1 PIYER 1:4 - Boy Lonana

⁴ Aygi ndak li furira kay tlesuu hu jona vi Lona nam hinisi maŋ suu mamsinana. Ni jo ma ka ɓeŋ kiɗina, ka mbuɗ zozoɗɗi, ka mbuɗ basiɗi lay, weleɗ na gak gak. Lona ɗokosi ha kolo ni magiya.

1 PIYER 1:4 ပူးပေါင်းရင်းမြစ်များ

SOOLLA 31:19

Suu pan suuna u ŋga tasina vunusi ma kaboyna mbuɗ ki ndumu wa, vunusi ma ɓak dla cora eg suu ɗegeena.

SOOLLA 47:4

Nam cukuygi suuna halaŋ uygi gaa, njaf suuna halaŋ ki kaŋga u seygiya.

EZAYI 66:22

Na daŋ may ko huulona ma wilina u ndaŋgara wilira na an min a colosi fokon eŋ didin di na ni Yawe u tamba. Njafagi hin lak ka eŋga ni na gak gak, segi hin yi ka na didin.

EZEKIYEL 47:12

Hu doŋ lumma keŋem jakŋi ŋgusugi suu tira wuli hu cocoo, baɗasi zeɗ zeɗ halaŋ. Humusi ka yak kiɗi. Asi vuɗ cocoo, vuɗusi ne ni hu tilna dew dew halaŋ. Kay ana mbo ma col ay hu Ziŋ Lonara ka si usi tew tew. Asi tasi vuɗusi may, lasi humusi ni a kumuna gaw may.»

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

MARK 10:17

Yesu gi tam voɗ sini, sana liŋ ay egemu, mba goɓ ga fokomu, joɓom ana, «Sa haɗ jivina, an li nana a fi iirira ka daɓ kiɗira ge?»

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

ROMMA 8:17

Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

1 KORINTNA 9:25

Agi wi ana suu njokoɗta doo tasi, kay tlena ŋgolo, asi li na ni kay a fi ni jumba maŋira ɦawaa, aygi li ni kay fi ni jumba mulla mayra didinda.

GALATENA 3:18

Lini va ma Lona di kam a ɦamma ko jona na, ɦammi u gaɗta ni ka va ma nam di kam a ɦamma oloɗi, Lona tak ki kay vunum ma nam vam u Abrahamma u oora nam ɦambara.

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

EFESNA 1:14

Musuk Lonara ni va ma mbuɗ balna ŋgayra vi suɗta ta nam di ay ki kaɗ jew maŋ suu mamma ko jona nara, nam daygi ana aygi hin fi jo namma ni hu li ma aygi buɗ kiwana. Geleɗeygi Lona kay ŋgol mamba.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

KOLOSNA 1:12

Gagi deɓ Buna u furira, kay nam mbuɗugi ndaki a fi tlesuu Lona hinisi maŋ suu mamsina ha kolo hu mul mamba hu kiɗikkana.

KOLOSNA 1:5

Hu li ma Boy ma Ayra, boy ma gasina, mbay varagi tani jewra tagi mini kay juɓpa agi hin faɗ ha kolora. Viigira u min magira coli ni kay va ma agi tin hurugi kamma, ka juɓugi koloo.

KOLOSNA 3:24

Humugi gagi kay Bu Suuna hin warakagiya, agi hin fagi va ma nam hinim maŋ suu mamma a jonana, kay mege saagi ma agi sunum gasina ni Kristu.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

HEBRENA 10:34

Agi fagi wihawra hu daŋgayna u yowra asi yowogi tlegeyegira, li ni tlena baay lay, agi vi kagi u furira, kay ki wi kagi ana bege ma gasina ma kak didinna ha foko.

HEBRENA 9:15

Gola Kristu ni sa ma duk ɦoŋga kay galamba wilira, kay suu Lona yasina mba fi iirira ka daɓ kiɗira ta nam vi vunum kaɗ hu jona vi Lonara. Asi ndak kay miɗta, miɗ namma mba ni a buɗ suuna ki hu coosira asi laɗ hu li ma asi hum ay u galamba basira.

Magaara JAK Ɓiiriɗta 1:11

Fatɗa col kolo u tiiɗta nduh nduhra so gu namma kiyo, ɓoom yak ki kaŋga wani jivi mamba ka oloɗi. Sa ma ɦizina hin viɗ ki duk dlaamba ni na may.

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

1 PIYER 5:4

Falira sa ŋgolna vi suu taa yoorina mba wa ni, agi hin fi jumba mulla dlaɗ ŋgolla ka ɓeŋ kiɗira.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.