1 MULINA 8:35 - Boy Lonana

³⁵ «Hu li ma huulona duk ki wa, yo lo ka si kay yam ndaŋgara oloɗi kay ana suuna laŋ dla cora egeŋu, lini asi cen hu li namma, geleɗeŋ seŋu, hom coosira ki may kay aŋ tinisi dlara hahawra kasira ni,

1 MULINA 8:35 ပူးပေါင်းရင်းမြစ်များ

1 MULINA 8:33

«Hu li ma suu maŋ suu Israelna suu babali masisina su kasina ni kayra asi laŋ dla cora egeŋga, lini asi hoŋ ay egeŋu ŋgaaŋ seŋu, cena, joɓoŋ hu zi ndaɗta ni,

GA 8ATAMBARA 11:17

Li wa na ni huu Yawe hin ɓeŋ ki egegiya, nam hin dug huulona kiyo, yona ka si oloɗi, ndaŋgara ka hin jiv va oloɗi lay. Agi hin njay ki hu mbassa jivira Yawe ɦagira wanda.

DLAŊ LEVIRA 26:19

A daɓagi ŋga taagira kira ni an mbuɗ huu Lona ki eŋga ko kawina na nam ka si mboom ay ga oloɗi. Ndaŋgara hin so ki eŋga ko kawi ma tlawna na.

WIRA ŊGAYRA 11:6

Asi ka u eŋga kosi kay a dug huulona kay a yo si hu li ma asi a di Boy Lonanaɗi. Saɓak ma asi a mbuɗ yona ki busuna kosi lay, asi ka u saɓakŋa kay a ci ndaŋgara mbaa njaf dlara mbuɗta zeɗ zeɗ ko asi minda na.

Boy Ma Ayra Ma LUK Ɓiirimma 4:25

An dagina, hu li ma Eli cen Lona ana nam siɗi, li basara hindi u til karkiyana ni, boyogi suu donona ka hu mbassa Israella cocoo, mayra ci suuna hu mbassa halaŋ.

2 SAMUEL 24:13

Gad hin tuɗ vi David ɗaŋŋi, jokom boy namma. Nam dam ana, «Aŋ hin ndak a siɓ mayra basara na kiɗisiya hu mbas maŋga ɗowba li tilna hindi u dawra daw ko saaŋ ma babali ma cuɗuŋ uŋŋa ɗowba li buuna hindi u tuguɗii bora hu mbas maŋga su? Cecem wanda ɗaŋŋi aŋ saara, wi dla mayra an hin hoŋ dira maŋ sa sunun aynara.»

ROMMA 15:9

Nam mbani kay njaf suu ka suu Juifnaɗina, geleɗ Lona kay jivi mamba nam laɗa ko magaara dira na, «Kay ndaɗta an hin geleɗeŋ duk njaf suuna halaŋ, gi soolla a geleɗeŋ seŋ lay.»

ROMMA 10:9

Lini aŋ di ki u vunuŋ fok suuna ana Yesu ni Bu Suuna, vi huruŋ wa ana Lona colom ki kolo iiri duk suu miɗina ni, aŋ hin fi suɗta.

MALASI 3:10

Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

EZEKIYEL 14:13

«Goŋ sanna, lini mbas taa dew li dla cora egenu ni, an hin kaɓakŋa kay mbas ndaɗta. Mbas ndaɗta ka jiv va oloɗi. Suu huna ka fi funaɗi, mayra hin ndi kasiya. An hin ci suu warna ki u yoorina lay.

EZAYI 9:13

Kay ndaɗta Yawe ka yamba u njawra hu Israella kiyo. Nam ka manawna u cerewna ki ni buu ma dewna.

2 DLAŊ MULINARA 6:26

«Hu li ma huulona duk ki wa, lona ka si kay ndaŋgara oloɗi, kay ana suu Israelna laŋ dla cora egeŋu ni, lini asi ceneŋu hoŋ irisi ay hu li namma tani wa, lini asi ka geleɗeŋ seŋu, wi coosira wa kayra aŋ gaɗasira ni,

2 DLAŊ MULINARA 6:24

«Lini suu maŋ suu Israelna sa ma babali masi maa su kasi wa kay asi li cora egeŋu, lini asi hin wi coosira wa, gijaŋ a geleɗeŋ seŋu, mba ceneŋ goɓ kaŋga fokoŋ hu ziiŋ ndaɗta ni,

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

GA 8ATAMBARA 28:12

Yawe hin sagi yoo lona varagi u tilim ma jivina tew tew hu mbassa agi cuki hura, paɗ vunum ki kay sun magira agi laɗta halaŋ halaŋ. «Agi hin ɦal tlena ki balna kay njaf suu daŋŋa cocoo, tagi agira may ni ka a tli va ay vi saɗi kama.

GA 8ATAMBARA 11:16

Gologi tagi jiviya hin hurugi a mbuɗ a viɗigi ii tagiɗi, a mbuɗ hurugi a sunugi loogi suu ɦawanaɗi a goɓ ga fokosiɗi lay.

2 SAMUEL 24:10

David vun dikim gijaŋ ɓikim hu li ma nam ndum suuna ay kina. David di Yawe ana, «Ni suluk ma ŋgol ma an lamma. Cecem wanda ɗaŋŋi Yawe bulum cora vi saaŋ ma sundara ki bulumge. Kay ana an li dla ndaɗta ni ko sa puluɗina na.»

1 MULINA 8:34

Aŋ ha kolo huulona day ni huma. Bulum cora vi suu Israelna kiyo, hoŋosi ay hu mbassa aŋ ɦaɗ ka maŋ somoyosira.

JOB 12:15

Lini nam vi mbona ha ki wa ni kerna ndi kay ndaŋgara wa, lini nam gi mbona ay wa ni, mbona tli ndaŋgara ki halaŋ.

EZAYI 5:6

An min hin li namma ki ɦawaa. Sa ka hin horok li namma oloɗi. Tlesuu siina ugi wayara hin day ki huwa. An hin doo ɗugulla ki ka ndaɗ si yona huɗi.

Magaara Vi Sa Jok Vun Lona AGE 1:10

Ni kay ndaɗta huulona ka gagi mbaɗagira kagi oloɗi, ndaŋgara ka jivigi tlegena oloɗi lay.

ZAKARI 14:17

Na may, suu may suu tuɗ ka Yerusalem u suu masisina a goɓ kaŋga fok mulna, Yawe, ma Saɓakŋa Kom Belna ɗina, Lona hin ka si varasiɗi.