1 MULINA 8:44 - Boy Lonana

⁴⁴ «Lini suu maŋsina hin tuɗ a duu u suu babali masisina hu li ma aŋ dasi ana asi tuɗ huwana, lini asi cen Yawe kay li namma ma aŋ sunusi huna, kay ɦoŋzi ma aŋ manamma u zira an miniɗ wan a yaŋ seŋ hura ni,

1 MULINA 8:44 ပူးပေါင်းရင်းမြစ်များ

2 DLAŊ MULINARA 32:20

Mulna Ezekiyas u sa ma jok vun Lona, Ezayi ma goŋ Amosna, cen Lona kay a nam njun usiya.

2 DLAŊ MULINARA 18:31

Hu li ma suu ŋgolo suu jaŋ pus pus ma kulumina wi Josafat ay na ni, asi di ana, «Gola cowni, mul ma Israelna.» Asi mba ŋguf ki kam a vamba may ni, Josafat sawalla kolo ana Yawe njunumu, Lona hin hoŋosi irisi ha ki kamu.

2 DLAŊ MULINARA 6:34

«Lini suu maŋsina tuɗ a duu u suu babali masisina hu li ma aŋ gasi irisi huna, lini asi pereɗ irisi ay eg ɦoŋzi ma namma hu li ma aŋ ka huna, hu ɦoŋzi ma aŋ manamma hu zira an miniɗ wandara ni,

1 MULINA 8:16

Col ay hu li ma an cuk suu man suu Israelna ay ki hu mbassa Egiptera day, an man ɦoŋzi ma ŋgol ka ki a asi minin zina a an hin tak tan ki irisira tuɗi. May aŋ David an manaŋ ki ni a mul ma fok suu man suu Israelna.

2 SAMUEL 5:23

David joɓ Yawe nam hin hoŋom dira ana, «Aŋ ŋgafasi ha a duuna gawɗi. Aŋ pereɗ ay ki ŋgorosi dagani. Aŋ hin mbay egesi pay li ma gura huna na ɗow.

2 SAMUEL 5:19

David joɓ Yawe ana, «An tuɗ duu u suu Filistinna su? Aŋ hin ɦansina ki hu duk kon ko su?» Yawe di David ana, «Tuɗa, gasi an hin hiniŋ suu Filistinna ki hu duk koŋu.»

1 SAMUEL 30:8

David joɓ Yawe ana, «Lini an cuɗ u suu asina ni an ndak a fasi duk su?» Yawe dam ana, «Tuɗ cuɗusi usiya, aŋ hin fasi duku, aŋ hin buɗ suu maŋsina ay kiyo.»

1 SAMUEL 15:18

Yawe gaŋ sunda nam di ana, tuɗa, aŋ ɦal suu suluk suu vi Amalekŋa kiyo. Aŋ duurusi ta ta daɓasi ki cira.

1 SAMUEL 15:3

Cecem wanda ɗaŋŋi tuɗ ci Amalek kiyo. Agi ndak a doo ki kay tlegeyem lay. Aŋ hinim oloɗi. Aŋ casi ki halaŋ halaŋ, jufiina, boyogina, kemba u gor kem suu fun pona tuna lay, mbutlina u timigiina lay, jamballa u korra.»

SUU KAƁAKŊA 6:14

Yawe pereɗ irim egem dam ana, «Tuɗ u saɓak maŋ namma suɗ suu Israelna ki ko suu Madiyanna. An sunuŋŋi an daŋ may.»

SUU KAƁAKŊA 4:6

Ndaɗ yi Barak ma goŋ Abinoamma hu Kedes ta Neftalira, dam ana, «Yawe, Lo ma vi suu Israelna, di ana, aŋ tuɗ kay ɦinira Tabor, tok suu njufiina na buɓ buɓ doogo duk njaf suu vi Neftali u Zabulonna.

1 MULINA 8:45

aŋ ha kolo huulona day ni, humusi cen masira haa, ɦasi saɓakaŋa a su kay suuna a buɗ tasi kira.

DANYEL 6:10

Hu li namma mulna Dariyus tin kom kay gaɗta doo suuna u ndaɗta.

2 DLAŊ MULINARA 20:5

Suu hu ɦoŋzi ma Yerusalemma u suu col ay hu ɦoŋzi ma daŋŋa zeɗ zeɗna halaŋ ka ŋguy kay Josafat. Asi mol huu taraŋga wilira fun Ziŋ Lonara na mol.