1 PIYER 1:17 - Boy Lonana

¹⁷ Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

1 PIYER 1:17 ပူးပေါင်းရင်းမြစ်များ

URA TIN AYRA 47:9

Yakob hoŋom dira ana, «Basaɗanda ka poy kay ndaŋgara ki cani kis duk dok-hindi. Basa manda hu ndaŋgara ka ŋgolɗi lay, ka kan jiviɗi lay, basaɗan tew ka ko mayra vi somoyonda naɗi.»

1 DLAŊ MULINARA 29:15

Kay ana ami fokoŋŋi koyogina, suu vi koyogina ko ndal somoyomi li ay halaŋga na may. Burumi ma kay ndaŋgarana ni ko ndal ŋgusna na, ka saaɗi.

2 DLAŊ MULINARA 19:7

Humugi u Yawe ŋgol cocoo, gol dlara agi laɗta jiviya kay Yawe Looygina ka min bay ɗegeera u ɓak ma sek ii suunaɗi, ka min ɓak ma lam u gursunaɗi lay.»

JOB 34:19

Nam dew ni sa ma ka njun u mulɗi lay, ka ɗoɓ dlara vi suu ɦizina su mayra vi suu hawraɗi lay. Kay suuna halaŋ nam lasi ni namu.

SOOLLA 39:12

Hu li ma aŋ kaɓakŋa kay cora ni aŋ gaɗ ni sana, aŋ ɓeŋem dlara nam miniɗta ki, ko njuful ma ti vuɗ tlena na. Na daŋ may sa warna ni ko semeɗna na.

SOOLLA 89:26

An hin ɦam lum ŋgolna ni mamu, ay hu lum ŋgol ma dukŋa ta ta mbo lum ma Efratana ni varamu.

VUN ŊGOLNA 14:16

Sa ma wi dlara li ndaa cora fuɗ tam ki koɗu. Sa ma laɓana taɓa ha kay dlara halaŋ, gol ana va ma lam ka huɗi.

VUN ŊGOLNA 28:14

Furira ka kay sa ma fuɗ tam ki ko dla corana. Sa ma hurum co ɦayna dlara yoora hin mba kam may.

JEREMI 3:19

An ɓak tan ana, an a mbuɗuk ki duk goryon zeɗta ni, an ɦak mbas mayra dlara tak taɗ ki ii suuna ɦayra, ni li ma su ki kay njaf suuna u jivira belna. An hin di ana, agi hin yan ki ana bugiya, agi hin ka noyon ki oloɗi.

SOFONI 3:9

«Na ɗaŋŋi an hin mbuɗ vun suuna ki teteɗ a asi halaŋ yi sem Yawe, a asi sunum u saɓakasi ma dewna.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

MATIYE 6:9

Agi li a cen Lona ni, dagi ana, Bumi ma kolo huulonna, Seŋ tii ŋgol su tlena halaŋ.

ROMMA 11:20

Ni jiviya kaasi kini kay asi vi kaɗi, aŋ varak balamasi ni kay aŋ viya, ni aŋ ŋga taŋ ŋgaayɗi li ndaana na ɗow.

2 KORINTNA 1:2

Lona Buya u Bu Suuna Yesu Kristu ɦagi oora u heɓpa.

2 KORINTNA 5:6

Ami tew tew ka u ɦiŋga hurumiya. Ami wi ana hu li ma ami kaki hu mbalatami ndaɗta tuna, ni ami ki day eg li kakka vi Bu Suuna tuwa.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

2 KORINTNA 7:11

Gologi va ma agi lamma kay yoo ndaɗta ko Lona minda na. Agi saa kay dla ndaɗta, agi tin vun ndemma, agi mbuɗ yara, agi mbuɗ ndaana, agi min wanu, agi mbuɗ tagi feɗta, agi kaɓakŋa kay cora. Hu tle asina halaŋŋi agi tak ki ana agi li va ma co ka huɗi.

GALATENA 2:6

Suu masi suu ay ko suu ŋgolona nana dlaasira asi laɗta ndolon kaɗi, kay Lona ka ɓorow ii saɗi, suu ŋgolo asina an dasi ana sa joɓon kay vaɗi.

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

EFESNA 3:14

Ni kay ndaɗta an goɓ kaŋga u vun givin fok Bunu.

EFESNA 6:9

Agi maliyasina li mborɓii magisina ko ndaɗta na may, ɦeɓesi kay dlara liraɗi. Humugi gagi kay agi may mborɓii magisina may, malagina ka kolo huulona dew, nam ka ɓorow ii saɗi.

GA 8ATAMBARA 10:17

Kay Yawe Loogina ni Lo ma kolo kay loogi suu daŋŋa belna. Nammi Bu Suuna vi somi suuna halaŋ. Lo ma ŋgolna, ma Saɓakŋa Kom Belna, ma dlam cona, ma ka keŋ li ma dew ɦawaɗina, ma ka mbuɗɗina. Gal. 2.6; Efes. 6.9

FILIPINA 2:12

Banayanna agi hum ay un hu li ma an ay dukugina, va ma ŋgolna ni agi mba hum un ko ndaɗta na, lini an ka dukugiɗi lay, lagi sunda kay suɗ magira u ndaana huwa.

KOLOSNA 3:25

Sa ma li cora hin fi warakŋa ni kay dlaamba cora may, kay mege Lona ka ɓorow ii suunaɗi.

HEBRENA 12:28

Ni kay ndaɗta aygi fi mul mayra uɗ ka jok kiɗira, gaygi deɓ Lona u sunda sunum jivira lam ndaaramu, hum um may.

HEBRENA 4:1

Lona hini vi vunna ana aygi ndak a cuk hu li koɗ tara egemu. Gologi tagi jiviya sa maa dukugi hin ki bay kal hu li ma koɗ ta nammaɗi.

1 PIYER 2:11

An ka joɓogiya banayan suu an minigina, agi ni ko koyogina u ŋgayagina na kay ndaŋgara tani, gologi tagi jivi ko saara vi mbalatara duu taɗ u iirira.

1 PIYER 3:15

Ŋgaagi Kristu hurugi kurufuwa, nammi Bu Suuna magina, minigi tagi a vagi u dlara ki maŋ suu ka joɓogi kay va ma agi ka juɓumma.