1 MULINA 3:12 - Boy Lonana

¹² Gola an hin li ni ko ndal aŋ dira na may. An ɦaŋ huu ma wi dlara u yalna, suu ay ki fokoŋ jewna lay, suu hin varak ka ŋgoroŋŋa lay ni sa ma wi dla ko ndal aŋ na kaɗi.

1 MULINA 3:12 ပူးပေါင်းရင်းမြစ်များ

1 MULINA 2:6

Aŋ li ka u yal maŋŋa, hin a yam mbuɗ ki haɓpa kal ga hu zulla u heɓpaɗi.

1 MULINA 2:9

Cemi wandara aŋ hinim ɦawa bay gam daŋgay oloɗi, kay aŋ ni sa ma wi dlara cocona. Aŋ hin wi dlara aŋ a lamba egemba. Aŋ hin gam yamba haɓpa ki ga duk busuna hu lina vi suu miɗina.»

1 MULINA 3:28

Suu Israelna halaŋ suu hum dla ɓak ma mulna kaam namma asi li ndaa mulna cocoo kay asi wi ki ana yal ma ka hurum wanna ni ma vi Lonna. Nam ka ɓakŋa ni u ɗegeera.

1 MULINA 5:12

Nam di boyna u vun ŋgolna na buɓ buɓ hindi, sool mamba kay tamba na buɓ duk vadl.

1 MULINA 5:9

Lona ɦal yalna u nera maŋ Salomon, nam mbuɗ wi tlena cocoo, ŋgola ko ndal ŋgetl ma doŋ lummana na.

1 DLAŊ MULINARA 29:25

Yawe mbuɗ Salomon ki ŋgolla cocoo fok suu Israelna halaŋ. Nam ɦam saɓakŋa hu mul mamba, mul ma ay ki fok jew kay suu Israelna ma fi saɓakŋa ko nam na kaɗi.

2 DLAŊ MULINARA 2:12

Gola an sunuŋ sa ma wi yal yoo tlena ɦayna ha wanna, ni Huram-Abi.

NEHEMI 13:26

Ni kay dla ndaɗta mul ma Israelna, Salomon, li dla cora ka ni naɗi su? Duk njaf suu bolowna halaŋŋi mul ma ko nam na kaɗi. Loomma minim coco hin tinim mulna kay suu Israelna halaŋ. Doli ɗini, nammi sa boyogii suu koyogina taɗam ki hu dla corana.

SOOLLA 10:17

Yawe, suu hoŋ yasi gana, aŋ ka humusi cen masira, aŋ ka soosi usi lay.

VUN ŊGOLNA 2:6

Kay Yawe ɦal yalna ay ni namu, yal ma wira u gasira cuk ay ki ni funumu.

DI BOLLA 1:13

An u yal manna hal ana an min a wi dlara ga hu duliyara u huulonara ki na bel bel. An wi ki kan ana Lona ɦal kay goryoŋ Adamma ni li ma loɓma ɦawaa.

DI BOLLA 1:16

An ɓak tan hurun ana, «Gola an haɗ yal dlara ŋgol cocoo, suu ki kay muli suu kak ay fokon jew kay suu Israelna hu Yerusalem halaŋ halaŋ». An tuk yal ma daŋŋa ki zeɗ zeɗ cocoo.

EZAYI 65:24

Jew bay vunusi yi kolo tu lay ni, an hoŋosi dira wa ɗow, asi ɓak ay na ni an humusi vunusiya.

DANYEL 1:17

Doli ɗaŋŋi maŋ gor suu fiɗi asina Lona ɦasi yalna, haɗasi yalna a wi dlara. Maŋ Danyel may ni nam wi u dlara tak taɗ ii suunara, wi u doyra di suunara ki lay.

MATIYE 12:42

Ca mulla col ay dali day, mba eg Salomon a hum boy ma jivi ma funumma. Ni kay ndaɗta hu buu ma kaɓakŋa, ndaɗ hin col kolo, ɓak co kagiya. Cem cemmi sa su kay Salomonna ka dukugiya.»

Boy Ma Ayra Ma LUK Ɓiirimma 21:15

An tanda hin ɦagi nera u boy ma agi damma, babali magisina ka a ci way funugiɗi.

GA 8ATAMBARA 34:9

Josuwe ma goŋ Nunna oy u musukka yalna kay Moiz tin kom ka kamu. Suu Israelna hum umu, a li u gaɗ mayra Yawe ɦaɗ ka maŋ Moizza.

KOLOSNA 2:3

Tlesuu ɦizza halaŋ ka ŋgay hurumu ni di ana nera u wira suu ay vi Lonna.