1 PIYER 1:15 - Boy Lonana

¹⁵ Lakagi teteɗ hu poy magira halaŋ, ko Lona ma yagina ka teteɗta na may.

1 PIYER 1:15 ပူးပေါင်းရင်းမြစ်များ

EZAYI 35:8

Voɗ bulna hin wak ki huwa, asi hin yaɗ ana voɗta teteɗta. Sa ma li dlara njenje ka tuɗ hu voɗ ndaɗtaɗi. Kay Bu Suuna u tamba mal voɗ ndaɗta ni namu. Suu giniŋŋa ka viɗ hu voɗ ndaɗtaɗi lay.

EZAYI 6:3

Asi sawalla kolo duk tasi ana, «Teteɗ, teteɗ, teteɗ, Yawe, ma Saɓakŋa Kom Belna. Bibiŋil mamba oy ki kay yam ndaŋgara halaŋ halaŋ.»

MATIYE 5:48

Lagi pasiyak ko Bugi ma kolo huulona pasiyakka na may.»

ROMMA 9:24

Aygi suu nam yaygina ni ka duk njaf suu Juifna holɗi, ni duk njaf suu daŋŋa lay.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

FILIPINA 1:27

Va ma ŋgolna ni poyogi jivi taɓi u Boy ma Ayra vi Kristu, an hin tuɗ ha gologi wanni hin wi ana, lini an ka dukugiɗi lay ni agi laki saɓaki, saa magira taɓi a duu u hurugi taɓi dew hu vira agi faɗ hu Boy ma Ayra.

FILIPINA 3:14

An liŋŋi irin ŋgarasi kay va ma an liŋ kamma, a fi warak ma Lona yay ay kam hu Yesu Kristu ha kolona.

FILIPINA 3:20

Kami ami ni liimina ha koloo, ha hu ni ami juɓmi Sa Suɗta Bu Suuna Yesu Kristu dew.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

1 TIMOTE 4:12

Hu zoŋ maŋga ni hin sa a ŋguluŋgi, tak taŋ ki a suu vina tli uŋu, u vunuŋ ma ɓak boyna, u poy maŋga, u min maŋga, u viiŋga, u ɗegee maŋga.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

TITTA 3:14

Kay suu mayna mba haɗ tasi a li sunda ɗegeera ura jivira, kay a hin ndak a li sun mayra garaŋga, kay asi mba mbay u dlara ɦawaraɗi.

TITTA 3:8

Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.

HEBRENA 12:14

Soogi tagi a lakagi u heɓpa u suuna halaŋ kay a poy jivi teteɗ, bay poyra jivi teteɗ ndaɗta bani, sa ndak a wi Bu Suunaɗi.

HEBRENA 13:5

Hin saara vi begera a su kagiɗi, furiyugi u va ma ka kogina, kay Lona di ana «An ka hiniŋ kiɗi, ka noyoŋ kiɗi lay.»

Magaara JAK Ɓiiriɗta 3:13

Na ni sa ma yalna u nera kom lay ka dukugi su? Nam takasi ki u poy mamba jivira, u sun mamba nam laɗta, u ɗigilla, u neemba gige.

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

1 PIYER 3:16

Lagi na ni u lalamba, ŋgaagi suuna, lini asi kaagi boyna kagi lay ni lakagi u saara jivira, suu di boy ma cona kagi kay poy magira u Kristura hin mbuɗ zolona.

1 PIYER 5:10

Ŋgoo dagan wihawra ew ndaɗta Lona ma oora yagi kay bibiŋil mamba ka daɓ kiɗira kay taɓagi u Kristu nam mbuɗugi pasiyak, soogi hurugiya ɦagi saɓakŋa ɓalagi ugi eŋe.

1 JAŊ 3:3

Lini gegelay ma tin hurum kay Kristuna, nam hin mbuɗ ki teteɗ ni ko nam na may.

WIRA ŊGAYRA 3:7

Ɓii magaara maŋ sa sunda huulona vi suu vi Kristuna hu Filadelfi. Humugi boy ma sa ma coli ɗegee, bay cora egemma damma. Vun zira vi mul ŋgolna Davidta ni komu, nam mal vun zira kiwani sa ma daŋ ka ndak a duguɗɗi, nam duguɗ wa ni sa ma daŋ ka ndak a malaɗ kiɗi may.

WIRA ŊGAYRA 4:8

Tlesuu iiri asina ma dewna garaŋam karkiya, karkiya. Asi u iira hurusi bari kurufu lay, egesi lay. Asi gi soolla ni na tew tew faali lay njeŋge lay, «Teteɗna, teteɗna, teteɗna Bu Suuna, Lona, ma Saɓakŋa Kom Belna. Ma ay jewna. Ma ka cecemina. Ma hin mbana.»

WIRA ŊGAYRA 6:10

Asi sawalla ay kolo u delesira eŋga ana, «Bu Suuna ma jivi teteɗ gasina, aŋ juɓ na gak gak, hin kaɓakŋa kay suu hu ndaŋgara a cukusi daŋgayna kay cira asi cami kira ni saɓage?»