1 MULINA 8:61 - Boy Lonana

⁶¹ Ko agi tok hurugi halaŋŋi maŋ Yawe, Looygina na dew, kay a agi poy ni u gaɗ mamba, li u gaɗ mamba halaŋ ko ndal agi ka li cemi wandara na.»

1 MULINA 8:61 ပူးပေါင်းရင်းမြစ်များ

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

1 MULINA 11:4

Hu cokira Salomon mbuɗ ki maara ni boyogom pereɗem hurum ki u loogi masisina. Hurum ka ɗegee u Yawe Loomma oloɗi. Hurum ka ɗegee ko ndal huu bum David li ayra na oloɗi.

1 MULINA 15:14

Na may li ma mbuy kolona bulum ka kiɗi. Lay ni Aza hurum tini ɗegee kay Yawe gak gak daɓ iiri mamba kay ndaŋgarara.

1 MULINA 15:3

Nam li ni suluk ma bum lam ka ki fokom jewna na tew olo. Hurum ka toki ɗegee u Yawe, Loommaɗi. Ka ko ndal bum ŋgolo David lira naɗi lay.

1 MULINA 3:3

Salomon min Yawe coco ɦay. Nam li ni u dlara bum David damba kara, may nam li ɓivunna ŋgal mbitla his jivira ay ni kolo kay li mbuyna tuwa.

2 MULINA 20:3

«Ҥii, Yawe, wan hahawan na wige, aŋ wi ana an tuɗ fokoŋŋi u ɗegeera u huu ma tini kaŋŋa. An li dlara iriŋ jivira lay.» Ezekiyas tii u simina cocoo.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 DLAŊ MULINARA 29:9

Suuna li furira kay ɦal masira u hurusi dewra kay ana asi ɦal tlena ni u hurusi dew maŋ Yawe. Mulna David furi ŋgol coco lay.

JOB 1:1

Sana dew ka hu mbassa Ussa. Sem ana Job. Nammi sa ma ɗilina, ɗegee lay. Nam li ndaa Lona, ka taɓ tam hu dlara coraɗi.

JOB 1:8

Yawe joɓom ana, «Aŋ wan saan ma sunda Joɓ ay su? Sa ma ko nam na ka kay ndaŋgaraɗi. Nammi sa ma ɗili ma ɗegeena. Nam li ndaa Lona ɦay, ka taɓ tam hu dla coraɗi.»

SOOLLA 37:37

Gol taŋ jiviya sa ma ɗegeena, gola sa ma hurum ki jivina, sa ma hal heɓpa njafam hin hin kaa.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

GA 8ATAMBARA 18:13

Kagi agiya, poyogi jivi pasiak fok Yawe, Loogina.