1 PIYER 2:9 - Boy Lonana

⁹ Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

1 PIYER 2:9 ပူးပေါင်းရင်းမြစ်များ

SOOLLA 106:5

Hinin an wi jivira vi suu aŋ manasina u irin may, taɓ furi manda u suu maŋsina may, ɓorow jivira u asi hu mbas maŋga may.

SOOLLA 118:27

Yawe ni Lona, nam ɦaygi kiɗikka, hu buu ma li luuna doogi kura kogiya, tuɗ ta ta tew hu givin ma togolla eg mekŋa.

SOOLLA 135:4

Kay Yawe man Yakob ni namu, suu Israelna ni suu mamsina.

SOOLLA 22:30

Suu li furira hu duliyarana halaŋ hin goɓ kaŋga fokomu. Suu ka fi suɗtaɗina lay, hin mba goɓ ki ga fokomu.

SOOLLA 33:12

Furira ka kay suu vi Yawe a Loosinana, furira ka kay suu Yawe manasi a suu mamsinana.

SOOLLA 73:15

Lini an min a ɓak ko asi na may ni, an gijaŋ a di kolokŋa kay suu maŋsina.

EZAYI 26:2

Mal vun gulumuna kiyo, suu ɗegeena sel voo, ni suu may suu gol tasi ay jivina.

EZAYI 41:8

Na may aŋ Israel saan ma sunda, Yakob aŋŋi sa ma an manaŋŋa, njaf Abraham, bananna.

EZAYI 42:16

An hin tuɗ suu dugina hu voɗta asi ka waɗɗira, tinisi irisi hu voɗta asi ka waɗɗira tuɗ u asiya. Ndufunda fokosira an mbuɗuɗ ki kiɗikka. Voɗta gunira ɗoɓoɗ ki may. Dla ndaɗta an hin laɗu, ka hiniɗɗi.

EZAYI 44:1

Cemi ni humugi haa agi suu man suu Israelna, njaf Yakob, suu man suu an manasi kina.

EZAYI 61:6

Agi tagira may ni suuna hin yagi ana, «Muli suu li ɓivunna vi Yawena.» Asi hin yagi ana, «Suu ŋgolo suu vi Loominana.» Agi hin ti begera vi njaf suuna ki halaŋ halaŋ. Agi hin ɦis tagi ki u tlegeyesiya.

EZAYI 62:12

Asi hin yasi ana, «Suu may suu teteɗna,» «Suu vi Yawe suu nam buɗusi ay kina.» Asi hin yi zi ma Yerusalemma ana, «Zi ma halamma,» «Zi ma sa ka noyom kiɗina.»

EZAYI 66:21

Duk suu asina ni an hin yow muli suu li ɓivunna, suu vi Levina may, di ni Yawe u tamba.

EZAYI 9:2

Aŋ wulusi furi masira kolo wa, aŋ zulusi u ay masira wa. Asi ka furi fokoŋu ko suuna furi hu buu ma feɗ tlena vona na, ko suuna furi a ɓorow joo ma asi fam ay fun duunana na.

MALASI 3:17

Asi hin li ni suu mansina, Yawe, ma saɓakŋa kom belna, di ana, hu buu ma an hin min ii tlegeyen ki kay tasina. An hin suɗusi ki ko ndal buna suɗ goromma sunum ɦayna kira na.

MATIYE 4:16

Agi njaf suu duk ndufundana, hin wi kiɗikka ŋgolla. Agi suu duk ndufunda ko suu zolina na na, kiɗikka hin fagi lay.»

MATIYE 5:16

Agi a li kiɗikŋa fok suuna ni na may. Suuna wagi jivi magira na ni, asi geleɗ Bugi ma kolo huulona may.»

Boy Ma Ayra Ma LUK Ɓiirimma 1:79

A gi u suu ay ki duk ndufundana kiyo, asi suu ay fun maɗnana. Kay tuɗuy hu voɗta heɓpa.»

Boy Ma Ayra Ma JAŊ Ɓiirimma 17:19

Anu, an mbuɗ tan ki teteɗ ni kasiya, kay asi lay mbuɗ ki teteɗ hu gasira.

