1 MULINA 3:7 - Boy Lonana

⁷ Cemi wanda Yawe, Loonna, aŋ kak saaŋ ma sunda a ti mulla balam bun David ni aŋu. Anni gogona ɦawaa, ka wi yal ma a kak fok suunaɗi lay.

1 MULINA 3:7 ပူးပေါင်းရင်းမြစ်များ

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

1 DLAŊ MULINARA 22:5

David di ana, «Goronna, Salomon, goo tu lay, maŋi lay, zira a miniɗ maŋ Yawera dlaɗ hin li ni ŋgol coco hu mbassa halaŋ kay ŋgoloɗ lay kay bibiŋil maɗta lay. An hin minim tlena ka ki kaŋga ni mamu.» Ko ndaɗta na David min tlena ka ŋgol jew a nam miɗta.

1 DLAŊ MULINARA 22:9

Gola, goona vuɗ ka varaŋu, nammi sa hin mba heɓpa. An him ɦam heɓpa duk tasi u suu babali mam suu ŋguy kamma halaŋ halaŋ, kay ana Salomonni semu. An hin ɦal heɓpa u kakka enda maŋ suu Israelna hu buu mamma.

1 DLAŊ MULINARA 29:1

Mulna David di suu tokina halaŋ ana, «Goronna Salomon ma Lona manam ki dewna ni gogoona, maŋi lay, sunda ŋgol cocoo kay zi ma namma ka ni maŋ saɗi ni vi Yawe Lona.

SOOLLA 121:8

Yawe hin goloŋ hu tuɗta aŋ tuɗ koyra, u hoŋ maŋga ay vora lay, ha koyni gak gak u fokka lay a fafaɗta.

VUN ŊGOLNA 18:12

Jew sana bay ndi ga tu ni, nam ŋga tam cocoo. Jew sana a fi bibiŋilla ni nam hoŋ yam ga may.

DI BOLLA 10:16

Mbas mayra mul ma kaɗna goozoŋŋara wi haw cocoo, goryoŋ mulnana lakira ni kay sum ma cira doy na ca.

JEREMI 1:6

An di ana, «Aa, Bu Suuna Yawe, an hin ka wi ɓakŋaɗi. An goo cocoo.»

JEREMI 1:7

Yawe dan ana, «Aŋ di ana, aŋ goo cocoraɗi. Li ma an a sunuŋ huna halaŋŋi aŋ tuɗa, dlara an daŋgara halaŋŋi aŋ daɗ ha kiyo.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 4:25

Dla ndaɗta li ki eg mulna Nabukodonosor.

DANYEL 4:32

Suu kay ndaŋgarana halaŋ ka mdak ii vaɗi, nam li ni u min mamba, kay asgaa suu kolo huulonana u suu kay ndaŋgarana, sa ma ndak a cam u kom kaɗi, ndak a dam ana, aŋ li nimegena kaɗi lay.

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

DANYEL 5:21

Asi dikim ki duk suuna, hurum mbuɗ ko huu mbuurina na, nam kakŋi duk mbuuri suu bagina, nam ti ni haɗna ko mbutlina na, mbaɗagira kolo huulonara mbusum tam kiyo, ta ta nam wi ana Lo ma Kolo Dayna ni malaŋ mulla vi suunara, nam tli yam gegelay kolo ni u min mamba.

NDUMBA 27:17

Sa namma hin kal kiyo tuɗ fok suuna, nammi sa ma hin cukusi ki kiɗik lay, hoŋosi vo layna. Na ni suu vi Yawena ka hin li ko timigii suu bay sa ma taarasina kasira naɗi.»

Boy Ma Ayra Ma JAŊ Ɓiirimma 10:9

An ni vun goŋga. Sa kal ha hurunna hin suɗ kiyo. Nam ndak a kal huwa, hin hoŋ kiyo, fi tina funum lay.

GA 8ATAMBARA 31:2

«An cemi ni basaɗan ki ca ni kis duk dok-mba', an ka ndak a li sun manda gak gak oloɗi. Yawe dan ana, ‹Mbo lum ma Yurdanna ni aŋ ka calaɗambi.›

1 SAMUEL 18:16

Na may suu Israelna halaŋ u suu vi Yudana minni David kay ana nammi sa tuɗ hoŋ ay fokosina.