1 MULINA 3:3 - Boy Lonana

³ Salomon min Yawe coco ɦay. Nam li ni u dlara bum David damba kara, may nam li ɓivunna ŋgal mbitla his jivira ay ni kolo kay li mbuyna tuwa.

1 MULINA 3:3 ပူးပေါင်းရင်းမြစ်များ

1 MULINA 11:34

An ka tli mulla ki ko Salomonɗi kay an kakam a mulna ni ta ta hu daɓpa vi buu mam ma kay ndaŋgarana. Ni kay dla saan ma sunda David ma an manamma. Nammi sa ma li u vun gaɗ mandana.

1 MULINA 11:38

Lini aŋ hum u dlara an hin daŋgara, lini aŋ tuɗ ɗegee hu voɗ manda, lini aŋ li dlara irin ɗegeera, li u gaɗ manda u neenda ko ndal saan ma sunda David lira na ni, an hin li u aŋu, an hin coloŋ njafaŋ kolo saɓak ko ndal an li u njaf ma vi Davidna na may, an hin ɦaŋ suu Israelna ni maŋu.

1 MULINA 11:4

Hu cokira Salomon mbuɗ ki maara ni boyogom pereɗem hurum ki u loogi masisina. Hurum ka ɗegee u Yawe Loomma oloɗi. Hurum ka ɗegee ko ndal huu bum David li ayra na oloɗi.

1 MULINA 11:6

Salomon li dlara ka ii Yawe jiviɗira. Nam ka tuɗ u Yawe hol ko bum David lira naɗi.

1 MULINA 14:23

Asi min liisi ma mbuy kolona a li ɓivunna, col ɦinira ceɗi ta teteɗta fokosiya, min fulina tlesuu teteɗna kolo kay li mbuyna na zeɗ zeɗ, hu li ma ŋgusugina ɗufi hu cocona,

1 MULINA 14:8

An ɓaɗ mulla ay ki ko suu vi Davidna, ɦaŋga ki maŋu, na may aŋ li ka ko saan ma sunda David ma hum u gaɗ manda jivi u hurum halaŋŋa naɗi. Nam li ni dlara irin jivira doy hol.

1 MULINA 15:11

Aza li dlara ɗegeera ii Yawe ko ndal bum ŋgolo David lira na.

1 MULINA 15:14

Na may li ma mbuy kolona bulum ka kiɗi. Lay ni Aza hurum tini ɗegee kay Yawe gak gak daɓ iiri mamba kay ndaŋgarara.

1 MULINA 15:3

Nam li ni suluk ma bum lam ka ki fokom jewna na tew olo. Hurum ka toki ɗegee u Yawe, Loommaɗi. Ka ko ndal bum ŋgolo David lira naɗi lay.

1 MULINA 15:5

Ni kay ana David li dlara ɗegeera ii Yawe. Dlara nam dambara halaŋ nam hin ta ka bay liɗi. Hu iiri mamba kay ndaŋgara halaŋ, coomba ni kay dlara vi Uri ma Hitna doy hol.

1 MULINA 22:43

Nam tuɗ ni u dlara bum Aza laɗta na ɗegee, tli vunum ka ki keŋgi. Li ni dlara ɗegee ii Yawe jivira.

1 MULINA 22:44

Na lay ni li ma mbuy kolo ma goɓ fulina bulum ka ki tuɗi. Suuna tuɗ fok gak a li ɓivunna, ŋgal mbitla his jivira hu li namma gak gak tuwa.

1 MULINA 3:14

Lini aŋ tuɗ u gaɗ manda, ko ndal buŋ David lira na may ni an hin ɦuɗuŋ buu maŋ ma kay ndaŋgarana ha foko.»

1 MULINA 3:6

Salomon hoŋ dira ana, «Aŋ li jivira maŋ saaŋ ma sunda bun David cocoo, kay ana nam li sunda fokoŋŋi u ɗegeera u jivira may u huu ma haɓma fokoŋ may, aŋ golom u jivi ndaɗta gak gak ɦam goo ma hin varak ka balamam kay dlam mamba mullana may.

1 MULINA 8:25

Cemi wanda Yawe Lona vi suu Israelna, li oora kay saaŋ ma sunda, bun, David, boy ma aŋ damma kana, ana sa maa hu njafaŋ dew hin kak ka hu dlamba mulla vi suu Israelna fokonu. May ni di goryoŋ asi poy jiviya, tuɗ fokon ɗegee, ko ndal aŋ poy ay fokonda na may.

1 MULINA 8:61

Ko agi tok hurugi halaŋŋi maŋ Yawe, Looygina na dew, kay a agi poy ni u gaɗ mamba, li u gaɗ mamba halaŋ ko ndal agi ka li cemi wandara na.»

1 MULINA 9:4

Aŋ may ni lini aŋ tuɗ u gaɗ manda ko ndal buŋ David lira na may ni, li huruŋ ki na ɗegee, li dlara halaŋ u voɗoɗu, li u dlara an daŋgara halaŋ, lini aŋ hum u gaɗ manda jiviya, li dlara an miniɗta may,

2 MULINA 12:3

Joas hu iiri mamba halaŋŋi nam li ni dlara jivi ii Yawera. Kay ana Yoyada, mul ma li ɓivunna, haɗammi namu.

2 MULINA 12:4

Na lay ni li ma mbuy kolo ma asi goɓ loogi suu ɦawana bulum ka kiɗi. Suuna ka tuɗ fok u ɓivun ma lam kolo kay li mbuyna u ŋgalla ŋgal mbilta tu gak gak may.

2 MULINA 14:3

Nam li dlara jivi ii Yawera, ka vam ko ndal David na gawɗi. Nam li ni ko ndal bum Joas lira na dege dege may.

