1 MULINA 8:15 - Boy Lonana

¹⁵ Nam hin di ana, «An gi deɓ maŋ Yawe, Lona vi suu Israelna, nam li dlara nam vi vunum u bun, David, kaɗta ki wa u tamba ko nam di ana,

1 MULINA 8:15 ပူးပေါင်းရင်းမြစ်များ

Boy Ma Ayra Ma LUK Ɓiirimma 1:68

«Geleɗ Bu Suuna, Lo ma vi suu Israelna. Nam tin saa mamba kay suu mamma a suɗusi kira.

NEHEMI 9:5

Suu Levina, Yesua, Kadmiyel, Bani, Hasabneya, Serebiya, Hodiya, Sebaniya, Petahiya di ana, «Yowogi kolo gagi deɓpa maŋ Yawe, Loogina, ma ay hu fokka day a fafaɗtana. «Ko asi geleɗeŋ seŋ ma bibiŋilna, ma su ki kay ŋgara u geleɗta halaŋŋa.

1 DLAŊ MULINARA 29:20

David di suu tokina halaŋ olo ana, «Gagi deɓ Yawe, Loogina.» Suu tokina halaŋ gi deɓpa maŋ Yawe, Lo ma vi somoyosina. Asi goɓ kaŋga u vok givisi fok Yawe, fok mulna.

1 DLAŊ MULINARA 29:10

David gi deɓpa maŋ Yawe fok suu tokina di ana, «Ko suuna ŋgaaŋŋi seŋu, Yawe, Lona vi suu Israelna, bumi ma ay day day a fafaɗtana.

Boy Ma Ayra Ma LUK Ɓiirimma 1:70

Ni boy ma nam dam ay ki fok jew fun suu jok vun Lonna.

SOOLLA 115:18

Aygi may ni gaygi deɓpa maŋ Yawe ha na gak gak. Halleluya.

2 DLAŊ MULINARA 6:4

Nam hin di ana, «Gi deɓ Yawe Lona vi suu Israelna ma ɓak maŋ bun David u vun tambana ma u kom tamba hin li dla ndaɗta ki mayna.

JOSUWE 21:45

Boy jivi ma Yawe dam maŋ suu Israelnana halaŋ maa hin kaka ɦawa na dewɗi, nam li ki u vunum ma di namma dew dew halaŋ.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.

EFESNA 1:3

Geleɗeygi Lona, Bu Bu Suuna mayna, Yesu Kristu, nam ma paɗ vunum ki kay taɓ maygira u Kristura, nam ɦaygi paɗvunna vi Musukka kay tlesuu kolona halaŋ.

Boy Ma Ayra Ma LUK Ɓiirimma 1:72

Nam tak min mamba maŋ somoyoy suu jewna. Humum gam kay bana mamba nam vaɗ u aygira.

MATIYE 24:35

Huulona u ndaŋgara hin daɓ kiyo, boy manna ka daɓ kiɗi.»

EZAYI 1:20

Na may lini agi ŋgella, mbuɗ tagi a suu babalira ni, ŋgewna hin fagi may. Ni boy ma Yawe damma.

SOOLLA 138:2

An goɓ ga fok Ziŋ Lonara teteɗta, an geleɗeŋŋi seŋu. Ni kay ɗegee maŋga u jivi maŋga kay aŋ vi vunuŋ ay jew day ana, sa ma hin su kay seŋŋa ni gege?

SOOLLA 41:13

Aŋ njun unu van kon kolo wa, aŋ ka u an hu buuna halaŋ a fafaɗta.

2 DLAŊ MULINARA 20:26

Hu buu ma fiɗina ni asi tok tasi hu ɦuɗugumba Paɗ Vunna kay asi gi deɓ maŋ Yawe ni hu li namma. Asi hin tin sem li namma ana «ɦuɗugumba Paɗvunna» ta ta cemi.

1 DLAŊ MULINARA 17:12

Nammi sa hin minin zirana. An hin kakam kay mulla a fafaɗta.

2 SAMUEL 7:25

Cecem wanda, Yawe Lona, boy ma aŋ dam kay saaŋ ma sundana li ni a fafaɗta, aŋ li ni ko aŋ dira na may.

2 SAMUEL 7:5

«Tuɗ di saan ma sunda David ana Yawe ɓak anaba, aŋŋi sa ma hin minin zira kan a an hin kak hura su?

2 SAMUEL 6:18

Hu li ma David kom daɓ ki eg ɓivun ma ŋgalam ki ŋgalina u ma heɓ dukka may ni nam paɗ vunum ki kay suuna u sem Yawe ma Saɓakŋa Kom Belna.

1 DLAŊ MULINARA 16:36

Gi deɓpa maŋ Yawe, Lona vi suu Israelna, ay jew day a fafaɗta, ni a fafaɗta.» Suu halaŋŋa di ana, «Amin,» hin, «Gagi deɓpa maŋ Yawe.»

1 DLAŊ MULINARA 22:10

Nammi sa hin min zira u senna. Nam hin li ni a goronna. An hin li ni a bum may. An hin kakam mul mamba saɓakŋa kay suu Israelna a fafaɗta.

1 SAMUEL 25:32

David di Abigal ana, «Ko Yawe Lona vi suu Israel ma sunuk ay hu buu namma ŋgafanna sem fi ŋgara.