1 MULINA 8:43 - Boy Lonana

⁴³ aŋ hum ay kolo huulona day ziiŋ ma aŋ ka huna. Li dlara koy namma joɓoŋ kaɗta kay ana suu warna kay yam ndaŋgara halaŋ waŋ seŋ kiyo, a asi laŋ ndaraŋ ko suu maŋ suu Israelna na may. Asi wi ki ana seŋ ka yi hu zira an miniɗ ndaɗta.

1 MULINA 8:43 ပူးပေါင်းရင်းမြစ်များ

SOOLLA 102:15

Ami suu sun maŋsina minni ɦini ndaɗta, gugum ma ay kaɗna cuk kami wami hahawamiya.

1 SAMUEL 17:46

Karam gak gak Yawe hin ɦaŋ ki konu, an hin caŋu hin ŋgaɗaŋ yaŋ ki lay. Karam gak gak an hin ɦal maɗ suu duu suu Filistinna ki maŋ layagi suu kolo huulonana, ki maŋ mbuuri suu kay ndaŋgarana. Ndaŋgara halaŋ hin wi ki ana Lo ma vi Israelna kaa.

EZAYI 11:9

Va ma co ka li kay ɦini manda teteɗtaɗi, ɓalakka kaɗi, kay yam mbassa halaŋ hin oy ki u wira vi Yawe, ko ndal mbona oy ki hu lummara na.

SOOLLA 86:9

Njaf suu aŋ lasina halaŋ hin mba goɓ ga fokoŋu, Bu Suuna, hin a seŋ fi bibiŋilla fok suuna.

SOOLLA 67:2

Lona, wami hahawamiya, paɗ vunuŋ ki kamiya, ko nam tak kiɗik mamba dukuygiya.

SOOLLA 22:27

Suu hoŋ yasi gaana ka ti ki u mayasiya. Suu hal Yawena ka ŋgaamu. Suu agina ni suu kak iri u furira din dinna.

2 MULINA 19:19

May, aŋ Yawe, Loomina, suɗumi ki ko Senakerib, ni mulla kay yam ndaŋgara zeɗ zeɗ halaŋ hin wi ki ana Yawe dew a Lona ni namu.»

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

2 DLAŊ MULINARA 6:33

aŋ ay kolo huulona day hu li ma aŋ kaki huna ni huma, li ko ndal sa ma ŋgay namma joɓoŋga na may. Ni kay ana suu warna hu duliyara halaŋŋi waŋ seŋ kiyo, a asi laŋ ndaaraŋ ko suu maŋ suu Israelna lira na may. A asi wi ki gasi ana seŋ ki yi kay zira an miniɗ wan ndaɗta.

JOSUWE 4:24

Nam li na ni kay a suu kay yam ndaŋgarana halaŋ wi ki ana Yawe, nam saɓak cocoo. Olo ni, kay a agi li ndaa Yawe, Loogina, hu buuna tew tew.»

JOSUWE 4:23

Yawe, Loogina, soogi mbo lum ma Yurdanna ki fokogiya ta ta agi taɓa lumma ki bay segi loɗa ko nam li ay jew hu mbo Lum ma Cerewnara na may. Yawe soomi mbona ki fokomiya, ami jak ay hu lum ŋgolna ni semi loɗ kaɗi.

1 MULINA 8:60

Ni suuna halaŋ hin wi ki ana Bu Suuna ni Lona, ni nam dew. Lo ma daŋ kaɗi.

1 MULINA 18:36

Tew hu li ma taa tlena a ɦalla may, sa ma jok vun Lona Eli ɦuɗ tam ay di ana, «Yawe, Loŋ Abrahamma, Loŋ Isaakŋa, Lo ma vi suu Israelna, li dlara asi wi ki karam ana aŋŋi Lona daŋ mayra anni saaŋ ma sunuŋŋa an li dlara ni u boy maŋŋa.

1 DLAŊ MULINARA 16:8

Geleɗegi Yawe, yam sem koloo, takam dlaamba nam laɗta ki duk suuna.

SOOLLA 33:14

Hu li ma nam kaki huna, nam ka gol suu kay ndaŋgarana ay halaŋ,

JEREMI 25:29

An sun dla cora ha kay ɦoŋzi ma humun sen kina jew tuwa, agi may ni dla hin ka li kagiɗi su? Ҥawaa, agi hin ka li ki bay dla kagiɗi, kay ana an ka sun ŋgewiina ay kay suu kay ndaŋgarana halaŋ, Yawe, ma Saɓakŋa Kom Belna, di na.»

GA 8ATAMBARA 26:15

Gol ha kolo huulona na ni liiŋ ma kak ma teteɗna, suu Israelna gasi ni suu maŋsina, ndaŋgara aŋ ɦamirara ko ndal aŋ di ay ki fok jew maŋ somoyomira na. Mbas mayra law mbiira u mbul yumma.»