1 MULINA 9:9 - Boy Lonana

⁹ Asi hin hoŋ dira ni ana, «Ni kay ana asi noy Yawe Loosina kiyo, Lo ma buɗusi somoyosi ay ki hu mbassa Egiptera, asi ɦal tasi ki maŋ loogi suu daŋŋa, goɓ kaŋga fokosiya, sunusi lay. Ni kay ndaɗta Yawe mbaarasi dlara hahawra kasi ni na.»

1 MULINA 9:9 ပူးပေါင်းရင်းမြစ်များ

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 5:19

Hu li ma agi hin di ana, ni kay dla co tara Yawe, Looygina, tiniygi dla ndaɗta kaygi nanage? Aŋ hoŋosi dira ana, ko agi noyon ki a sun loogi suu koyogina hu mbas magira, na may agi hin sun suu daŋŋa hu mbassa ka magiraɗira.

2 DLAŊ MULINARA 7:22

Asi hin hoŋosi dira ni ana, Ni kay asi noy Yawe Lo ma vi somoyosina kira. Nam ma cukusi ay ki hu mbassa Egipterana kay asi pereɗ irisi ki u loogi suu daŋŋa goɓ kaŋga fokosiya ni kay ndaɗta hahawra mba kasi ni na.»

JEREMI 50:7

Suu fasina halaŋŋi casi kiyo. Suu duu u asina di ana, «Ami hin ka li u dla co kamiɗi kay ana asi li dla cora eg Yawe ni asiya.» Saɓak ma kaɓakŋa, saara vi somoyosira ni Yawe.

1 MULINA 18:18

Eli hoŋom dira ana, «An mbaa wihawra kay suu Israelna ni ka anɗi, ni aŋ taŋga u suu vi buŋŋa. Agi noy gaɗta vi Yawera kiyo. Aŋ tin iriŋ ki a goɓmi Baal.

JEREMI 22:8

Suuna u njafasi halaŋ hin jak hu ɦoŋzi namma, asi hin ɓak tasi ana, «Ni kay me Yawe li dla cora eg ɦoŋzi namma nage?»

JEREMI 44:23

Ni kay ana agi ŋgal ɓivunna agi mbuɗ ki cora fok Bu Suuna ni na, agi humum delem kaɗi, tuɗ ka u gaɗ mambaɗi lay, dlara nam daɗtaɗi lay, gasi ni na, dla cora mba kagi ni na. Ni dlara cecem wan daŋga gasi.»

GA 8ATAMBARA 29:23

Njaf suuna halaŋ hin ɓak ana, «Yawe a li mbas ndaɗta ki na ni kay mege? Hurum ɓeŋ ki saɓaki ŋgolla eg mbas ndaɗta na ni amege?»

2 MULINA 22:17

Kay ana asi noyon kiyo. Asi ŋgal mbitla his jivira ni maŋ loogi suu daŋŋa. Asi ɓalakan hurun ki u sun masira asi laɗ u bik kosira. Yaanda tli kura eg li nammawa, ndaɗ ka tew oloɗi.

2 DLAŊ MULINARA 29:8

Dla ndaɗta ɓeŋ huu Yawe ki coco eg mbassa Yudara u ɦoŋzi ŋgol ma Yerusalemma. Nam mbuɗusi a va ma tak pukka kaŋgara fok suuna, mbaa yoo mayra ŋgolla, mbuɗ ni a suu may suu suuna panasina. Agi lay ni ka wi dla ndaɗta ni u irigiya.

YOORA 2:15

Asi ko kosi uku, suu jak hu voɗtana halaŋ. Asi feɗ vunusi may kizik yasi may u Yerusalemba jivira. Wanni ɦoŋzi ma agi hin di gin kam ana ni jivira fafaɗtana, furi mayra kay ndaŋgara halaŋgaɗi su?