1 MULINA 6:5 - Boy Lonana

⁵ Asi min zira daŋga ha pay Ziŋ Yawera, ŋgufuɗ ki kay Ziŋ Lonara na cutl. Ni a goo zira goora taɓ ha egeɗ hura.

1 MULINA 6:5 ပူးပေါင်းရင်းမြစ်များ

1 MULINA 6:16

Nam hin cak ii li ma daŋŋa ki kurufu hu u gu sedrena. Col ha kaŋga tuɗ ay ta ta kolo ni meter doogo, min li namma ki jivi a tin Zandukka Galamba yam ana Li ma ki Saɓaki Teteɗna.

1 MULINA 6:31

A nduk vun zira teteɗ ndaɗta nam li ɓakŋa ni u gu conona, fiyek vunna mba kolo vokŋa na ga.

1 MULINA 6:6

Keŋ ma kaŋgana meter mba' u nus, ii ma dukŋa meter hindi, ii ma fok kolona ni meter hindi u nus. Na may gulumun ma gii kay Ziŋ Yawerana doɓolokom ka fun tam dewɗi. Li ma daŋŋa feɗ su ma hiniŋŋa ni kay ana gu ma njaam ay kolo kayamma ŋgen eg Ziŋ Yaweraɗi.

1 DLAŊ MULINARA 23:28

Asi col ni u gaɗta vi goryoŋ Aaronda a li sunda hu Ziŋ Yawera, hu taraŋga, hu ziginina, mbuɗ tlesuu hinisi ki a sundana ki teteɗ u sunda laɗ hu Ziŋ Lonara.

1 DLAŊ MULINARA 28:11

David ŋga fiyek li ma fun zirana maŋ goromma Salomon. Li ma vi zigininana ma vi zigini suu mol tlena huna u zigini suu kolo fiyekina, hurusi ma kurufuna ma vi zira bulum cora ki huruɗta.

1 DLAŊ MULINARA 9:26

Na may suu fok suu gol u vun zira suu fiɗina kakira eg liisi ni a fafaɗta. Suu Levina ni suu tuɗ ay hu zira fun tlesuu hu Zira vi Lonara.

2 DLAŊ MULINARA 31:11

Mulna Ezekiyas ɦal voɗta ana cuk u tlesuu hinna kalafi hu Ziŋ Lonara hu li ma agi fasina gaw gaw.

2 DLAŊ MULINARA 4:20

Va ma tin pindilla kamma u pindilla taɗta ta ka ŋgaf fun vok zi mayra ki saɓaki teteɗta ko gaɗta dira na, mini ni u lorra jivira.

2 DLAŊ MULINARA 5:7

Muli suu li ɓivunna tuɗ Zandukka Galamba vi Yawera kalafi hu liiɗu. Hu zi mayra teteɗta kalafi hu Ziŋ Lonara, hu Li ma ki Saɓaki Teteɗna. Tiniɗ kaŋga u garaŋ Serubimma.

2 DLAŊ MULINARA 5:9

Kawi ma tli Zandukka u namma fiyeki coco lay ni, aŋ wam vunum ki ni hu li ma aŋ ka coli fun goŋga hu li ma kal ha kalafi u Zandukkana tuwa. Ndaɗ ka hu ta ta cemi.

NEHEMI 10:37

Goryoygi suu vuɗ jewna, gor yoori maygi suu vuɗ jewna lay ko ndal ki ɓiiri hu gaɗtara na, kay gor yoori maygi suu gori suu vuɗ jewna, gor yoori suu ŋgolo suu vuɗ jewna lay mbaasi ay kay sun Ziŋ Looyginara, maŋ muli suu li ɓivunna a li sun Ziŋ Looyginara.

NEHEMI 12:44

Hu buu namma ni njufiina tinisi ki a gol u zigini suu tlesuu hinisi ki a ɗokosi suu yowosi ay u nus vuɗ tlesuu jew nana a hin taa suu ay hu ɦoŋzi ma bagi ma ŋguy kay ɦoŋzinana ayra. Tlesuu gaɗta ŋgaasi ki maŋ muli suu li ɓivunna u suu Levinana. Gasi daŋ may ni Yuda li furira kay muli suu li ɓivunna u suu njun suu Levi suu ka li sundana.

SOOLLA 28:2

Humun cen manda hu li ma an yaŋ a aŋ njununna, hu li ma an yow kon ha kolo eg ziiŋ ma teteɗna.

KALKIRA 25:22

Hu li namma ni an mba ŋgaf u aŋŋi huwa, duk ɦoŋ Serubimma. Kolo kay Yam Zandukka, an hin daŋ dla mayra an min a daɗ maŋ suu Israelnara ka halaŋ.

SOOLLA VI SALOMON 1:4

Van kolo hu duk koŋu, taɗanu, liŋiya, aŋŋi mul manna. Tuɗun ha kalafi hu ziiŋga buuna, «Puluɗuy tay ki u furira.» Geleɗey min maŋga, ndaɗ guruɗ sana ki su sum veŋŋa. Gorɓiina miniŋ cocora na ni u voɗoɗ daŋ may.

JEREMI 35:2

«Tuɗ eg njaf suu Rekabma ɓakasiya, mbaasi ay hu ziŋ Lonara hu huruɗ maa dew, ɦasi sum veŋŋa, asi camu.»

JEREMI 35:4

An mbaasi ay hu ziŋ Lonara, hu huruɗ maa dew ma vi goryoŋ Hananna, goryoŋ Igdaliya huna sa vi Lonana. Huruɗ mayra eg taɗ ura vi suu ŋgolo suu sundara, kolo kay ta vi Maaseya ma goŋ Salum ma gol u vun goŋga.

EZEKIYEL 40:17

Sa namma tuɗun ay ki huu taraŋga hu Ziŋ Lonara, huu taraŋga ki mbuya, goŋŋina ki ŋguyra kaɗ na dok-hindi.

EZEKIYEL 40:44

Hu vun ma mbayaw nana ni zira ka mini keŋ kurufu huwa ii ma dalina na, ta hiŋga ay mini ii ma dalina na vunuɗ ay ii mbayaw na may.

EZEKIYEL 41:4

Nam hin ŋga huu zira taɗta fiyekeɗ ni meter doogo, hayaɗ ni meter doogo lay. Nam hin dan ana ni Li ma ki Saɓaki Teteɗna.

DLAŊ LEVIRA 16:2

Yawe di Moiz ana, «Di wayaŋŋa, Aaron, nam kal kalafi hu Li ma Saɓaki Teteɗna, ii gojoli ma caki duk ɦoŋgana na dam dambi, nam kal hu li ma Zandukka Galamba u yam Zandukka ka huna hu buuna belɗi, li ka naɗi ni nam hin miɗ kiyo, hu li ma an a tak tan duk ɗugulla kay li ma teteɗna tew tewna.

NDUMBA 7:89

Hu li ma Moiz kal hu Mbutluɓ ma Tokkana a ɓak u Yawena, nam hum della ɓakam ay kolo kay yam Zandukka Galamba duk ɦoŋ Serubim suu kaɗ mbana. Ay kolo hu li namma nam ɓakam aya.