1 MULINA 8:46 - Boy Lonana

⁴⁶ «Hu li ma suu Israelna hin gaŋ vunuŋ ki wa, kay ana sa ma hu ndaŋga ma bay ŋgel kaɗi, aŋ huruŋ ɓeŋ egesi hinisi ki hu duk ko suu babali masisina wa, asi yowosi balna tuɗusi ha ki hu mbas masira dayra kala ɗowba toko ni,

1 MULINA 8:46 ပူးပေါင်းရင်းမြစ်များ

DI BOLLA 7:20

Kay sa ma ki na ɗegee kay ndaŋgara tani kaɗi, ma ndak a li jivira bay li dla co hu ni kaɗi.

VUN ŊGOLNA 20:9

Sa ma ndak di ana, «An mbus coonda ki wa, suluk ka kan oloɗina» ni gege?

ROMMA 3:23

Suuna halaŋ li cora wa, ka ndaki kay a fi ŋgolla fok Lonaraɗi.

EZAYI 64:6

Sa ma yaŋ seŋ kaɗi, sa ma dliɗ tam kolo a vaŋ kom kaɗi lay, kay aŋ ŋgay taŋ ki irimi wa, aŋ hinimi ko dla coomira ka lasami ni ndaɗu. Ami mbuɗ ni suu ka hu yoorana.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

SOOLLA 130:3

Lini aŋ a ndummi cora ni, Yawe, sa ma hin kak iirina ni gege?

Magaara JAK Ɓiiriɗta 3:2

Aygi halaŋ laygi cora tew tew, u njafaɗ zeɗ zeɗ. Lini sana boy ma nam damma halaŋ ka fi co hurumbi ni nammi sa ma ɗegeena ndaki a doo tam kay dlara halaŋ.

2 MULINA 17:18

Yawe hurum ɓeŋ ki ŋgol coco eg suu Israelna. Nam dikisi ha ki na day egemu. Dee suu vi Yudana hinni asi doy hol.

2 MULINA 17:6

Tew hu basara dleeŋera a Oze kaki hu mullara, mul ma Asirina ndug Samari, yow suu Israelna ha ki mbaɓura hu Asiri. Nam cukusi ha ki hu Hala may, ha ki hu Gozan li ma mbo ma Haborna ɓaɗ ha huna may, hu ɦoŋzi ma Medina may.

GA 8ATAMBARA 28:36

«Yawe sunugi u mul magi ma agi tlam fokogina ha ki maŋ njaf suu somoyogi lay agi tagira lay ka wasiɗina. Ha hu li namma agi sunni loogi suu hawana, gugunina u ɦinira.

GALATENA 3:22

Boy ma Ɓiirina di anaba suu hu ndaŋgarana halaŋŋi mborɓiina u saɓak cora kay ɦala Lona vi vunum kaɗta mba li maŋ suu vi u Yesu Kristuna.

ROMMA 3:19

Aygi wi ana dlara gaɗta daɗta dini maŋ suu li uɗna, vun sa ka mal a di boy ma puruɗ tam kiɗi, kay a suuna halaŋ ɓakŋa vi Lona mba tok kasiya.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

SOOLLA 143:2

Kaɓakŋa kay saaŋ ma sundaɗi, kay suu iirina halaŋŋi ma iriŋ ɗegee kaɗi.

SOOLLA 19:12

An saaŋ ma sunda hum haɗ ndaɗta wa. Aŋ warakanu kay anni sa ma hum u dlaaŋgana.

JOB 14:4

Sa ma ndak a paɗ va ma teteɗna ay ki duk va ma njenjena ni gege? Sa maa na dew hu duliyara tani lay ni kaɗi.

2 DLAŊ MULINARA 6:36

«Lini asi li suluk egeŋ wa kay sa war ma bay li co kaɗi, huruŋ ɓeŋ ki egesi wa, hinisi ki duk ko suu babali masisina wa, asi su kasi yowosi ha ki mbaɓura hu mbassa dayra ɗowba ta egesi tokka,

2 MULINA 25:21

Mul ma Babilonna casi poŋga, hin casi ki maɗna hu Ribla tana hu mbassa vi Hamatta. Suu Yudana mbuɗ ha ki eg mbas masira day ni ko ndaɗta na.

2 MULINA 17:23

ta ta mbuɗ a Yawe dikisi ha ki egem day, ko ndal nam di ay ki fok jew fun suu mam suu sunda, suu jok vun Lona suu Israelnara na. Suu Israelna tuɗ ki na day eg mbas masira, ha ki hu Asiri ta ta cemi.

GA 8ATAMBARA 29:28

«Tlesuu ŋgayna wasi ni Yawe. Nam gaygi u gaɗ mamba ay ki ni maygi aygi may, maŋ goryoygi suu ka daganna may ha na gak gak kay ana aygi mba li u gaɗ ndaɗta halaŋ.»

1 MULINA 8:45

aŋ ha kolo huulona day ni, humusi cen masira haa, ɦasi saɓakaŋa a su kay suuna a buɗ tasi kira.

SOOLLA 130:4

May aŋ tin vaɗ huuna kay suuna, kay ndaɗta asi hin laŋ ndaaraŋu.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.