1 MULINA 8:34 - Boy Lonana

³⁴ Aŋ ha kolo huulona day ni huma. Bulum cora vi suu Israelna kiyo, hoŋosi ay hu mbassa aŋ ɦaɗ ka maŋ somoyosira.

1 MULINA 8:34 ပူးပေါင်းရင်းမြစ်များ

URA TIN AYRA 13:15

Ndaŋgara aŋ waɗ wanda halaŋ an hin ɦaŋga ni maŋu u njafaŋ halaŋ a fafaɗta.

1 MULINA 8:30

Hum cenda saaŋ ma sunda u suu maŋ suu Israelna ceneŋga haa. Aŋ hum ay ni hu li ma aŋ ka kaki huna, ay kolo huulona, huma, hep huruŋu.

1 MULINA 8:33

«Hu li ma suu maŋ suu Israelna suu babali masisina su kasina ni kayra asi laŋ dla cora egeŋga, lini asi hoŋ ay egeŋu ŋgaaŋ seŋu, cena, joɓoŋ hu zi ndaɗta ni,

1 MULINA 8:35

«Hu li ma huulona duk ki wa, yo lo ka si kay yam ndaŋgara oloɗi kay ana suuna laŋ dla cora egeŋu, lini asi cen hu li namma, geleɗeŋ seŋu, hom coosira ki may kay aŋ tinisi dlara hahawra kasira ni,

SOOLLA 106:46

Nam mbuɗusi hurusiya, asi mbuɗ irim hahawi, ko dlara ka lasira halaŋ.

SOOLLA 106:47

Suɗumi kiyo, Yawe, Loomina, tokomi ay ki duk njaf suu daŋŋa. Ami hin geleɗeŋŋi seŋ ma teteɗna, ami hin ɦaŋ ŋgolla ni maŋ aŋ dew.

SOOLLA 85:2

Yawe, aŋ tak min maŋga ki hu mbas maŋga wa, aŋ hoŋ suu vi Yakob suu ay ki ŋgayrana ay vo wa.

KALKIRA 6:8

«An hin tuɗugi ki hu mbassa an suu tan ɦaɗ maŋ Abraham, maŋ Isaak, maŋ Yakobpa. An hin ɦagira ni magiya, ni An Yawe».

JEREMI 31:27

Buuna ka mbaa, Yawe di na, ma an hin zaa njaf suu Israelna u suu Yudana ki a njaf suu warna, njaf mburina lay.

JEREMI 32:37

«An hin tokosi ay eg tasi ay hu mbassa an njayasi ha ki hura halaŋ halaŋ u yaandana u hurun ma ɓeŋi cocona lay. An hoŋosi ay hu li namma an hin kakasi hu u heɓpa a fafaɗta.

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

DANYEL 9:19

Bu Suuna, hum haa, Bu Suuna, ɦami gira, Bu Suuna, min taŋu li dlaaŋga, juɓbi, ni kaŋ aŋ taŋga Loonna, kay ana seŋ ka yi hu ɦoŋziiŋŋa kay suu maŋŋa.

DANYEL 9:25

«Wi dla ndaɗta ki jivi saa kaɗ ɗaŋ, ay hu li ma boyna di ay ki kay a hoŋ Yerusalem mindara ta ta tew kay mul maɗnara ni, cokira hin li na kiɗisiya, cokira dok kiɗisiya, dok kiɗisiya. Hu cokira dok karkiya yam mbara lina u zulla ŋgolla hin tos ki ni hu yoo tara.

AMOS 7:2

Baarina ti usu ma hu mbassana ki halaŋ, an di ana, «Bu Suuna, Loonna, ɦan gira, an ceneŋu, na ni Yakob hin col fokoŋ su? Nam goo cocoo.»

GA 8ATAMBARA 30:1

Lini tlesuu an dagisina wanna mba kagi wa halaŋ, paɗ vunna u gi vunna ni, agi saa dla ndaɗta hurugi duk njaf suu ɦawana halaŋ suu Yawe Loogina tuɗugi ha ki dukusina.

GA 8ATAMBARA 30:4

Lini agi ay ki ni hu vun ndaŋgara do dora lay, Yawe Loogina hin yagi ay ki hu li namma u tamba.

JOSUWE 21:43

Yawe su tam a ɦal mbas ndaɗta maŋ goryoŋ Israelna, cem cemmi nam ɦasira ki wa. Asi cuk ki hu mbas ndaɗta may.