1 MULINA 8:36 - Boy Lonana

³⁶ aŋ ay kolo huulona day ni huma, bulum cora vi suu sun maŋsina u suu maŋ suu Israelna kiyo. Aŋ takasi voɗta jivi ta asi tlaɗta. Ҥal yooŋ ay kaŋga maŋ suu maŋsina kay mbassa aŋ ɦaɗ ki a jona maŋ suu maŋsinara.

1 MULINA 8:36 ပူးပေါင်းရင်းမြစ်များ

1 MULINA 18:1

Ŋgoo dagan buuna ŋgolo, basara li ki na hindi lona ka siɗira, Yawe mba tak tam ii Eli dam ana, «Tuɗ tak taŋ ki ii Akab. An min a si mbona ay ga kay ndaŋgara.»

1 MULINA 18:41

Eli di Akab ana, «Ɗiŋ koloo, tuɗ tiya, ci lay, kay an hum del lona ka ɦissa.»

1 MULINA 18:45

Lona jok tinda ay ni joki na ɗow ɗow. Semeɗna paɗ ay gaw, lona si mbona ŋgol cocoo. Akab ful hu pus pus mamma, tuɗ vo hu Jizreel.

SOOLLA 119:133

Ҥan saɓakŋa hu tuɗ manda, hinin a dla cora su kanɗi.

SOOLLA 119:33

Yawe takan voɗ gaɗ maŋga, warak manna aŋ wammi aŋu.

SOOLLA 143:8

Maɗira fo na gawni aŋ takan ɗegee maŋga kay an saa ni kaŋ dew. Takan voɗta an a tlaɗta kay an tin irin ha ni egeŋu.

SOOLLA 25:12

Suu li ndaa Yawena halaŋ, nam takasi voɗta asi tuɗ hura.

SOOLLA 25:8

Yawe jiviya, nam ɗegee, nam tak voɗta maŋ suu li dla cora.

SOOLLA 27:11

Takan voɗ maŋga, Yawe, tinin irin hu voɗta jivira, kay suu gonok mansina ka halanu.

SOOLLA 32:8

An tuɗ ha haɗaŋu, takaŋ voɗta tuɗta, an ɦaŋ gaɗta, saa kaŋ tew tew.

SOOLLA 5:8

An may ni, an fi voɗta a kal hu ziiŋŋi u oo maŋga ŋgolla. U ndaa ma an lam uŋŋa, an goɓ kaŋga fok ziiŋga teteɗta.

SOOLLA 68:10

Aŋ si mbooŋ ga jiviya, mbas maŋga mbuɗ ki maŋiya, aŋ coloɗ kolo wa.

SOOLLA 68:9

ndaŋgara geŋeɗa, lona si lay, fok Lona, Lo ma vi suu Israelna, fok Lona, Lo ma kay ɦinira Sinayra.

SOOLLA 86:11

Yawe takan voɗ maŋga, an min tuɗ ni hu gasi maŋga, mbuɗun hurun a an laŋŋi ndaaraŋ dew.

SOOLLA 94:12

Yawe, furira ka kay sa ma aŋ gaɗamma, sa ma aŋ haɗam u gaɗ maŋgana,

EZAYI 30:21

Humugi hin hum della ɓak ay ŋgorogi daganda, lini agi a tuɗ ni bik njuf ɗowba bik gulu, «Gola voɗta wanni tlagira.»

EZAYI 35:8

Voɗ bulna hin wak ki huwa, asi hin yaɗ ana voɗta teteɗta. Sa ma li dlara njenje ka tuɗ hu voɗ ndaɗtaɗi. Kay Bu Suuna u tamba mal voɗ ndaɗta ni namu. Suu giniŋŋa ka viɗ hu voɗ ndaɗtaɗi lay.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 42:3

Ko Yawe, Looŋŋa, takami voɗta ami tlaɗta, dlara ami laɗta.»

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

MISE 4:2

Njaf suuna bolowo hin gijaŋ tuɗta hin di ana, «Mbaagi aya, ɗiŋiygi kolo kay ɦinira vi Yawera, hu zi ma vi Loŋ Yakobma. Nam hin takaygi voɗ mamba, aygi hin tuɗ hu voɗ mamba. Gasi haɗ ndaɗta col ay ni hu Siyon, boy ma vi Yawena ay hu Yerusalem may.»

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

1 SAMUEL 12:23

Kan an may ni li sulukŋa eg Yawe, ni dla cora ŋgolla kay hinda an hin ka a cen kagiɗira. An hin takagi voɗta jivira u voɗta ɗegeera.