1 MULINA 3:9 - Boy Lonana

⁹ Kay ndaɗta aŋ ɦal yalna huu saaŋ ma sunda a ti mulla kay suu maŋsina, a ɓorow duk ɦoŋ jivira ki u cora, sa ma ndak a ti mulla kay suu maŋ suu dlasi ŋgol coco wanna na ni gege?»

1 MULINA 3:9 ပူးပေါင်းရင်းမြစ်များ

Magaara JAK Ɓiiriɗta 1:5

Lini sa maa dukugi neemba kaɗi ni nam joɓ Lona kaɗu, nam hin ɦamba. Lona ɦal tlena maŋ suuna halaŋŋi u min mamba jivira.

VUN ŊGOLNA 16:16

Haɗta haɗ yalna jivi su lorra, Vi wira u nera jivi su gursuna ki na day.

HEBRENA 5:14

Ti ma eŋŋa ki ŋgaɓi ni maŋ suu ŋgolona, u li mayra li tew tewra asi ki haɗi kay a ɓorow duk ɦoŋ jivira u cora.

Boy Ma Ayra Ma JAŊ Ɓiirimma 5:30

«An ndak ka a li va kay tanɗi. An kaɓakŋa ni u va ma bun danana, kaɓak manna ni u voɗomu, kayme an ka hal a li dlara kay tandaɗi, an li ni dlara sa sunun ayna miniɗta.

2 SAMUEL 14:17

Caaŋga sunda ɓak taɗ ana, na ni boy ma vi malanna ndak njun un a heɓen hurun su? Kay ana malanna mulna ni ko sa sunda huulona vi Lona na. Nam hum dla cora ura jivira lay. Ko Yawe, Looŋŋa, li u aŋu.»

1 DLAŊ MULINARA 22:12

Na may ni ko Bu Suuna ɦaŋ saara ɓoroow ii dlara, ɦaŋ yalna hu li ma nam kakaŋ kay suu Israelna a gol u gaɗta vi Yawe, Looŋŋara.

Magaara JAK Ɓiiriɗta 3:17

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.

EFESNA 5:17

Ni kay ndaɗta lagi tagi laɓaɗi, soogi tagi kay a hum va ma Bu Suuna min a agi lamma.

SOOLLA 119:144

Diki maŋga ha ni na din din, ɦan yal ma ɓorow ii dlara kina, ni an hin kak iiriya.

SOOLLA 119:34

Mbuɗun a sa ma neeyna, an hin li u gaɗ maŋga. An hin vaɗ ni u hurun halaŋ.

2 KORINTNA 3:5

Kay ami kay tamira ka ndak a li va kay tamiɗi, ndak mamira mbay ni vi Lona.

MATIYE 3:14

Jaŋ cam wayra ana, «Aŋ a mbusun batemma ni aŋ ɗowɗi su? Aŋ mbay egen na ɗow su?»

DI BOLLA 7:11

Wira wi dlara ndaɗ jivi cocoo, ni ko vaaŋ ma aŋ fam ki a jona na. Wira yalna njun suu ka iiri kay ndaŋgara tuna.

VUN ŊGOLNA 20:12

Humba ni a hum boyna, iira ni a wira. Asi jakŋi Yawe lasi ni namu.

2 DLAŊ MULINARA 1:10

Cemi wanda aŋ ɦan mbeleŋŋa u wira kay a an wi yal ma tuɗ fok suu asinana. Sa ma ndak a kak mulla kay suu maŋsina suu zuli coco asina na ni gege?»

1 DLAŊ MULINARA 29:19

Ҥal huu ma ɗegeena maŋ goronna, Salomon, a vaŋ gaɗ maŋga, vi vun maŋŋa, gaɗ maŋga a li sunda miniŋ ziiŋ ma an min tlena ka kamma.»

FILIPINA 1:10

Kay agi mbuɗ ndaki a man dlara jivira, agi hin mbuɗ a suu teteɗna a sa ndak a fi va ma co egegi hu buu ma vi Kristunaɗi.

2 KORINTNA 2:16

Kay suu ba kina ni his ma miɗna, ma ɦal miɗna lay. Kay suu ka hu voɗta suɗta, ni his ma iirina ma ɦal iirira lay. Sa ma ndak a li sunda ndaɗta ni gege?

MATIYE 3:11

An mbusugi batemma duk yona a tak ana hurugi mbuɗ ki zeɗ. Sa ma mbay ŋgoron daganna, hin mbusugi batemma u Musuk Lonara, u kura may, kay dlam ŋgol suunu. An ndak ka a ziirim tuɓuru mammaɗi lay.

DI BOLLA 7:19

Wira wi dlara mbuɗ sana saɓak coco su muli suu doogo hu ɦoŋzi ma dewnana lay.

JEREMI 1:6

An di ana, «Aa, Bu Suuna Yawe, an hin ka wi ɓakŋaɗi. An goo cocoo.»

VUN ŊGOLNA 14:8

Sa yalna fuɗ tam hu poy mamba kay nam sa ma wi dlara. Sa ma laɓana viɗ tam ki u giniŋ mamba.

SOOLLA 119:73

Aŋ lanni aŋu, aŋ ka golonu, mbuɗun yali, an a haɗaŋ gaɗ maŋga may.

1 MULINA 3:28

Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

1 MULINA 3:10

Joɓpa vi Salomon ndaɗta furi huu Bu Suuna cocoo.

1 MULINA 10:24

Suu kay ndaŋgarana halaŋ min a wi Salomon kay a hum boy ma wira ma Lona kalamma hurumma.

JEREMI 45:5

Aŋu, aŋ hal a li ni tlesuu ŋga Lona. Saa kasi oloɗi. An mba dla cora kay suuna halaŋ may kaŋ aŋ wanni an ɦaŋ voɗta a li iiri hu li ma aŋ tuɗ hurumma bel.»

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.