2 MULINA 14:4

Na lay ni li ma mbuy kolona ka bulum kiɗi. Suuna tuɗ fok a li ɓivunna, ŋgal mbitla his jivira kolo kay li ma mbuyna gak tuwa.

2 MULINA 15:35

Na lay ni li ma mbuy kolona ka bulum kiɗi. Suuna tuɗ fok a li ɓivunna ŋgal mbitla his jivira hu li ma buy kolo namma gak gak. Nammi sa ma hoŋ min vun ma ŋgolna vi Ziŋ Yawera kolona.

2 MULINA 15:4

Na lay ni li ma mbuy kolona ka bulum kiɗi. Suuna tuɗ fok a li ɓivunna kolo kay li ma mbuyna, ŋgal mbitla his jivira hu tu na gak gak.

2 MULINA 18:22

Lini agi dan ana, agi tin hurugi ni kay Yawe, Loogina, na ɗaŋŋi ka nam Lo ma Ezekiyas bulumum ay ki kolo kay li mbuynana tokgi su? U otel lay di suu Yudana u suu Yerusalemma ana, agi tuɗ goɓ fok li ma ŋgal ɓivunna ni hu Yerusalem dew naɗi su?

2 MULINA 18:4

Nammi sa ma bulum li ma mbuy kolona kina, to ɦinira ceɗi teteɗta ki may, ka gu ma vi Aserna ma piina ki may, to guy kawi ma Moiz yoorom kana ki may. Kay suu Israelna gi jaŋ ŋgal mbitla his jivira fok guy namma ta ta cemi. Asi yam ana Nehustan.

2 DLAŊ MULINARA 15:17

Na may li ma mbuy kolona ka bulum ki hu mbassa vi suu Israelnara belɗi. Na may huu Aza ka tini kay Lona gak gak hu iiri mamba kay ndaŋgara.

SOOLLA 145:20

Yawe ka ŋgom banayamma halaŋ, may nam bulum suu bay ɗegeena kiyo.

SOOLLA 31:23

Hu li ma an viɗ ki nana, an saa ana aŋ hinin ki wa. Na may aŋ humun delenda cendawa hu li ma an ka yaŋŋa.

DLAŊ LEVIRA 17:5

Kay ndaɗta suu Israelna hin dlara ŋgaɗ tlena ha ki duk bolowra tani, mbaa va namma ay ni maŋ mul ma li ɓivunna fun Mbutluɓ ma Tokka, nam ŋgaɗam, a li ɓivunna maŋ Yawe, ni ɓivun ma heɓpa.

MATIYE 22:37

Yesu hoŋom dira ana, «Aŋ min Looŋŋa Bu Suuna u huruŋ halaŋ, u musukuŋ halaŋ, u saa maŋga halaŋ.

Boy Ma Ayra Ma JAŊ Ɓiirimma 14:15

«Agi li mininu ni, agi hin vagi vun gaɗ manda.

Boy Ma Ayra Ma JAŊ Ɓiirimma 14:21

«Sa ma vi gaɗ mandana li laɗu ni, sa ma mininna. Sa namma, Bun minim may, an minim may, an hin tak tan irimu.»

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

1 KORINTNA 8:3

Sa ma min Lona, Lona wamu.

GA 8ATAMBARA 10:12

Cemi ni agi suu Israelna va Yawe Loogina ka juɓum kogina ni mege? Va ma nam juɓumma ni ana agi li ndaa Yawe Loogina, tuɗugi hu voɗ mamba na ɗegee. Min a sun Yawe Loogina u hurugi halaŋ, u mbalatagi halaŋ lay.

GA 8ATAMBARA 10:13

Hu li ma agi hum u gaɗta vi Yawera, u gaɗta an ɦagira cemi wanda, agi li na ni kay jivi magira na ɗow.

GA 8ATAMBARA 11:13

Lini agi humugi gasi u gaɗ manda an dagira cemi wandara, a minigi Yawe Loogina, sunum u hurugi halaŋ u mbalatagi halaŋ lay ni.

GA 8ATAMBARA 30:16

Anni sa ma gaɗagi cemi ana minigi Yawe Looginana, tuɗugi hu voɗ mamba, lagi u gaɗ mamba u nera u dlara nam miniɗta halaŋ. Ni agi hin lak iiriya, agi hin zul cocoo, Yawe Loogina hin paɗ vunum ki kagi hu mbassa agi hin tuɗ lak huruɗ wandara.

GA 8ATAMBARA 30:20

Ni u minda min Yawe Looginara, humum vunumu, njun tagi ni egemu. Ni agi hin lak iiriya, buu magina ɦuɗ foko, hu li ma agi hin cuk hu mbassa Yawe vi vunum u somoyogi Abraham, Isaak u Yakob kaɗta.

GA 8ATAMBARA 30:6

Yawe Loogina hin cawagi ni caw ɗiwra hurugi kurufura, magi agi may, maŋ njafagi ma ka daganna lay, kay a agi min Yawe Loogina u hurugi halaŋ, u saa magira halaŋ, kay a agi lak iiriya.

GA 8ATAMBARA 6:5

Aŋ min Yawe Looŋŋa u huruŋ halaŋ, u mbalataŋ halaŋ, u saɓakaŋ halaŋ may.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

1 SAMUEL 9:12

Asi hoŋosi dira ana, «Ҥaa, ha fokoŋ na ɗegee. Cecem wanda aŋ li zak kay ana nam mba hu ɦoŋzina karami, kay ana ɓivunna ka a li ki duk suuna kiɗik hu li ma ki kolo mbuyna.