1 MULINA 8:1 - Boy Lonana

¹ Ŋgoo dagan mulna Salomon yi suu ŋgolona u suu maarina hu dee suu Israelna ay egem Yerusalem halaŋ u suu fok gorsesinana lay a mba tli Zanduk ta Galamba vi Yawera ay hu Ҥoŋzi Davidna ma yam ana Siyonna, jogoɗ ay ki hu Ziŋ Yawera, Yerusalemba.

1 MULINA 8:1 ပူးပေါင်းရင်းမြစ်များ

2 SAMUEL 6:6

Asi tew ki u madakŋa u li ma to wana vi Nakon. Uza weɗ ha kay Zanduk Lonara na ni, vaɗ komu kay ana mbutlugina puk gin kaŋgaa.

1 MULINA 2:10

David buu gaa duk somoyomwa. Asi pammi hu ɦoŋzi ma yam ana Ҥoŋzi Davidna.

1 MULINA 3:15

Salomon dliɗ ki koloo, doyra dammi ko ndaɗta na. Nam hoŋ hu Yerusalem, tuɗ col fok Zanduk ta Galamba vi Yawe. Nam li ɓivun ma ŋgalam ki ŋgalina u ɓivun ma mbaa heɓpa. Nam yi funa suu sun mamsina halaŋ ti huwa.

1 DLAŊ MULINARA 11:7

David kak hu li ma saɓakŋa. Ni kay ndaɗta asi yi li namma ana Ҥoŋzi Davidna.

1 DLAŊ MULINARA 15:25

Na ɗaŋŋi, David suu basi suu Israelna u suu ŋgolo suu fok suu buɓ buɓma tuɗ u furira a hoŋ Zandukka Galamba vi Yawera ay ki hu ziŋ Obed-Edomma day.

1 DLAŊ MULINARA 15:29

Hu li ma Zandukka Galamba vi Yawera tew ki hu Ҥoŋzi Davidna, Mikal, goŋ Solla, gol ha ii zira. Ndaɗ wi mulna David weɗ kolo may, luu njoŋŋa may. Ndaɗ ɓeŋ huruɗ ki egem na gaw.

1 DLAŊ MULINARA 15:3

David tok suu Israelna halaŋ hu Yerusalem a tli Zandukka vi Yawera, tuɗuɗ hu li ma nam minim ki kaɗna.

1 DLAŊ MULINARA 28:1

David tok muli suu fok suu Israelna hu Yerusalem halaŋ, suu hu njaf suunana u suu hu dee suunana suu li sunda vi mulnna, suu fok suu buɓ buɓma, suu fok suu kis kisna u suu kay begera u yoori suu vi mulnana u goryomu, suu fokomma, suu duuna u suu dlasi ŋgolona halaŋ.

2 DLAŊ MULINARA 30:1

Ezekiyas yi suu Israelna u suu Yudana halaŋ. Nam ɓii magaara maŋ dee suu vi Efrayimma u suu vi Manasena lay kay a asi mbay hu Ziŋ Yawera hu Yerusalem a li luu ma vun til ma Pakŋa maŋ Yawe, Lo ma vi suu Israelna.

EZDRAS 3:1

Til ma kiɗisiyana ndak ndakŋi, ni hu li ma suu Israelna ay ki hu ɦoŋziisinana ɗaŋŋi, suuna tok tasi taɓ ki dew hu Yerusalem.

SOOLLA 102:21

nam ka hum zamba vi suu daŋgayna, cuk suu ɓakŋa kaay kasi a casi kina kiyo.

SOOLLA 9:11

Suu waŋ seŋŋa ka saa ni kaŋu, Yawe, suu mbay egeŋŋa halaŋ, aŋ ka hinisi kiɗi.

EZAYI 28:16

Na may Bu Suuna Yawe di ana, gola an gi ɦini ma tuk suuna belna ka hu Siyon. Ni ɦini ma gi u zina kamma, ɦini ma jivi ɦayna. Sa ma tin hurum kamma ka mbuɗ zoloɗi.

EZAYI 46:13

Dlaanda an a laɗ kira hin ka day oloɗi, hinni na tok daŋ. Buɗta kira ka day oloɗi, an mba buɗ mbassa Siyonda ki ni u tanda. Na daŋ may suu Israelna an hin ɦasi bibiŋil manda.

NDUMBA 1:4

Agi ndum na ni yagi suuna ay egegi dew dew hu njaf suu Israelna halaŋ, ni sa ma hin li a mulna kay suu mamsinana.

JOSUWE 23:2

Nam yi suu Israelna, suu ŋgolo mamsina, mulina suu ka ɓakŋa u suu ŋgolo suu li sunda halaŋ dasi ana, «An cemi mbuɗ ki ni maari, basaɗan ki ni ŋgolo.

JOSUWE 24:1

Josuwe tok njaf suu Israelna ay egem halaŋ halaŋ hu Sekem. Nam yi suu ŋgolo suu fok suu Israelna ay halaŋ halaŋ, yi muli masisina ay halaŋ halaŋ, yi suu kaɓakŋa ay halaŋ halaŋ, yi suu li sunda ŋgolora ay halaŋ halaŋ lay. Asi tok tasi halaŋ fok Lona.

1 PIYER 2:6

Gola ni va ɓiira hu magaara damma, «An manni ɦini ma dlam ŋgolna, an tinimmi a ɦini ma gi u zina hu Siyon kamma, sa ma tin hurum kamma ka mbuɗ zoloɗi.»