1 MULINA 6:12 - Boy Lonana

¹² «Cemi ni aŋ ka minin zira ni manu. Lini aŋ ka li u boy ma an daŋŋa hu gaɗta wanna may ni, li u yal ma an daŋŋana may ni, lini aŋ ɦal taŋ a hum u gaɗ manda halaŋ may ni, an hin li dlara an daɗ ay ki jew maŋ buŋ kaŋga u vi vun man namma may.

1 MULINA 6:12 ပူးပေါင်းရင်းမြစ်များ

1 DLAŊ MULINARA 22:10

Nammi sa hin min zira u senna. Nam hin li ni a goronna. An hin li ni a bum may. An hin kakam mul mamba saɓakŋa kay suu Israelna a fafaɗta.

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

SOOLLA 132:12

Lini goryoŋ li u galamba an vaɗ u agira, li u gaɗta an ɦagirara may ni, goryosi lay hin lak ka hu dlam maŋga mulla a fafaɗta.»

1 MULINA 3:14

Lini aŋ tuɗ u gaɗ manda, ko ndal buŋ David lira na may ni an hin ɦuɗuŋ buu maŋ ma kay ndaŋgarana ha foko.»

ZAKARI 3:7

«Yawe, ma Saɓakŋa Kom Belna, di ana, Lini aŋ tuɗ hu voɗ manda, lini aŋ li u gaɗ manda, aŋ taŋga hin ti mulla kay ziinna aŋ hin golon huu taraŋ ziinna, an hin kakaŋ ki duk suu ki coli tani wanna.»

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 MULINA 8:25

Cemi wanda Yawe Lona vi suu Israelna, li oora kay saaŋ ma sunda, bun, David, boy ma aŋ damma kana, ana sa maa hu njafaŋ dew hin kak ka hu dlamba mulla vi suu Israelna fokonu. May ni di goryoŋ asi poy jiviya, tuɗ fokon ɗegee, ko ndal aŋ poy ay fokonda na may.

2 SAMUEL 7:5

«Tuɗ di saan ma sunda David ana Yawe ɓak anaba, aŋŋi sa ma hin minin zira kan a an hin kak hura su?

1 MULINA 6:11

Yawe di Salomon ana,

1 MULINA 11:10

Nam dam ay ki jivi ana nam goɓ lo ma daŋgi. Salomon hin hum ka u dlara Yawe dambaraɗi.

JEREMI 7:5

Na may ni minigi tuɗ magira ki jivi na ɗow. Dlaagira agi laɗta a njun kay sa ɗegeena duk ndaryamma.