1 PIYER 2:11 - Boy Lonana

¹¹ An ka joɓogiya banayan suu an minigina, agi ni ko koyogina u ŋgayagina na kay ndaŋgara tani, gologi tagi jivi ko saara vi mbalatara duu taɗ u iirira.

1 PIYER 2:11 ပူးပေါင်းရင်းမြစ်များ

URA TIN AYRA 21:34

Abraham li basara ŋgol hu mbassa Filistinda.

URA TIN AYRA 23:4

«Anni ŋgayna cuki ni dukugiya, ɦangi li maa nde, an a pi maɗ manna huwa.»

URA TIN AYRA 47:9

Yakob hoŋom dira ana, «Basaɗanda ka poy kay ndaŋgara ki cani kis duk dok-hindi. Basa manda hu ndaŋgara ka ŋgolɗi lay, ka kan jiviɗi lay, basaɗan tew ka ko mayra vi somoyonda naɗi.»

1 DLAŊ MULINARA 29:15

Kay ana ami fokoŋŋi koyogina, suu vi koyogina ko ndal somoyomi li ay halaŋga na may. Burumi ma kay ndaŋgarana ni ko ndal ŋgusna na, ka saaɗi.

SOOLLA 119:19

Kay ndaŋgara anni koyna, ŋgayan gaɗ maŋga ki kanɗi.

SOOLLA 119:54

Gaɗ maŋga mbuɗ ni a soolla an gaɗta, hu zi ma an tuɗ huna halaŋ.

SOOLLA 39:12

Hu li ma aŋ kaɓakŋa kay cora ni aŋ gaɗ ni sana, aŋ ɓeŋem dlara nam miniɗta ki, ko njuful ma ti vuɗ tlena na. Na daŋ may sa warna ni ko semeɗna na.

DLAŊ LEVIRA 15:18

«Lini sa njufna u cara buu tasi wa ni asi mbus tasi kiyo, asi ki mbuɗi njenje ta ta fiɗigiya.»

DLAŊ LEVIRA 25:23

«Ndaŋgara hu mbas magira ni agi ka gusuɗ ha ki a fafaɗta gawɗi, kay ndaŋgara ni varanu, agi lay ni varanu, u suu dukugi na lay ni varan bel bel.

Boy Ma Ayra Ma LUK Ɓiirimma 21:34

«Gologi tagi jiviya. Hinigi hurugi tin ki kay luu ma ɦawanaɗi, kay guruɗta summaɗi lay, kay tlesuu kay ndaŋgaraɗi lay. Li ka naɗi ni buu namma hin kafagi kagi ni kafiya.

SUNDA 15:20

Ɓiirigisina magaara, asi kom tliw ma njenje ma sana li ɓivunna maŋ fulina u nammaɗi, doo tasi kay dlara zoŋga, asi kom tliw tlesuu muruɗusi muruɗina ɗi, ci busunaɗi lay.

SUNDA 15:29

Komogi tliw ma sana li ɓivunna maŋ fulina u nammaɗi, ci busunaɗi, kom va ma sana muruɗum muruɗi ɗi, gologi tagi jivi kay boy zoŋga. Lagi tagi jiviya, hin dlara halaŋga ndaɗta kiyo.»

ROMMA 12:1

Gorsenna, aygi wi ana Lona waygi hahaw maygira. Na ɗaŋŋi an joɓogiya, agi ɦal tagi ki ko ɓivun ma iirina na, ŋgomogi tagi maŋ Lona u dlara irim jivira, ni dlara jivira geleɗ Lona u ndaɗta.

ROMMA 7:23

An fi gaɗta daŋga eg mbalatanu njogoɗ taɗ u ta hurun miniɗta, ndaɗ mbuɗun daŋgayna hu gaɗta vi cora egenda.

ROMMA 8:13

Lini agi poy u minda vi mbalatagiya ni agi hin miɗa, lini u saɓakŋa vi Musuk Lonara, agi noy minda vi mbalatara kiyo ni agi hin kak iiriya.

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

GALATENA 5:24

Suu vi Yesu Kristuna ci minda vi mbalatara ki u minda vi sa warna halaŋ.

EFESNA 2:19

Ni kay ndaɗta agi suu ka njaf suu Juifnaɗina mbuɗ cecemi ka njaf suu daŋŋa oloɗi. Ka suu mbay hu li daŋŋaɗi lay, agi mbuɗ ni suu hu ndaŋgara dewra vi Lona, hu njafna vi Lona lay.

EFESNA 4:1

An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

2 TIMOTE 2:22

Hin dlara aŋ laɗ u zoŋoŋga ki bel bel, hal ɗegeera, vira, minda u heɓpa u huruŋ ki pasiyak taɓi u suu ka yi sem Bu Suunana.

HEBRENA 11:13

Suu asina miɗ halaŋ hu vira, bay fi tlesuu Lona vi vunum kasina tuwa. Asi wasi ha ki egesi na day, gasi deɓpa, asi di ana asi kay ndaŋgara ni ŋgaygina, ko suu suuna tinisi yasi ha kay ndaŋgara daŋga na.

HEBRENA 6:9

Banayanna hu li namma ni ami li di na lay ni, ami hurumi tini kagi ɦay, ami wi ana agi ka hu voɗta jivira ni di ana ta fi suɗta.

Magaara JAK Ɓiiriɗta 4:1

Ciwayra u honira mbay dukugi ni arage? Asi mbay ni u minda cora, asi duu tasi tew tew huruygira.

1 PIYER 1:1

Ni an Piyer sa vovoɗta vi Yesu Kristu, ɓii maŋ suu ha ki njay ŋgayra hu mbassa daŋga, hu Pont, hu Galati, hu Kappados, hu Azi hu Bitini.

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

1 PIYER 4:12

Banayan suu an minigina, lakagi jim kay lassa lagira ana mba kagi na ni dlara ka u voɗoɗɗira naɗi.

1 PIYER 4:2

Agi may ni daɓagi iiri magira kay ndaŋgara cecemira a li u minda vi Lona, ka u minda vi mbalataraɗi.

2 PIYER 3:1

Banayanna wanni magaara mbara ta an ɓiirigira hu magaara ndaɗta u dlaɗta jakka an hal a dliɗigi saa magira jivira kolo u haɗta an gagi humugi wanda.