1 MULINA 7:48 - Boy Lonana

⁴⁸ Salomon li tlesuu a cuk hu Ziŋ Yawera halaŋ lay, givin ma togolla mini u lorra, taɓul mayra cuk fu ma ɦam maŋ Lonana kayamba mini ni u lorra.

1 MULINA 7:48 ပူးပေါင်းရင်းမြစ်များ

2 MULINA 12:13

Warak suu minda, suu ceɗ ɦinira, hin a gus mbalna u ɦinira ceɗi jivi a min Ziŋ Yawera li ma ki ɓalakina may kay sun mayra ka li a bas kay a min Ziŋ Lonara halaŋ halaŋ.

2 MULINA 24:13

Ko ndal Yawe di ay ki jewra na, nam yow begera hu Zira vi Yawera ki halaŋ halaŋ u begera vo hu ziŋ mulnara lay. Nam to tlesuu yoori u lorra suu Salomon, mul ma Israelna, minisi ka hu Ziŋ Yawerana ki bel bel.

2 MULINA 25:15

Sa ma ŋgol suu asgaana yow ganunna u tlesuu yam busuna suu yori u doonora u lorrana lay.

2 DLAŊ MULINARA 4:19

Salomon min tlesuu daŋŋa u lorra suu ndaki kay a li sunda hu Ziŋ Lonarana. Givin ma togolla ma ŋgal mbul ma his jivina mini ni u lorra, tabul mayra cuk fu ma ɦam ha maŋ Lona kaɗta.

2 DLAŊ MULINARA 4:8

Nam min tabulla doogo cukuɗ kalafi hu Ziŋ Lonara, vadl bik njuf may, vadl bik gulu may. Min kopma na kis may, ni u lorra may.

JOB 28:1

Li ma veg doonora ay huna kaa. Li ma yoo lorra ay huna ka may.

KALKIRA 39:36

Tabulla u tlegeyeɗ suu li sunda halaŋ u fu ma ɓivunna

KALKIRA 39:38

Givin ma togolla ma mini u lorra na, mbul ma fuura, mbul ma his ma ŋgalla, gojoli ma ay caki vun grekŋana.

KALKIRA 40:26

Nam tin givin ma togolla ta yoori u lorra hu mbutluɓma vok baraw ma caki dukŋa na gay.

EZEKIYEL 40:39

Hu zira ŋgol ndaɗta tabulla ka kalafi hu fiɗi, mba' keŋ hiŋŋa may, mba' keŋ ma hiniŋŋa may. Kay tabuli asina asi ŋgaɗ yoori suu li ɓivun ma ŋgalam ki ŋgalina u ɓivun ma bulum cora kina ni kasiya.

EZEKIYEL 40:42

Tabulla daŋga fiɗi olo ceɗ ni ɦinira ni a li ɓivun ma ŋgalam ki ŋgalina. Fiyekeɗ ni meterra hin fok ew, hayaɗ ni nus meterra may. Tabul ndaɗta asi cuk tlesuu sunda asi a ŋgaɗ tlesuu li ɓivunna ni kaɗu.

EZEKIYEL 41:22

givin ma togolla ma mini u gunana na, fiyekem meter dew u nus, hayammi meter dew may. Guna ki caki keŋemu, keŋem halaŋ ki u guna. Nam dan ana, tabul ndaɗta tiniɗ ni fok Yawe.

EZEKIYEL 44:16

Asi hol ni suu hin cuk kalafi hu ziinda, ɦuɗ tasi eg tabulla tiniɗ a li sun mandara may. Asi li u gaɗta an ɦasira kayamba jivi may.

MALASI 1:12

Agi may ɗaŋŋi ɓeŋengi sen ki dagi ana, «Tabulla vi Yawera ki coo. Dlaɓ maɗta u tlesuu tira ki ni njenjee.»

MATIYE 12:4

Nam kal hu zira vi Lona u suu mamsina, ti fu ma li ɓivunna maŋ Lona u namma. Fu namma suu li ɓivunna tammi asi doy hol.

1 KORINTNA 10:21

Agi ka ndak a ci va cira vi Bu Suuna u ma vi fulina jakgi, agi ka ndak a ti funa vi Bu Suuna u ma vi fulina jakgi lay.