Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 MULINA 8:66 - Boy Lonana

66 Hu buu ma kalavandina ni Salomon hin suuna tuɗ ki voo. Asi gi deɓ maŋ mulna si si ni, cuk tasi gaw gaw, tuɗ vo hu ziisiya. Asi furi coco kay jivira Yawe, laɗ maŋ Davidta ura laɗ kay saam ma sunda u suu mam suu Israelna halaŋga.

အခန်းကိုကြည့်ပါ။ ကော်ပီ




1 MULINA 8:66
30 ပူးပေါင်းရင်းမြစ်များ  

Yosef tay bum Yakob ay mba takam maŋ Faraw. Yakob paɗ vunum ki kay Faraw.


Ŋgoo dagan mulna Salomon yi suu ŋgolona u suu maarina hu dee suu Israelna ay egem Yerusalem halaŋ u suu fok gorsesinana lay a mba tli Zanduk ta Galamba vi Yawera ay hu Ҥoŋzi Davidna ma yam ana Siyonna, jogoɗ ay ki hu Ziŋ Yawera, Yerusalemba.


lini hu mbassa asi ha ki vii balna hura asi gijaŋ saara, hom kay dla coosira, gijaŋ a ceneŋ ay hu mbassa vi suu babali masisinara ana, ami ni suu cona, ami li ni coo, ɓakŋa vami wa daŋ may.


Hu li namma gaw ni, Salomon li luu ma vun mbutluɓma ki hu gaw may. Suu Israelna tok ay ni halaŋ halaŋ, col ay Lebo-Hamat ii ma mbayawna ta ta fun mbo lum ma Egiptena ii ma dalina. Asi li luuna fok Yawe, Looygina, buuna kiɗisiya, asi hin li buuna kiɗisiya olo, buuna halaŋ doogo yam fiɗi.


Hu li ma Salomon daɓ sun Ziŋ Yawera ki may, daɓ sun Ziŋ Mulnara ki may, nam li tlesuu nam saa kasi a lasina ki halaŋ.


Ezekiyas u suu Israelna halaŋ furi coco kay Lona njunusi a li dla ndaɗta kira kay sunda li wanni yaɗ vi kaɗi.


Furira li hu Yerusalem ŋgol cocoo kay col ay hu buu ma vi Salomon ma goŋ Davidna, mul ma Israelna, day ni furira ko ndaɗta na li ka hu Yerusalem ɦoy tuɗi.


Ŋgoo dagan buu ma dok-mba' yam hindina hu til ma kiɗisiyana ni mulna njay suu Israelna ki voo. Asi tuɗ vo ni u furira. Hurusi li furira coco kay ana Yawe takasi jivi mamba ki egesi coco ɦay. Tak oo mamba ki kay David, kay Salomon, kay suu mam suu Israelna halaŋ.


Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»


Asi tli ɦoŋzi ma saɓakŋa ɦayna u ndaŋgara mbii cocora kiyo. Asi yow zigini suu tlesuu jivina hurusina ki zeɗ zeɗ bel, goloŋga asi gaɗta, sene gugutlura, ŋgusu conora, ŋgusugi suu vuɗta bolow coco may. Asi tiya hoɓ kiyo, asi ɗoo ki kak u furira ni u jivi maŋga ŋgolla.


Joɓogi heɓpa ay kay zi ma Yerusalemma, ko banayaŋŋa lak vo u heɓpa may.


Kay zi ma vi Yawe, Lo maynana, an minni jivi maŋga.


An min di ki kay jivira vi Yawera, ŋgara ay ŋga Yawera kay dlara Yawe laɗ kaygira halaŋ. Na daŋ may ni kay jivi mamba ŋgolla nam laɗ kay suu Israelnara. Nam vi loɓ namma kammi u jivi mamba ŋgolla.


Furiya goŋ Siyonda, li furi makka Israel, li furi makka, ko huruk mbuɗ san lay, goŋ Yerusalemba.


Ko ndaɗta na asi hin li furira, ko ndaɗta na asi hin mbuɗ ki jiviya. Gor zoŋŋina hin li furira kay wana, gorɓiina hin li furira kay sum veŋ ma wilina.


Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.


Hu buuna tew tew ni asi tok tasi hu Ziŋ Lonara, ti funa vo hu zira dewra halaŋ ko tasiya, hurusi eg tasi jiviya.


Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,


Agi hin lak u furira fok Yawe Loogina, agi tagira, goryogi suu njufiina u gorɓiina, suu magi suu sunugina, njufiina u boyogina, u njaf suu vi Levi suu ka dukugina halaŋ, kay asi dukugi ni joosi maa kaɗi.


Tle asina agi mba tasi ni fok Yawe Loogina hu li ma Yawe manamma agi tasi ni u goryogi suu njufiina, gorɓiina u suu magi suu sunugina, njufiina u boyogina halaŋ, u njaf suu vi Levi suu ka hu ɦoŋzi maginana bel lay. Agi hin lak u furira fok Yawe Loogina hu dlara agi laɗta halaŋ.


Agi u suu magisina halaŋ tagi ti nam ma teteɗna ay fok Yawe u furira ko tagi dew. Agi hin furi kay sun magira li jivi ɦayra kay Yawe Loogina ka njunugiya, nam paɗ vunum ki kagiya.


Ni hu li ma Yawe Loogina manam tin sem huna, agi hin laɗ u furira fok Yawe Loogina u goryogi suu njufiina u gorɓiina u suu sun magi suu njufiina u boyogina u njaf suu vi Levi suu cuki dukugina, koyogina gor suu kuyuna u boyogi suu dono suu dukugina halaŋ.


Furiyugi hu Bu Suuna na gak gak an di olo furiyugiya.


Josuwe paɗ vunum ki kasiya, hin sunusi hu liisina may. Asi tuɗ hu mbas masira hu ziisina may.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