1 MULINA 8:11 - Boy Lonana

¹¹ Muli suu li ɓivunna ka ndak a hoŋ hu sun masira oloɗi, kay ana bibiŋil Yawera oy huu Ziŋ Yawera kiwa.

1 MULINA 8:11 ပူးပေါင်းရင်းမြစ်များ

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

EZEKIYEL 44:4

Sa namma tuɗ kalan ha hu vun ma ii mbayaw nana, tuɗun ha ki ta ta eg biɗii Ziŋ Lonara. An wi ki ana bibiŋilla vi Yawera ay ki kalafi hu Ziŋ Yawera. An girif kaŋgaa, kuluɓ irin ki duk ndaŋgara.

DLAŊ LEVIRA 9:23

Moiz u Aaron cuk hu Mbutluɓ ma Tokka, hin hoŋ ay ki bunsu a paɗ vunusi ki kay suunara. Hu li namma ni bibiŋil Yawera tak taɗ ki ii suuna halaŋ.

WIRA ŊGAYRA 21:23

Ҥoŋzi ma ŋgolna ni fatɗa u tilna ka hu oloɗi, weleɗ hu ni ŋgolla vi Lonara gaw. Goo Timiina ni pindilla gaw may.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

EZEKIYEL 43:2

An wiya ni bibiŋilla vi Lo ma vi suu Israelna col ay u maɗiina na, vunna soo ay ko ndal mbo ŋgolna a soora na. Yam ndaŋgara halaŋ ɗi ki haɓpa na kew kew u bibiŋil mamba.

WIRA ŊGAYRA 21:11

Ŋgolla vi Lonara li kiɗikka ɦoŋzi ma ŋgol namma, weleɗ ko ɦinira jivira na. Ko ɦini mayra yaɗ ana jaspara, weleɗ maɗta ko kotoromma na.

SUNDA 7:55

Nam hurum oyra u Musuk Lonara gol irim kolo huulona wi ŋgolla vi Lonara u Yesu coli bik ko Lona ma njufna.

DLAŊ LEVIRA 9:6

Moiz di ana, «Gola ni dlara Yawe min ana agi laɗta kay ana bibiŋilla vi Yawera tak taɗ ki irigiya.»

ROMMA 9:4

Asi ni njaf suu Israelna Lona hin mbuɗusi ki a goryomu, ɦasi ana nam ka egesi hu ŋgol mamba tew tew, nam vi galamba u asiya, ɦasi gaɗta, li tokka, vi vunna u asiya.

KALKIRA 40:34

Ɗugulla kuluɓ ki kay mbutluɓma, bibiŋil Yawe oy ki kalafi hu mbutluɓma.

KALKIRA 40:35

Moiz ka ndak a kal kalafi hu mbutluɓmaɗi, kay ana ɗugulla ka kayami, bibiŋil Yawe ki oy kalafi huwa.

1 MULINA 8:10

Hu li ma muli suu li ɓivunna cuk ay ki bunsu may ni, ɗugulla oy ki hu Ziŋ Yawera na ndiŋ ndiŋ.

1 MULINA 8:12

Salomon oo um kolo di ana, «Bu Suuna min a kak duk ndufunda.

2 DLAŊ MULINARA 5:14

Muli suu li ɓivunna ka ndak a col hu a li sun masira oloɗi ko ɗugul ndaɗta. Kay bibiŋil Yawera oy huu Ziŋ Lonara kiyo.

SOOLLA 90:16

Ko sun maŋga aŋ laɗta li ki kiɗik ii suu sun maŋsina, tak bibiŋil maŋga ki maŋ goryosiya.

Magaara Vi Sa Jok Vun Lona AGE 2:7

Yam mbassa halaŋ hin dlaka, begera kay yam mbassara halaŋ hin yow liŋŋa, an hin oy hu zi ndaɗta u jivira Jawe ma Saɓakŋa Kom Belna di na.

KALKIRA 29:43

An hin ŋgaf u suu Israelna hu li namma, bibiŋil manda hin li hu li namma.

EZAYI 6:1

Hu coki mayra mulna Oziyas miɗta ni an wi Bu Suuna kak kay dlamba ŋgolla kolo dayra, vun baraw ma cuki tamma oy huu Ziŋ Lonara kiyo.

EZEKIYEL 10:4

Bibiŋilla vi Yawera tak ki kolo kay Serubim ha eg zira na tok, huu zira hin oy ki u ɗugulla may, li ma kurufu hu kaanana oy ki u bibiŋilla vi Yawera may.