1 MULINA 3:15 - Boy Lonana

¹⁵ Salomon dliɗ ki koloo, doyra dammi ko ndaɗta na. Nam hoŋ hu Yerusalem, tuɗ col fok Zanduk ta Galamba vi Yawe. Nam li ɓivun ma ŋgalam ki ŋgalina u ɓivun ma mbaa heɓpa. Nam yi funa suu sun mamsina halaŋ ti huwa.

1 MULINA 3:15 ပူးပေါင်းရင်းမြစ်များ

URA TIN AYRA 28:16

Yakob dliɗ ki kolo dliɗ ni di ana, «Yawe ka hu li namma gasi, an wi ka jew naɗi.»

URA TIN AYRA 31:54

Yakob li ɓivunna kay ɦinira, nam yi gorsemma ay kay tina. Asi ti tini buu kay ɦini ndaɗta gaw.

URA TIN AYRA 40:20

Buu ma hindina ndak ndakŋi Faraw tin luu ma vuɗumma, yi suu mam suu ŋgolona egem halaŋ gi sunda hu daŋgayna yi sa ŋgol ma ɦal tlesuu cira u ma ɦam tina yasi ay ki egesiya.

URA TIN AYRA 41:7

Yam wa ma kiɗisiya ma ka neeyɗina ti yam wa ma kiɗisiya ma neey jivi cocona kiyo. Doyra di Farawni na nam dliɗ ki gaw.

1 MULINA 3:16

Gawlaŋiina mba' mbay a li ɓakŋa fok mulna.

1 MULINA 8:63

Salomon ŋgaɗ mbutlugina 22,000, timigiina u ɦugunina na 120,000 a li ɓivun ma taɓ dukka. Ni kay a mal vun Ziŋ Yawera ŋgolla.

1 MULINA 8:65

Hu li namma gaw ni, Salomon li luu ma vun mbutluɓma ki hu gaw may. Suu Israelna tok ay ni halaŋ halaŋ, col ay Lebo-Hamat ii ma mbayawna ta ta fun mbo lum ma Egiptena ii ma dalina. Asi li luuna fok Yawe, Looygina, buuna kiɗisiya, asi hin li buuna kiɗisiya olo, buuna halaŋ doogo yam fiɗi.

1 DLAŊ MULINARA 16:3

Olo, nam hin ɓorow nus mappana may, komnjoɗi tumura may, komnjoɗi wana may maŋ suu Israelna halaŋ, njufiina ɗowba boyogina.

2 DLAŊ MULINARA 7:5

Mulna Salomon ŋgaɗ yoori suu ŋgolona a li ɓivunna na 22.000. Yoori suu gorina na 120,000. Mulna u suu Israelna li luu ma mal vun Ziŋ Lonara ni ko ndaɗta na.

ESTER 1:3

Hu basaɗam ta hindira mulla, nam tin luuna maŋ suu mam suu ŋgolo suu sunda u suu mam suu li sunda. Asgaa suu Pers u Medina, suu begera u suu ŋgolo suu sunda suu ay hu zi ma bagina mbay fokomu.

JEREMI 31:26

Kay boy namma an ka jejege humma, sen ma an buurumma egen jivi ɦay.

DANYEL 5:1

Mulna Baltazar ɦal ti ma ŋgolna maŋ suu sun mamsina asi buɓ, fok suu buɓ asina nam ci sum veŋŋa.

NDUMBA 12:6

Nam di ana, «Humun ki boy manna ha daŋ, lini sa ma jok vun Lona ka dukugiya ni an Yawe tak tan irimmi hu doyra ɦawaa. An njaɗ u nammi hu doyra.

MARK 6:21

Herodiad fi voɗta jivira a ci Jaŋ ma mbus batem maŋ suuna kira. Hu buu namma Herod tin luuna, tok suuna ŋgolo, suu ŋgolona hu ndaŋgara, suu mul asgaana, suu ŋgolona hu Galile ay egem halaŋ a ti funa. Ni buu ma nam vuɗ huna.