1 MULINA 8:39 - Boy Lonana

³⁹ aŋ may ni humusiya. Bulumusi coosira kiyo. Aŋ, Yawe, Lona ma ay kolo huulona dayna mbay njunusiya. Aŋ li gegelay ni u poy mamba kay ana aŋ wam hurumu. Aŋ dew ni sa ma wi huu suuna ki halaŋŋa.

1 MULINA 8:39 ပူးပေါင်းရင်းမြစ်များ

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

SUNDA 1:24

Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina,

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»

WIRA ŊGAYRA 22:12

Yesu di ana, «Huma, an mbay cecem, an hin mba u warakŋa konu, an hin warak sana ni u sun mamba nam laɗta.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

Boy Ma Ayra Ma JAŊ Ɓiirimma 21:17

Nam hin joɓom a yamba hindira ana, «Simon, goŋ Jaŋŋa, aŋ minin su?» Piyer ɗus irim na dum dum kay joɓpa Yesu joɓom a yam hindira ana «Aŋ minin su?» Nam hoŋom dira ana, «Bu Suuna aŋ wi tlen halaŋ, aŋ wi kaŋ ana an miniŋu.» Yesu dam ana, «Golon timigii mansina.

JEREMI 32:19

Sa gaɗ suuna ma jivi ɦayna sa ma li dlara ŋgolora ɦayna, iriŋ ka tini kay gegelay a golom tuɗ mamba, aŋ hin ka ɓakŋa kay gegelay ni u tuɗ mamba, ni u sun mamba nam laɗta.

SOOLLA 28:4

Kaasi ɓak masina u sun masira cora, hoŋosi dla coosira asi laɗta ha kasiya.

2 DLAŊ MULINARA 6:30

aŋ ay kolo huulona hu li ma aŋ kaki huna day ni, bulum cora kiyo, li sana ni ko poy mamba nam poyra na may, kay ana aŋ wam hurum kiyo. Aŋ dew ni sa ma wi huu suu warna kina.

1 MULINA 8:36

aŋ ay kolo huulona day ni huma, bulum cora vi suu sun maŋsina u suu maŋ suu Israelna kiyo. Aŋ takasi voɗta jivi ta asi tlaɗta. Ҥal yooŋ ay kaŋga maŋ suu maŋsina kay mbassa aŋ ɦaɗ ki a jona maŋ suu maŋsinara.

1 MULINA 8:32

aŋ ha kolo huulona day ni hum haa, gi ii dlara ay duk suu sun maŋsina. Sa ma dlara vamma coomba hin do ni kay duu duu yamu. Sa ma ɗegeena hin li ni u ɗegee mam ndaɗta may.

EZEKIYEL 18:30

Kay ndaɗta agi suu Israelna gegelay ni an hin kaam ɓakŋa kam ni u voɗ mamba nam tlaɗta. Di ni Bu Suuna Yawe. Hoŋogi aya, hinigi dlaagira co ndaɗta ha kiyo. Hinigi dlara zuɗugi a li dla cora egegi oloɗi.

JOSUWE 22:22

«Lona, Lona, Yawe, Lona, Lona, Yawe, ni sa ŋgolna, nam wi dlara ami laɗ wandara ki halaŋ halaŋ. Agi tagira lay ni hin wi dla ndaɗta kiyo, lini ami li gasi ni dlara duu u agiya, lini ami li ni dlara co eg Yawe ni ka nam hin njun kamiɗi.

1 SAMUEL 2:3

Hoŋogi dlara bay uɗta na hoŋ hoŋgi. Ko boy ma cona kal ay ki funugiɗi. Yawe ni Lo ma wi dlara. Nammi sa ŋga nek dlara.

1 MULINA 8:38

Lini suu maŋ suu Israelna dlara ka lasiya asi li ka tii yaŋ ha kolo u cenda, lini asi mbuɗ irisi ay eg zi ndaɗta, yow kosi ha kolo a ceneŋga ni,

1 MULINA 8:40

Li ko ndaɗta na, kay a suu Israelna hum uŋu, hu li ma asi ka iiri kay ndaŋgarana halaŋ, ndaŋga mayra aŋ ɦaɗ ka maŋ somoyomira,

SOOLLA 33:14

Hu li ma nam kaki huna, nam ka gol suu kay ndaŋgarana ay halaŋ,

SOOLLA 130:4

May aŋ tin vaɗ huuna kay suuna, kay ndaɗta asi hin laŋ ndaaraŋu.

SOOLLA 139:1

Soolla vi sa ma fok suu gi soollana, soolla vi David. Yawe, aŋ lanni aŋu, aŋ wanu,