1 PIYER 3:1 - Boy Lonana

¹ Agi boyogina may ni humugi u njufuyugiya, kay ana suu dukusi ɦiw li ka vi u Boy Lonanaɗi lay ni asi hin mbuɗ a vi u Boy Lonana u poy magira jivira bay agi dasi boy lay.

1 PIYER 3:1 ပူးပေါင်းရင်းမြစ်များ

URA TIN AYRA 3:16

Yawe Lona di cara ana, «Ndak hin vi wiina wani wi hawra cocoo, ndak hin vuɗ goryokŋi u lassa. Saa makka halaŋ tokŋi kay njufuku, nam hin lini a ŋgol makka.»

VUN ŊGOLNA 11:30

Sa ma ɗegeena vuɗ mamba ni gu ma vi iirirana. Suu wi dlara hin vi suu daŋŋa.

VUN ŊGOLNA 18:19

Wayay ma hurum ɓeŋŋa dlam loɓ a su ɦoŋzi ma saɓak ma ka dik ko saɗina. Honira ni ko erje ma dug vun grekŋa na.

MATIYE 18:15

«Wayaŋŋa li cora egeŋ wa ni, aŋ tuɗ egem, takam coomba, agi fun tagi mba'. Nam humuŋ vunuŋ wa ni, aŋ suɗ ki ni wayaŋŋa.

ROMMA 10:16

Suuna vi Boy ma Ayra ka halaŋgi, Ezayi di ana, «Bu Suuna sana vami boy mamina ni gege?»

ROMMA 6:17

Gi deɓ Lona, agi suu li ay jew mborɓiina ko dla corana, cecemi agi vi u hurugi halaŋ mbeleŋ ma agi wam ay hu haɗtana.

ROMMA 7:2

Ko ndal cara njuni hu gaɗta u njufuɗ hu li ma nam ka iiri tuna, lini njufuɗ miɗ wa ni ndaɗ buɗ ki hu gaɗ ndaɗta.

1 KORINTNA 11:3

Kay ndaɗta an min ana agi humugi u boyna wanni kiyo, Kristu ni mulna vi suuna halaŋ, sa njufna ni mul caambana, Lona ni mulna vi Kristu may.

1 KORINTNA 14:34

Hu tokka vi suu vina ni boyogina lak ɦawa bay di vaa, voɗta ka kay asi ɓak boy huɗi, ko gaɗta di ana asi hoŋ yasi kaŋgara na.

1 KORINTNA 7:16

Ndak cara vira lini ndak hin suɗ njufuk ki kala ni ndak wi u mege? Aŋ sa ma vina lini aŋ hin suɗ caaŋga ki kala ni aŋ wi u mege?

EFESNA 5:33

Boy namma dini magi agi may, lini nanagelay sa njufna min caamba ko tamba na may, cara vi vun njufuɗ may.

KOLOSNA 3:18

Boyogina humugi u njufuyugiya, ni agi a li fok Bu Suuna ni na may.

KOLOSNA 4:5

Poyogi u nera duk suu bay vina, lagi jivira hu li ma agi kana.

2 TESALONIKŊA 1:8

Nam hin mbay ki duk sin kura ŋgolla a kaɓakŋa kay suu ka wi Lonaɗina, ka vi Boy ma Ayra vi Bu Suuna Yesuɗina.

HEBRENA 11:8

U vira Abraham hum vun Lona hu li ma nam yamma, nam tuɗ hu mbassa ndaŋga Lona ɦamba a jonara. Nam hin mbas mamba kiyo, tuɗ hu mbas mayra bay nam waɗta.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

1 PIYER 3:2

Asi wagi poy magira jivira u lira agi lasi zoloosira.

1 PIYER 3:7

Agi njufina may ni lakagi jivi u boyogogiya, saa kay maŋi masira, lasi usiya agi hin taɓagi ni ko tagi dew a fagi iirira ko Lona. Lagi na a va ma co kal dukugi a doorogi cen magiraɗi.

1 PIYER 4:17

Lina ndak wa a ɓak ma vi Lonna gijaŋŋa, nam gijaŋŋa jewni u suu vi Lonna, lini nam gijaŋŋa jew ni u aygiya hin daɓ ha ki u suu bay vi u Boy ma Ayra vi Lona ni ɓak masina hin lini ko menage?