Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PIYER 1:6 - Boy Lonana

6 Lini lassa ka lagi hu buu ma ew wandaŋa lay ni agi furiyugiya,

အခန်းကိုကြည့်ပါ။ ကော်ပီ




1 PIYER 1:6
47 ပူးပေါင်းရင်းမြစ်များ  

Wihawra ka daɓan simina ki irinu, colon ki kolo u boy maŋŋa.


Yawe, an wi ana boy ma aŋ damma ni ɗegee, aŋ hoŋon yan ga ni u voɗoɗu.


Yawe ka tok eg suu hurusi ka haɗ kay coosirana, nam suɗ suu ka yoo tasi hurusi kurufuna.


Tanda halaŋ ka di ana, «Yawe, sa ma ko aŋ nana ni gege? Aŋ suɗ sana ki ko ndaram ma saɓak suumma, suɗum ki ko suu hal a yowom tlegeyem kina.»


Aŋ wan asi ka ŋgulunu, panan lay, mbuɗun ki zolona, suu babali mansina halaŋ ka njari fokonu.


Ҥi, Yawe, lan oora kanu, golonu suu babali mansina ka lasanu. An tew ki fun miɗna tok, aŋ suɗun ki wa.


Mbagi aya gaygi soolla furira maŋ Yawe, ŋgaaygi ɦini maygi ma suɗuygina.


Yerusalem ŋga Lona di ana, an furi cocoo, furi coco ni kay Yawe, iri manda furi coco kay Loonna, kay nam cukun baraw ma suɗta egenu, nam kalan hu baraw ŋgol ma kaɓakŋa, ko ndal goora min taɗ a hal njufna, ɗowba mul ma li ɓivunna tin jumba jivira kamba na, ko goora hal a i njufna min taɗ ki jivira na.


A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.


«Mbaagi ay egenu agi suu nekka cagina, an koɗogi tagiya.


Nam yi Piyer u goryoŋ Zebedena ha umu. Nam gijaŋ li ndaana, tam tuɗum na dukuk dukuk.


Furiyugiya, ayagiya kayme warak magina ha juɓugi kolo huulona. Asi las suu jok vun Lona ay fokogi jew ni na may.»


Lagi ayra kay fulina hum ugiraɗi. Furiyugi ni kay segi ma ɓiiri kolo huulona na ɗow.»


Sa sunda huulona dasi ana, «Lagi ndaaɗi. An mba dagi ni Boy ma Ayra ma suuna hin furi um halaŋŋa.


Cecemmi agi hu yoora ni na may. Agi wan wa ni, hurugi hin furiya, furi magi ndaɗta sa ndak ka a ɓaɗagira ki kogiɗi.


An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»


Asi gaɗ suu vina soosi hurusi ana asi kak eŋ hu vira. Dasi olo ana, «Lini nanagelay aygi a cuk hu Mul Lonara ni u wihawra coco tuwa.»


Furiyugi hu juɓpa, ɗigiligi irigi hu wihawra, cenegi u juɓpa egemu.


Aygi furiyuygi ŋgolo hu Lona u Bu Suuna Yesu Kristu ma taɓaygi cecemi u Lonna.


Aygi mbuɗ ndakira ni hu vi mayra u Yesura, cecemi aygi mbuɗ tok eg oora vi Lona ta nam miniygi huruɗta, u juɓpa ay furi hu ŋgolla vi Lonara.


Wihawra feɗta ka tuɗ kami cecem lay li kami ni bibiŋilla ŋgolla ka daɓ kiɗi, ndaɗ ŋgol saɓak su wihawra ndaɗta.


Asi lami dlara yoora egemi ŋgolo ni ami ka furi tew tew, golomi ko suu hawra na ni ami ɦizi u suuna, ami gol ko ka fi vaɗina ni a gasira tlena ka komi halaŋ.


Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,


Nam saa a min tuɗ a wagi ki halaŋ, nam yam ka vi coco tuwa kay agi hum ana nam ka tuguɗiyo.


Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.


Furiyugi hu Bu Suuna na gak gak an di olo furiyugiya.


Agi mbuɗ ni suu tlami dlaamira ura vi Bu Suunara, hu lassa coco lay ni agi vi Boy Lonana u ayra hu Musuk Lonara.


Gorsenna, njaf ndemba fagi zeɗ zeɗta agi ŋgaɓaɗ ni ko furira na ɗow.


Lagi hahawra, tiirigiya, yoorogi tagiya, mbuɗugi san magira ki tiina, furi magira jok ki yoora may.


Lini u minda vi Lona mariyaɗ vi lassa kay dlara jivira sura las kay dla cora.


Daɓpa vi tlena hin tok, gologi tagi jiviya kakagi jek jekee, cenegiya.


Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.


Ane cen di ana, «An hurun fi heɓpa ni u Yawe, ɗegee yan ki kolo ni u Yawe. Vunun mal ki ŋgolla eg suu babali mansina. An li furira kay saɓak maŋŋa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