1 MULINA 3:28 - Boy Lonana

²⁸ Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

1 MULINA 3:28 ပူးပေါင်းရင်းမြစ်များ

1 MULINA 10:9

Gi deɓ maŋ Yawe Looŋŋa ma min a kakaŋ kay dlamba mulla vi suu Israelna, ni kay ana Yawe min suu Israelna ɦay. Nam kakaŋ a mulna ni a aŋ mba li jivira u ɗegeera.»

1 MULINA 3:27

Mulna hin gijaŋ ɓakŋa di ana, «Ҥal gogona maŋ cara fok jewra, cam kiɗi, kay ndaɗta ni sum daŋ may.»

1 MULINA 4:1

Ko ndaɗta na mulna Salomon ti mulla kay suu Israelna halaŋ.

1 DLAŊ MULINARA 29:24

Suu ŋgolona halaŋ suu saɓakŋa, u goryoŋ mulna Davidna halaŋ hum u mulna Salomon.

EZDRAS 7:25

Kaŋ aŋ Ezdras may ni u yal ma vi Looŋŋa ma ka koŋŋa aŋ tin suu kaɓakŋa u suu gi ii dlara maŋ suu keŋ lum ma Efratna u fiɗigina halaŋ, maŋ suu wi gaɗta vi Looŋŋara, agi hin haɗaɗ ki maŋ suu ka waɗɗina lay.

SOOLLA 72:2

Ko asi ti kay suu maŋsina u ɗegeera, suu hoŋ yasi gaa u jivi maŋgana.

SOOLLA 72:4

Ko nam li dlara jivira kay suu hoŋ yasi gana, nam lini a suu suɗ suu wihawra, nam ba suu las ndarayasina ki may.

KALKIRA 14:31

Suu Israelna wi dlara eŋga Yawe laɗ eg suu Egiptenara ki u irisiya. Suu Israelna li ndaa Yawe cocoo, asi tin hurusi kay Yawe kay Moiz saam ma sunda lay.

VUN ŊGOLNA 16:10

Mulna ɓakŋi boy ma ay fun Lonna. Hu li ma nam kaɓakŋa ni ka viɗɗi, nam ka ni ɓak ma gasina.

VUN ŊGOLNA 24:21

Goonna, li ndaa Yawe. Li ndaa mulna may. Taɓ taŋ u suu li ɦoniraɗi. Li ɦoni u suu mba' asinaɗi.

VUN ŊGOLNA 25:2

Aygi ŋga Lona ni kay dlara nam laɗ ki ŋgayra. Aygi ŋga mulina ni hu li ma asi ka vi u sun masira ki jivina.

VUN ŊGOLNA 8:15

Muli suu ŋgolona ti mulla ni unu, suu ŋgolo suu kaɓakŋa ka ɓak ma ɗegeena ni unu.

DI BOLLA 7:19

Wira wi dlara mbuɗ sana saɓak coco su muli suu doogo hu ɦoŋzi ma dewnana lay.

EZAYI 28:6

Nam ɦal ŋgus mayra ɗegeera maŋ suu laki hu dlamba mullana. Ҥal saɓakŋa maŋ suu ka juɓ vun zina a doo suu yara ha kina may.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 2:47

Mulna ɓak Danyel di ana, «Gasi Loogina ni Lona vi loogi suu ɦawana, Bu Suuna vi mulina, sa ma tak u dlara mbuɗ mbuɗta kina, kay ana aŋ ndak buɗun u dlara mbuɗ mbuɗ ndaɗta kiyo.»

DANYEL 5:11

Sana ka duk suu aŋ ti mulla kasina dew, sa namma ŋgussa vi loogi suu teteɗna ka kamu. Ay hu buu ma buŋ ka tuna, fi u dlara tew tew ay ni funumu, wira lay, yalna ko ndal yal ma vi looginana na, buŋ mulna Nabukodonosor tinim a mulna fok suu wi dlara, suu kaɓakŋa, suu Kaldeenna u suu di u dlara kina. Buŋ mulna li ni na,

1 KORINTNA 1:24

Kay suu Lona yasina, lini suu Juifna lay suu daŋŋa lay, Kristu ni saɓakŋa u nera vi Lona.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

KOLOSNA 2:2

An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

KOLOSNA 2:3

Tlesuu ɦizza halaŋ ka ŋgay hurumu ni di ana nera u wira suu ay vi Lonna.

JOSUWE 4:14

Hu buu namma ni Yawe mbuɗ Josuwe ki ii suu Israelna ŋgol cocoo. Asi mbuɗ lam ndaaram ɦay. Ko ndal asi li ndaa Moiz ay u iiri tam ta ta miɗ mammara na may.

1 SAMUEL 12:18

Samuel cen Yawe. Yawe baya, si mbona ŋgol ɦay may hu buu namma. Suuna halaŋ li ndaa Yawe u Samuel.