

Doli ɗaŋŋi Danyel namma ni ma ŋgolna vi suu sunda u suu kaɓakŋa kay ana ŋgussa mbuɗ mbuɗta kamu, mulna di ana tinim a ma ŋgolna kasi halaŋ.

SUNDA 28:22

Ami min a hum boy ma aŋ saaramma, ami wi ana suuna ka ŋgolo, min li gonokka u vira aŋ tin huruŋ kaɗ wanda.»

1 PIYER 4:4

Cecemi suu bay goɓ Lona saa kagi cora kay mayra agi ka taɓ u asi hu tiisi ma cona u poy masira coraɗi layra, asi mbuɗ ŋgulugiya.