1 MULINA 8:23 - Boy Lonana

²³ hin di ana, «Yawe Lona vi suu Israelna, lo ma ko ndal aŋ na kaɗi kolo huulona lay, kaŋga kay ndaŋgara lay a ŋgom galamba u jivira kay suu sun maŋsina suu tuɗ kay seŋ u hurusi halaŋŋa na ni kaɗi.

1 MULINA 8:23 ပူးပေါင်းရင်းမြစ်များ

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

URA TIN AYRA 33:20

Nam min givin ma togolla maŋ Lona, yam sem ana, Lona ni Lo ma vi suu Israelna.

2 SAMUEL 7:22

Olo aŋ ŋgolo, Bu Suuna Yawe, sa ma ko aŋ na kaɗi. Lo ma ko aŋ na kaɗi, ni aŋ na dew daŋ u tlesuu ami humusi u hum tamira wanna.

1 MULINA 2:4

Yawe hin li dlara nam dandara kiyo ana, Lini goryoŋ poy jiviya, tuɗ fokon u ɗegeera u hurusi halaŋŋi ɦal tasi ki halaŋ may, saaŋ ma ka hin mbay a kak ka kay dlamba mulla fok suu Israelnaɗi.

1 MULINA 3:6

Salomon hoŋ dira ana, «Aŋ li jivira maŋ saaŋ ma sunda bun David cocoo, kay ana nam li sunda fokoŋŋi u ɗegeera u jivira may u huu ma haɓma fokoŋ may, aŋ golom u jivi ndaɗta gak gak ɦam goo ma hin varak ka balamam kay dlam mamba mullana may.

1 MULINA 6:12

«Cemi ni aŋ ka minin zira ni manu. Lini aŋ ka li u boy ma an daŋŋa hu gaɗta wanna may ni, li u yal ma an daŋŋana may ni, lini aŋ ɦal taŋ a hum u gaɗ manda halaŋ may ni, an hin li dlara an daɗ ay ki jew maŋ buŋ kaŋga u vi vun man namma may.

1 MULINA 8:24

Aŋ vi vunuŋ u saaŋ ma sunda, bun, David. Dlara aŋ daɗ ay ki u vunuŋga cemi ni li kiwa. Ii suuna halaŋ aŋ laɗ ki wa u bik koŋu.

2 MULINA 20:3

«Ҥii, Yawe, wan hahawan na wige, aŋ wi ana an tuɗ fokoŋŋi u ɗegeera u huu ma tini kaŋŋa. An li dlara iriŋ jivira lay.» Ezekiyas tii u simina cocoo.

EZDRAS 1:3

Dukugi ni sa ɦal tam ki maŋ suu mamsina halaŋŋa ni gege? Ko Loomma li u namu, nam tuɗ hu Yerusalem hu Yuda a min Ziŋ Yawera, Lo ma vi suu Israelna, ni Lo ma ka hu Yerusalemma.

NEHEMI 1:5

An di ana, «Ha, Yawe, Lo ma kolo huulonana, Lo ma ŋgol ma suuna lam ndaaramma, ma vi galamba ɗegeera u suu minimma, li u gaɗ mamba mayna.

NEHEMI 9:32

«Cecem wanda Loomina, Lo ma ŋgolna, ma saɓak ma suuna lam ndaaramma, ma tuɗ u galamba fok u ɗegeerana, aŋ gol dlara mba egemira iriŋ ko dlara goora naɗi, eg muli mamisina lay, eg suu malayaŋ ziimina lay, eg muli mami suu li ɓivunna lay, eg suu mami suu jok vunnana lay, eg somoyomi lay, eg suu maŋsina halaŋ col ay eg muli suu Asirina day ta ta karami.

SOOLLA 113:5

Sa ma tli tam u Yawe, Looyginana, ni gege? Nam ay kaki kolo huulona na day,

SOOLLA 35:10

Tanda halaŋ ka di ana, «Yawe, sa ma ko aŋ nana ni gege? Aŋ suɗ sana ki ko ndaram ma saɓak suumma, suɗum ki ko suu hal a yowom tlegeyem kina.»

SOOLLA 86:8

Duk loogina halaŋ, lo ma ko aŋ na kaɗi, Bu Suuna. Dlara aŋ laɗta sa ma ndak a humuɗ uɗ ki kaɗi.

KALKIRA 15:11

Yawe, duk loogina halaŋ ma ko ndal aŋ nana ni gege? Sa ma ki teteɗ ko aŋ nana ni gege? Ma ndaki a li dlara mbuɗ mbuɗta nana ni gege?

KALKIRA 3:15

Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma.

EZAYI 40:18

Agi hin ŋga Lona ko tammi u mege? Va ma agi colom a tli tam u Lonana ni mege?

EZAYI 40:25

Lona di ana, agi hin ŋgaan fun tanni u mege? An tli tanni u mege?

JEREMI 10:16

Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

JEREMI 10:6

Sa ko ndal aŋ na kaɗi, Yawe. Aŋ ŋgolo, seŋ ŋgolo u saɓakam may.

DANYEL 9:4

An cen Yawe, Loonna, hin di coonda fokom ana, Aa! Bu Suuna, aŋ Lo ma ŋgolna, ma suuna liŋiŋ ndaaraŋŋa, mavi banara u suuna u ɗegeerana kay suu ka miniŋ may, li ugaɗ maŋga mayna.

Boy Ma Ayra Ma LUK Ɓiirimma 1:72

Nam tak min mamba maŋ somoyoy suu jewna. Humum gam kay bana mamba nam vaɗ u aygira.

GA 8ATAMBARA 7:12

Lini agi hum u gaɗ ndaɗta jiviya, lini agi so tagi a li uɗ may, Yawe Loogina hin li u vivun ma kay galamba nam vaɗ ay u somoyogira ɗegee may.

GA 8ATAMBARA 7:9

Agi wi ki ana Yawe Loogina ni Lona, ni Lo ma gasina, nam li u galam mamba, ɗegee mamba tuɗ ta ta kay njafna ha fok na gak gak buɓ kay suu may suu minimma suu li u gaɗ mambana.

1 SAMUEL 2:2

Sa ma ki teteɗ ko Yawe na kaɗi. Sa daŋ ma ko aŋ na kaɗi. Ҥinira ko ndal Looygina nara kaɗi.