1 MULINA 8:9 - Boy Lonana

⁹ Va ka hu Zandukkaɗi. Hu ni ɦinira ceɗi mba' ta Moiz cukuɗ ka hu ay ii ɦinira Horebpa doy hol. Ni hu li ma Yawe vi galamba u suu Israelnana hu li ma asi cuk ay ki hu mbassa Egiptera.

1 MULINA 8:9 ပူးပေါင်းရင်းမြစ်များ

1 MULINA 8:21

An min lina ki hu zeɗ kay a tin Zandukka Galamba vi Yawera, ni galamba Yawe vaɗ ay u somoyoygi suu jewna dayra, hu li ma nam cukusi ay ki hu mbassa Egiptera.»

2 DLAŊ MULINARA 5:10

Zandukka Galamba va ka huɗi. Cuki hu ni ɦini mayra ceɗi mba' ta ɦaɗ ay maŋ Moiz kolo kay ɦinira Horebpa doy hol. Ni hu li ma Yawe vi galamba ay u suu Israelna hu li ma asi cuk ay ki hu mbassa Egipterana.

2 DLAŊ MULINARA 5:9

Kawi ma tli Zandukka u namma fiyeki coco lay ni, aŋ wam vunum ki ni hu li ma aŋ ka coli fun goŋga hu li ma kal ha kalafi u Zandukkana tuwa. Ndaɗ ka hu ta ta cemi.

KALKIRA 13:21

Yawe u tamba tuɗ fokosi ni namu. Faali ni nam kuluɓusi ɗugulla kasiya, njeŋge ni nam tinisi kura kasi kolo a wi lina kira may. Asi ndak a tuɗ njeŋge lay, faali lay, boy kaɗi.

KALKIRA 14:24

Col ay njeŋge day u kura ka vi kasi hu ɗugullara, Yawe ka gol suu Egiptena may. Nam gasi dlara da damba dukusiya.

KALKIRA 16:10

Hu li ma Aaron ka ɓak suu Israelna na ni, nam mbuɗ irim ha ŋgoo bagi hu fulla na. Bibiŋilla vi Yawera tak taɗ ay ki hu ɗugulla.

KALKIRA 16:33

Moiz di Aaron ana, «Aŋ tli va maa dew yow manna tassa dew ni cukum huwa, tinim fok Yawe a ɗokom kolo maŋ goryogiya.»

KALKIRA 25:16

Aŋ cuk ɦinira ceɗi mba' ta gaɗta ɓiiri hura hu Zandukka.

KALKIRA 25:21

Aŋ dug vun Zandukka kolo kayami, hu Zandukka kurufu ni aŋ cuk ɦinira ceɗi ta gaɗta ɓiiri kaɗta hu may.

KALKIRA 40:20

Nam yow ɦini mayra gaɗta ɓiiri kaɗta cukuɗ hu Zandukka kalaɗ tokolora keŋeɗu, dug vun Zandukka hu may.

EZEKIYEL 10:4

Bibiŋilla vi Yawera tak ki kolo kay Serubim ha eg zira na tok, huu zira hin oy ki u ɗugulla may, li ma kurufu hu kaanana oy ki u bibiŋilla vi Yawera may.

DLAŊ LEVIRA 16:2

Yawe di Moiz ana, «Di wayaŋŋa, Aaron, nam kal kalafi hu Li ma Saɓaki Teteɗna, ii gojoli ma caki duk ɦoŋgana na dam dambi, nam kal hu li ma Zandukka Galamba u yam Zandukka ka huna hu buuna belɗi, li ka naɗi ni nam hin miɗ kiyo, hu li ma an a tak tan duk ɗugulla kay li ma teteɗna tew tewna.

NDUMBA 17:10

«Ҥuɗugi tagi ay ki duk suu asina, an min baasi ki cem cem.» Asi goɓ vogosi ga duk ndaŋgara.

NDUMBA 9:15

Hu buu ma asi min Ziŋ Lonara kina ni ɗugulla kuluɓ ki kolo kaɗ na dlim kolo kay Mbutluɓ ma Galamba. Njeŋge ni ɗugulla li kiɗikka kasi ta ta fo lina u ndaɗta.

GA 8ATAMBARA 31:26

«Vagi magaara gaɗ ndaɗta, gagira ha na tok eg Zandukka Galamba vi Yawe Loogina. Ndaɗ ni a vara di ki kagira.

GA 8ATAMBARA 4:13

Nam dagi ki kay dla galam mamba vaɗ u agira, u boyna zeɗ zeɗ doogo, dagi ana agi mba li u boy namma nam ɓiirigi boy namma kay ɦinira zeɗ zeɗ mba'.

HEBRENA 9:4

Hu li namma ni givin ma togolla ma ŋgal ɓivun ma hisna mini u lorra ka huwa. Hu li namma ni Zandukka Galamba, taɗ hori u lor huruɗu, doyra lorra u manna huruɗu, u tokolora vi Aaron ta tin ɓorara, u ɦinira ceɗira u boyna vi galamba ɓiiri kaɗu.

WIRA ŊGAYRA 15:8

Saɓakŋa u bibiŋilla vi Lona oy Ziŋ Lonara u ndoosna ŋgolo, sa ka kal hu zi ndaɗtaɗi gak gak tuguɗira cora kiɗisiyara suu sunda huulona mbaaraɗta daɓ ki tuwa.