1 PIYER 1:11 - Boy Lonana

¹¹ Asi so tasi a wi buuna u cokira Musukka vi Kristu takasi ay ki ana nam hin fi lassa, ŋgoo lassa daŋŋi nam hin fi ŋgol mamba tuwara.

1 PIYER 1:11 ပူးပေါင်းရင်းမြစ်များ

URA TIN AYRA 3:15

An hin tin gonokka dukugi u cara, duk ɦoŋ suu hu njaf carana u maŋsina may. Njaf cara hin tooŋ yaŋ kiyo, aŋ hin eɗem diŋ diŋilim may.»

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

EZAYI 49:6

Nam dan ana, «An yaŋ a saan ma sunda ni ka kay a mbaa njaf suu vi Yakobma, a suɗ ki ni suu Israelna holɗi. An manaŋ ay ki ni a kiɗikka fok njaf suuna halaŋ. Kay ana suɗ manda li ha ki ni kay yam mbassa halaŋ halaŋ.»

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

MATIYE 26:24

Goŋ Sanna hin miɗ ko magaara di ki fok jewra na. Hahawra ŋgolla kay sa ɦal Goŋ Sanna ki na. Nam vuɗ ki ginɗi ni mariyaɗ.»

Boy Ma Ayra Ma LUK Ɓiirimma 24:44

Nam hin dasi ɗaŋ, «Agi gola ni dla mayra an dagira ay ki fok jew an ay u agi tura, boy ma ɓiiri kan hu magaara gaɗta vi Moizza, u ma vi suu jok vun Lona u ma hu magaara Soolla, dla ndaɗta a li ki ni halaŋ.»

Boy Ma Ayra Ma JAŊ Ɓiirimma 12:41

Ezayi di na ni kayra nam wi ŋgolla vi Yesura, nam ɓakŋi kamu.

SUNDA 16:7

Asi mba tok eg Misi, hal a tuɗ kini hu Bitini, ni Musukka vi Yesura hinisi kaɗi.

ROMMA 8:9

Agi lagi u minda vi mbalataraɗi, lagi u minda vi Musuk Lonara kay mege Musuk Lonara ka hurugiya, sa ka u Musukka vi Kristuɗina ni ka mammaɗi.

GALATENA 4:6

A tak ki ana agi ni goryomura ni Lona sun Musukka vi goromma ay huruygiya, Musukka sawalla ana Bunu.

2 PIYER 1:21

Boy ma suu jok vun Lona damma halaŋŋi ka u minda vi sana kay tambi, ni Musuk Lonara njun usiya kay ndaɗta asi ɓak kay Lona ni na.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.