1 PIYER 1:8 - Boy Lonana

⁸ Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

1 PIYER 1:8 ပူးပေါင်းရင်းမြစ်များ

SOOLLA VI SALOMON 1:7

Dan ay gige, aŋ ma hurun miniŋ cocona, aŋ taa yoori maŋsina ni arage? Aŋ koɗosi tasi faali ni arage? Kay ka an hin a viɗ voɗ na cow cow a hallaɗi, ka jak keŋ yoori suu vi banayaŋŋana ɦawa na cow cowɗi.

SOOLLA VI SALOMON 5:16

Ŋgotlom jivi cocoo, heɓpa ay huwa, mbalatam halaŋ jivi coco a mbuɗ huu sana. Bananna ni na, galanna, ni ko ndaɗta na, agi gorɓii suu Yerusalemma.

SOOLLA VI SALOMON 5:9

Ma ndak minim namma jiv su suu daŋŋa bel bel su? Namma ndak minim su suuna na bel su? Ndak suurumi ki kam may na ni amege?

MATIYE 10:37

«Sa min bum u sum suunna ka ndaki kanɗi. Sa ma min gorom u goromba suunna ka ndaki kanɗi.

Boy Ma Ayra Ma JAŊ Ɓiirimma 14:15

«Agi li mininu ni, agi hin vagi vun gaɗ manda.

Boy Ma Ayra Ma JAŊ Ɓiirimma 14:21

«Sa ma vi gaɗ mandana li laɗu ni, sa ma mininna. Sa namma, Bun minim may, an minim may, an hin tak tan irimu.»

Boy Ma Ayra Ma JAŊ Ɓiirimma 14:24

Sa ma ka mininɗina, ka hum u boy mannaɗi, boy ma an dagina ha wanna, ni ka boy manna vaydegembi, col ay ni ko sa ma sunun ayna.

Boy Ma Ayra Ma JAŊ Ɓiirimma 16:22

Cecemmi agi hu yoora ni na may. Agi wan wa ni, hurugi hin furiya, furi magi ndaɗta sa ndak ka a ɓaɗagira ki kogiɗi.

Boy Ma Ayra Ma JAŊ Ɓiirimma 20:29

Yesu dam ana, «Ni kayra aŋ wan u iriŋu tin huruŋ kan ni na su? Furira ka kay suu tin hurusi kan bay wan u irisina.»

Boy Ma Ayra Ma JAŊ Ɓiirimma 8:42

Yesu dasi ana, «Lona lini Bugi gasagi ni, agi hin mininu, kay an col ay ni eg Lona, mba ni kay dlaamba. An mba ka kay tanɗi nam sunun ay ni namu.

SUNDA 16:34

Nam yow gi Pol u Silas varam yow ni i ɦasi tina. Sa namma u suu mamma halaŋ li furira ŋgolo, kay asi mbuɗ ki suu vi Lonna.

ROMMA 14:17

Mul Lonara ni ka kay tlesuu tira u cira ɦawaɗi, ni kay ɗegeera u heɓpa u furira hu Musuk Lonara.

ROMMA 15:13

Lona ma mba juɓpa hoɓogi u furira u heɓpa halaŋ, hu vira agi vi umba a Musuk Lonara u saɓak mamma hoɓogi u juɓpa heɓpa.

1 KORINTNA 16:22

Lini sana ka min Bu Suunaɗini, nammi sa ki baayna. Maranata (ni ana Bu Suuna mamina mbaya).

2 KORINTNA 1:22

Nammi sa ma ɓiiriygi u semma, vo Musuk mamba huruygiya kay tak ki jivira nam ka ŋgomoɗ kaygira.

2 KORINTNA 12:4

Sa namma tlam kolo hu Paradis ni nam hum boy ma sa ndak ka a dam kiɗina, boy namma voɗta ka a sa dam kiɗi.

2 KORINTNA 4:18

Ami tin hurumi ni ka kay va sa wam u irimbi, ni kay va ma sa ka wam u irimbina. Va ma sana wam u irimma ka kak ŋgolɗi, va sa ka wam u irimbina kak din din ni namu.

2 KORINTNA 5:7

Ami ka tuɗ fokomi u vira bay wi u irimi tuwa.

2 KORINTNA 9:15

Geleɗ Lona kay ɦal mamba ŋgolla bay ŋgara.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

EFESNA 3:19

Ni agi ndak a wi min mamba ndaɗ ka vaɗ a sa waɗ uɗ ki gasiɗi lay, ni agi ndak waɗu agi mba oy u ndakka vi Lona.

EFESNA 6:24

Ko oora vi Lona kak u suu min Bu Suuna mayna Yesu Kristu u minda ka daɓbira halaŋ.

FILIPINA 1:25

An wi ki gasi na ni an hin kaka, an wi ana an hin kak u agi kay a njunugi foko a li furira hu vira.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

FILIPINA 4:4

Furiyugi hu Bu Suuna na gak gak an di olo furiyugiya.

HEBRENA 11:1

Vira ni tin huruŋ gasi kay va ma aŋ ka saa kamma, aŋ wi va namma ka u iriŋgi may aŋ vi kaŋ gasi ana va namma ni na daŋ may.

HEBRENA 11:27

U vira Moiz hin ndaŋga Egipte li ndaa ka ko yara vi mulnaraɗi, nam kak u ɗigilla na en, ko nam wi Lona u irim na.

1 PIYER 1:6

Lini lassa ka lagi hu buu ma ew wandaŋa lay ni agi furiyugiya,

1 PIYER 2:7

Ҥini namma kagi agi suu vina ni dlam ŋgolo, kay suu bay vina ni, «Ҥini ma suu min zina gam kina, mbuɗ a ɦini ma gi u zina kamma.»

1 PIYER 5:4

Falira sa ŋgolna vi suu taa yoorina mba wa ni, agi hin fi jumba mulla dlaɗ ŋgolla ka ɓeŋ kiɗira.