SUNDA 20:28

Gologi tagi jiviya, gol timigii suu Musuk Lonara ɦagisina kogi ana agi golosina jiviya. Gologi suu vi Kristuna vi Lona jiviya, suu nam vuɗusi u miɗna vi Goromma.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

SUNDA 26:28

Agripa di Pol ana, «Aŋ hin tok a mbuɗun hurun ki a vi Boy Lonana.»

ROMMA 9:24

Aygi suu nam yaygina ni ka duk njaf suu Juifna holɗi, ni duk njaf suu daŋŋa lay.

1 KORINTNA 3:17

Lini sana ɓeŋ Ziŋ Lonana kiyo Lona hin ɓeŋ sa namma ki may. Ziŋ Lonana co ka egembi, a Ziŋ Lonana ni agiya.

EFESNA 1:14

Musuk Lonara ni va ma mbuɗ balna ŋgayra vi suɗta ta nam di ay ki kaɗ jew maŋ suu mamma ko jona nara, nam daygi ana aygi hin fi jo namma ni hu li ma aygi buɗ kiwana. Geleɗeygi Lona kay ŋgol mamba.

EFESNA 1:6

Geleɗeygi Lona kay ŋgolla vi oo mamba ta nam ɦaygira hu gorom ma nam minimma.

EFESNA 3:21

Ŋgolla ni maŋ Lona hu suu vi Kristuna halaŋ, u Yesu Kristu hu lina halaŋ a fafatɗa. Amin.

GA 8ATAMBARA 10:15

Kay Yawe njun tammi eg somoyogi doy hol minisiya, ŋgoorosi daganni nam minisi goryosiya, ni ana agi ni suu nam managi ki duk njaf suuna halaŋŋa, ko agi wi cemi wanda na.

GA 8ATAMBARA 14:2

Kay agi ni suu may suu ki tini zeɗ maŋ Yawe Looginana. Agi ni suu Yawe managi ki mam a suu mamsina kay tamma, duk njaf suu kay ndaŋgarana halaŋ halaŋ.

GA 8ATAMBARA 18:2

Suu Levina joosi maa ka duk gorsesinaɗi, joosina ni Yawe tamba gaw. Ko nam u tamba dasira na may.

GA 8ATAMBARA 4:20

Na may agi ni suu Yawe yowogi kiyo, nam cukugi ay ki hu mbassa Egiptera, kura ŋgal ndaɗta ni ko jojokka yoo kawi ma vagi ga namma kira, na ni kay a agi mbuɗ ki suu mamsina, ni a joomma ko agi ki cemi wandara na.

GA 8ATAMBARA 7:6

Kay agi suu hin tagi ki maŋ Yawe Looginana. Yawe, Loogina managi ki ni namu, a mbuɗugi ki suu mam suu kay tamma duk njaf suu kay ndaŋgarna halaŋ.

FILIPINA 3:14

An liŋŋi irin ŋgarasi kay va ma an liŋ kamma, a fi warak ma Lona yay ay kam hu Yesu Kristu ha kolona.

KOLOSNA 1:13

Na nam buɗuygi ay ki hu saɓak ndufunda, cukuygi ki hu mulla vi gorom ma nam minimma.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

1 PIYER 4:11

Sa ma di boyna kina jok ha ki ni Boy Lonana, sa ma sunda li u saɓak ma Lona ɦammana kay a tlena halaŋ ɦal ŋgara ni maŋ Lona, kay Yesu Kristu ŋgolla ni mamba, saɓakŋa ni mamma gak gak. Amin.

WIRA ŊGAYRA 1:6

Nam laygi a mulla vi muli suu li ɓivunna kay sun Lona, Bumu. Ŋgolla u saɓakŋa maŋ Yesu Kristu a fafatɗa, Amin.

WIRA ŊGAYRA 20:6

Furira u paɗvunna kay suu paɗ ki kolo jew asina, ni suu saɓak miɗ ma mbana ka kasiɗina. Asi hin lini muli suu ɓivunna vi Lona u Kristu, ti mulla u nam gak gak basara bup.

WIRA ŊGAYRA 5:10

Aŋ mbuɗusi mulla ki masiya, asi mbuɗ a muli suu li ɓivunna vi Loomina, asi hin kak a mulina kay ndaŋgara.»

1 SAMUEL 12:22

Na daŋ may Yawe ka hin suu mamsina kiɗi kay sem ma ŋgolna. Yawe may ni min a mbuɗugi ki suu mamsina.