1 PIYER 2:7 - Boy Lonana

⁷ Ҥini namma kagi agi suu vina ni dlam ŋgolo, kay suu bay vina ni, «Ҥini ma suu min zina gam kina, mbuɗ a ɦini ma gi u zina kamma.»

1 PIYER 2:7 ပူးပေါင်းရင်းမြစ်များ

EZAYI 28:5

Hu buu namma Yawe, ma Saɓakŋa Kom Belna, hinni a jumba mulla weleɗ cocora. Nammi a walakka humba ura del ko suu mamsinara.

Magaara Vi Sa Jok Vun Lona AGE 2:7

Yam mbassa halaŋ hin dlaka, begera kay yam mbassara halaŋ hin yow liŋŋa, an hin oy hu zi ndaɗta u jivira Jawe ma Saɓakŋa Kom Belna di na.

ZAKARI 4:7

Ndak li ay jew ni mege, ndak ɦinira ŋgolla? Fok Zorobabel ndak mbuɗ ki ni lii mbassa, ni hu li namma tli ɦinira ŋgolla ay ki u yira yi kolo kaɗ u saɓakam kaɗta.

MATIYE 21:42

Yesu dasi ɗaŋ ana, «Agi bay ndumugi va ma ɓiirina tu su? Ma di ana, Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu. Gola ni dlara Bu Suuna laɗta, aygi goloɗ na ni, ndaɗ su ki kaygi cocoo.»

Boy Ma Ayra Ma LUK Ɓiirimma 2:32

Nammi sa hin takaŋ seŋ ki fok suuna buruna. Sem suu maŋ suu Israelna hin tii ki um halaŋ.»

Boy Ma Ayra Ma LUK Ɓiirimma 2:34

Simeon paɗ vunum ki kasiya, di Mari su Yesu ana, «Ndak gola, gogoo namma wanni suu Israelna ɦiw hin suɗ ki umu, suu ɦiw hin ba ki may. Nammi sa ma suuna hin ɓeŋ dukusi ki u Lona kamma.

Boy Ma Ayra Ma LUK Ɓiirimma 20:17

Nam Yesu golosi na ni hin di ana, «Boy ma ki ɓiirina di ni ana mege? Ҥinira suu min goŋga noyoɗ kira, hin mbuɗ a jiv goŋga ki ni ndaɗu.

Boy Ma Ayra Ma JAŊ Ɓiirimma 4:42

Asi di cara ana, «Cecemi ami tin hurumi kay Yesu ni ka u boy ma ndak damma dewɗi, kayme ami hum u hum tamira may, ami wi ana nam gasi ni Sa Suɗta vi suuna halaŋ.»

SUNDA 26:19

«Mul ŋgolna Agripa va ma tak tam irin ay kolo huulona an hum umu.

ROMMA 10:21

Kay suu Israelna nam di anaba, «Hu buuna tew tew an kon ki mali kay a vi suu ka vi vunɗina, suu hurusi honira.»

ROMMA 15:31

Cenegi kanu kay an suɗ ay ki ko suu bay vina hu mbassa Yudera, kay njunda an tuɗ u ndaɗ hu Yerusalem wanda a suu vina mba faɗ u furira.

2 KORINTNA 2:16

Kay suu ba kina ni his ma miɗna, ma ɦal miɗna lay. Kay suu ka hu voɗta suɗta, ni his ma iirina ma ɦal iirira lay. Sa ma ndak a li sunda ndaɗta ni gege?

KOLOSNA 2:10

Agi fi tlena halaŋ u taɓpa u namba. Nam kaki kay ŋgolla kolora lay kaŋgara lay halaŋ.

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

HEBRENA 11:31

U vira Rahab, cara gawlaŋga, miɗ ka duk suu ka min a vi Boy Lonanaɗi naɗi, kay ndaɗ vi suu mba gol lina varaɗu.

HEBRENA 4:11

Soogi tagi a cuk hu li ma koɗ ta namma, laygi a sa maa dukuygi mba li ko suu ay ŋgoo bagina hum vun kaɗira na, a hin ki bay kal hu li nammaɗi.

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

1 PIYER 2:4

Ҥuɗugi ay tok eg Bu Suuna, ɦini ma iiri ma suu min zina noyom kina, Lona manam a ma jivi cocona.

1 PIYER 2:8

Magaara di hu li ma daŋŋa ana, «Ҥini namma ni ma daɓ sem suuna, ni ɦini ma hin cukusi gaana.» Asi daɓ sesi kay asi ka min a hum u boy mammaɗi, kay ndaɗta asi ay ki ŋgaay ni na daŋ may.