1 MULINA 7:29 - Boy Lonana

²⁹ Tam ki ndalira ko ndal dlona na may, ko bolo mbutlna na may, ko ndal Serubimma na may. Kolo kay foto dlona u mbutlna na vuɗ tlena ka njari ndalla kolo kayam hu may.

1 MULINA 7:29 ပူးပေါင်းရင်းမြစ်များ

WIRA ŊGAYRA 5:5

Ni sa ma duk suu ŋgolona dew dan ana, «Tiiɗi, aŋ gola, dlona hu njafna vi Yuda, hu deera vi mulna David ma su ki kasina ndak a haw tampoŋŋa kiɗisiyana kiyo, hin mal magaara ki lay.»

1 PIYER 2:5

Ҥuɗugi tagi aya, agi may ni ko ɦini ma iirina na, hin a min zira kay Musuk Lonara ni u agiya. Agi hinni a suu teteɗ suu li ɓivunna maŋ Lona, ɓivun ma Lona minimma, nam irim jivira ni u Yesu Kristu.

HEBRENA 9:5

Kolo kay zandukka wanni Serubimma laki kaɗu a taki ana Lona kaa, garaŋasi ki bari kay li ma ɓivunna kay cora. Ni ka hu li ma vi u boy namma ki bel belɗi.

Magaara Vi Sa Jok Vun Lona OZE 5:14

Suu na nde, an tanda hin li ni a dlona kay Efrayim, ko ndal goo dlona na kay suu vi Yudana. Ni anu, an sa hin haragi kina, olo an hin tuɗ u tliw manna, sa hin ka ɓaɗam konɗi.

EZEKIYEL 10:14

Asi halaŋŋi irisi kasi fiɗi fiɗi, iira jewra ni ii Serubimma, iira mbara ka vok sa warna na, iira hindira ni ko vok dlona na, iira fiɗira ni ko ndal bakŋa na.

EZEKIYEL 1:10

Sa ma dewna vogom gol ni ko ndal wandara na, ha fok na ni ko vok sa warna na, bik njuf na ni ko vok dlona na, bik gulu na ni ko vok mbutlna na, ŋgoo daganda ni ko vok bakŋa na may.

1 MULINA 7:25

Tassa ŋgol namma tini kolo ni kay mbutlugi kawi ma tlawna na doogo yam mba'. Suu hindi irisi pereɗi mbayawi, suu hindi irisi pereɗi daliya, suu hindi irisi pereɗi u maɗiina, suu hindi irisi pereɗi u fiɗigina may. Ŋgolosi halaŋ ni duk gayra.

1 MULINA 6:27

Nam tin Serubimma ni duk gayra kurufu hu zira. Serubimma garaŋam ki maliya, garaŋamba jewra tin ha ki pay goŋga, ma mbana garaŋam tin ha ki pay goŋga ii hiniŋŋa may. Garaŋasi ta mba' hiniŋga ni kolo duk zira may, tuɗ taɓ taɗ ha kiyo.

KALKIRA 37:7

Nam min Serubimma mba' u lorra kakasi ay kay vun Zandukka, ay keŋ hiŋŋa dew may, dew may ŋgafasi vogosi ko tasiya.

KALKIRA 25:18

Aŋ min Serubim mba' u lorra. Aŋ yoorosi kolo kay yam Zandukka, kak ay keŋ hiŋŋa dew may, dew may.

URA TIN AYRA 3:24

Nam dik sana ay ki dikŋi hin cuk Serubimma hu sene Edenna a golomba, u ŋgewina kosi weleɗ ko kura, ko lona weleɗta na, kay a gol voɗ guna vi iirira.

1 MULINA 7:28

Nam ay minira ni ko ndal wanda na. Yoo kawi ma fiyekina a guumba yoo ma daŋŋa ko namma na a njaam dukka may.

1 MULINA 7:30

Puspusna dew ni sem um fiɗi fiɗi, njuni kolo eg tammi u lakas kawina may. Lakassa taɓi eg taɗ ni ko ndal semma na may, keŋeɗ kaayra ni fiɗi. Tle asina yoorosi ni ko tasi u guumba ŋgolora dew. Nam ka su kay girnadinnaɗi lay.