1 MULINA 8:38 - Boy Lonana

³⁸ Lini suu maŋ suu Israelna dlara ka lasiya asi li ka tii yaŋ ha kolo u cenda, lini asi mbuɗ irisi ay eg zi ndaɗta, yow kosi ha kolo a ceneŋga ni,

1 MULINA 8:38 ပူးပေါင်းရင်းမြစ်များ

FILIPINA 4:6

Lagi ndaaɗi, hu cen magira joɓogi Lona kay tlesuu agi minisina halaŋ, joɓogina u gi deɓpa.

1 MULINA 8:22

Salomon col kolo fun givin ma togolla vi Yawe fok suu Israel suu ka tokina halaŋ. Nam yow kom kolo huulona a cenda,

JOEL 2:17

Duk ɦoŋ vun goŋga u givin ma togolla, muli suu li ɓivunna u suu ŋgolo suu sunda vi Yawena tii tasi huwa. Asi di ana, «Yawe wi hahaw suu maŋsina, mbuɗ jooŋŋa ki zolonaɗi a suuna pan suu maŋsinaɗi. Ka a suuna di duk tasi ana Loosina ni arageraɗi.»

EZAYI 37:4

Kala, Yawe, Looŋŋa, hum boy ma sa ma ŋgol kaŋŋa vi suu Asirina ma mul mamma damma ayna wa, sunum ay a ŋgul Lo ma iirina, a kaam ɓakŋa kam kay boy ma co ma nam damma ko Yawe Looŋŋa humba na. Aŋ cenem kay u suu hin ka nde wanna.»

EZAYI 1:15

Hu li ma agi yow kogi kolo a cenda ni an baa irin kiyo, agi zul cenda coco lay ni an ka humbi. Kogi oyra ni u busuna.

VUN ŊGOLNA 14:10

Huu sana wi dlara ka tam tamba ni namu. Sa ma daŋ ka ndak a kal furi mamba ha hurumbi.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

SOOLLA 42:11

Dlaasira mbuɗ egenni ko mbil mbeŋŋa na, hu li ma suu babali mansina ŋgulunna. Tew tew asi ka joɓon ana, «Looŋŋa ni arage?»

SOOLLA 42:9

Hu buuna halaŋ ko Yawe takan oo mamba, njeŋgera halaŋ an gi soolla geleɗemba, an cen Lona ma ɦan iirirana.

SOOLLA 42:6

Ŋgus manda, va ma ndak a fam hu tiinana ni mege? Ndak yoo takŋi kay mege? Saa ni kay Lona na ɗow. Na daŋ may, an hin ŋgaam olo, nammi sa ma suɗunna, ni Loonna.

JOB 7:11

Kay ndaɗta an ka seŋ vunun oloɗi. An ka hu yoora cocoo. Lini nanagelay ni an di kiyo, hurun haɗ cocoo. An ndak a di kiyo.

2 DLAŊ MULINARA 6:29

cenda sana a ceneɗta u hoŋga sana a hoŋ yam kaŋga hu cendara, col ay ni fun suuna halaŋ ɗowba fun suu Israelna suu maŋsina halaŋ, lini sana tin hurum gasi kay dlara lamba wa, u lassa nam ka lassa, nam yow kom kolo fun zi ndaɗta wa ni,

ROMMA 7:24

Hahawra ni kan anu. Sa ma hin buɗun ki hu mbalatanda tuɗun hu miɗ namma ni gege?

KALKIRA 9:29

Moiz dam ana, «Hu li ma an kal ki doŋ kaana wa ni, an hin tli kon kolo fok Yawe, babaana hin seŋa, dlaŋmagina ka li oloɗi, ni kay a aŋ wi ki ana malaŋ ndaŋgara ni Yawe.

1 MULINA 8:37

«Hu li ma may ŋgolla ndi hu mbassa wa, ɗowba himina ndi kay wana soom kiyo, ɗowba baa njeena ti wana kiyo, hu li ma suu gonokka ka las suu Israelna ta ta mba ndukusi hu ɦoŋziisi ma saɓakasi huna, hu li ma dla cora ndi kasira halaŋ ka lina, u gi tuguɗii mayra cora,

1 MULINA 8:39

aŋ may ni humusiya. Bulumusi coosira kiyo. Aŋ, Yawe, Lona ma ay kolo huulona dayna mbay njunusiya. Aŋ li gegelay ni u poy mamba kay ana aŋ wam hurumu. Aŋ dew ni sa ma wi huu suuna ki halaŋŋa.

JONAS 2:4

Aŋ gan hu li ndufunna ga duk mbo ŋgolna. Mbo ma ɓaɗna ŋguyun ki duku, kuluɓ ki kan halaŋ.

DLAŊ LEVIRA 13:12

Na may lini tuguɗi busuna mbuɗ ki eg sana ŋgol cocoo, col ha kay sem day ta ta kay yamu a mul ma li ɓivunna wam kiyo ni,