1 MULINA 8:27 - Boy Lonana

²⁷ Na ni gasi, Lona ndak a kak kay ndaŋgara tani su? Huulona tamba halaŋ ka ndak a kakaŋgi lay ni ko goo zira an miniɗ wanda su?

1 MULINA 8:27 ပူးပေါင်းရင်းမြစ်များ

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

2 DLAŊ MULINARA 2:6

Cemi wanda aŋ sunun sa ma wi yal sun lorra, doonora, kawi ma tlawna u ɓalaŋŋa aya. Ni sa ma wi yal gi cil barawna, corom tam ki tlawra u ma guyvun guyvunna, ma wi yal ɦosa ɦos vun tlena ki luy luyna may. Nam hin mba taɓ li sunda ko tam u suu mansina, suu may suu bun David varasi kana, suu ka cuki hu Yerusalem u suu ha ki cuki keŋ hu mbassa Yudarana halaŋ.

JEREMI 23:24

Lini sana ŋgay tam ha ki day lay ni, an hin ka wambi su? Di na ni Yawe. An oy li ma kolona u li ma kaŋgana, ka ki ni anɗi su? Yawe di na.

2 DLAŊ MULINARA 6:18

Na ni gasi Lona ndak a kak ko tam u suuna dew kay ndaŋgara su? Huulona tamba lay ni ka ndak a kakaŋgi, gol ko zi mayra an miniŋga wandara su?

GA 8ATAMBARA 10:14

Na daŋ may Yawe Loogina huulona u huulona ma kolo dayna u ndaŋgara ni mamsina halaŋ, u tlesuu huruɗna halaŋ lay.

SOOLLA 113:4

Yawe kaki kay njaf suuna halaŋ, bibiŋil mamba ay kolo kay huulona na ɗow.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

1 JAŊ 3:1

Goloygi minda Buygi Lona miniygira ndaɗ ŋgol coco ɦay, min mamba ni kayra nam yaygi ana aygi ni goryomba. Aygi ni goryom daŋ may kay ndaɗta suu kay ndaŋgarana ka waygiɗi, asi ka wi Lonaɗi may.

SUNDA 17:24

Lona ma li duliyara u tlesuu huruɗna halaŋŋa, nammi Bu Suuna vi tlesuu kolo huulona u suu kay ndaŋgarana halaŋ. Nam ka kak hu zi ma sa minim u kombi.

2 KORINTNA 12:2

An wi sa ma vina dew basara ki ca ni doogo yam fiɗi, tlam ha kolo huulona ma hindina, ni u tamba kala hu ŋgussa kala, ni an wiɗi, Lona dew wi ni namu.

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

SOOLLA 68:33

Agi muli suu hu duliyarana halaŋ, gagi soolla geleɗ Lona, geleɗegi ŋgolla vi Bu Suunara.

SOOLLA 148:4

ŋgaagina agi tlesuu ha kolo huulona dayna, u mbo ŋgol ma kolo kay huulonna lay.

2 DLAŊ MULINARA 2:5

Lini huulona ma zeɗ zeɗna ka ndak a kak Lonaɗi ni, sa ma hin ndak a minim zina kamma ni gege? Anni ge a minim zira kambage? Minni ɦawa ana hin ŋgal tlesuu li ɓivunnana fokom huwa.