1 MULINA 22:8 - Boy Lonana

⁸ Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

1 MULINA 22:8 ပူးပေါင်းရင်းမြစ်များ

URA TIN AYRA 37:8

Gorsemma dam ana, «Aŋ hin kak mulna, ɗowba ti mulla kami su?» Asi mbuɗ lam honira su olo kay vun doyra nam cuɗuɗta u boy ma nam damma.

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:14

Nam hoŋ dira ana, «Yawe, Lo ma Saɓakŋa, an hurun miniŋ cocoo, an ka ndak a siɓ dlara suu Israelna laɗtaɗi. Asi bus Galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 21:20

Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.

1 MULINA 22:13

Sa ma tuɗ a yi Mise ayna dam ana, «Gola boy ma suu jok vun Lona damma, vunusi ha ni fun tasi na dew. Asi di dlara jivira kay mulna cocoo. Ko boy maŋŋa li ni ko ndal masina na may. Di ni dlara jivira.»

1 MULINA 22:18

Mul ma Israelna di Josafat ana, «Aŋ gola, an daŋgi su? Nam ka dan dlara jiviɗi, di ni dla cora na ba ba.»

1 MULINA 22:27

Agi tuɗ dasi ana, Mulna ɓak ay ana gagi sa namma daŋgayna. Ҥammi u fu ma hin kina u yona may ta ta juɓ buu ma an hoŋ ay ki vo ɦawa va lan kaɗina tuwa.»

1 MULINA 22:7

Josafat dam ana, «Na ni sa ma jok vun Lona ma vi Yawe ka tani a ay tuɗ joɓombi su?»

1 MULINA 22:9

Mul ma Israelna yi sa ŋgol mam maa ay dew dam ana, «Ɓaɗ zak, tuɗ yi sa ma jok vun Lona, Mise, ma goŋ Yimlana aya.»

2 MULINA 9:22

Hu li ma Joram wi Jehu may ni, nam joɓom ana, «Aŋ tuɗ na ni ɦawa ko su, Jehu?» Nam hoŋom dira ana, «Ҥawaa ni ana mege? Aŋ wi ana suŋ Jezabel cemi ka li dlara kumuna joɓ loogi suu ɦawana gak tuɗi su?»

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

SOOLLA 34:21

Bu Suuna ka golosi tew tew. Sok maa dew lay ka kus kiɗi.

VUN ŊGOLNA 15:12

Suu ŋga tasina ka min hum u gaɗta vi saɗi. Asi ka tuɗ a joɓ dla eg suu wi dlaraɗi lay.

VUN ŊGOLNA 29:10

Suu ci maɗna ka wi ii sa ma ɗegeenaɗi, may suu ɗegeena halam um ay gak gak.

VUN ŊGOLNA 9:8

Di sa ma ŋga tamma kay coombaɗi nam tiniŋ iriŋ kiyo. May gaɗ sa ma wi dlara nam hin miniŋŋi min ii na ɗow.

EZAYI 3:11

Sa ma cona kak u hahawra, hahawra ka kamu, kay ɓakŋa hin ka kammi ko dlara nam laɗta na may.

EZAYI 30:10

Asi di suu wi dlara ha fokka ana, «Wakiraɗi.» Maŋ suu jok vun Lona ana, «Agi jokomi dlara ɗegeeraɗi, dami ni dlara irimi jivira, dami ni dlara mbaɗ ii suuna.

EZAYI 49:7

Yawe di ana, sa ma buɗ suuna kina, ma Teteɗ ma vi suu Israelna, nammi sa ma suuna noyom kina, suuna halaŋ golom ko sa ma puluɗiina na, lasam cocoo. Mulina hin wam wa ni hin yow kolo fokomu. Ni kay Yawe ma ɗegeena. Ni kay ma teteɗ ma vi suu Israelna ma manaŋŋa.

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

JEREMI 36:23

Hu li ma Yehudi ndum darra ki hindi ɗowba fiɗi kala ni mulna ŋgaɗaɗ ki u ŋgewra vi suu ɓii magaarara cukuɗ ki duk kura hu guɓuura gaw gaw, ta ta magaa bakka daɓ taɗ ki ŋgalla duk kura hu guɓuura.

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

AMOS 5:10

Asi ka min sa kaɓakŋa u voɗommaɗi, sa ɓak boyna u jivimmaɗi.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MISE 2:7

Boy namma li ay ka ki di jew kala zi ma vi Yakobma? Siɓpa vi Yawera tew ki eg liiɗwa? Ni gasi voɗ mayra li dlara su? Boy manna na ni ka ni jivira maŋ sa ma ka tuɗ hu voɗta ɗegeeraɗi su?»

ZAKARI 11:8

Na ɗaŋŋi an ci suu taa yoori suu hindina ki hu til ma dewna. An viɗ siɓpa ki u asi may, asi may ni hinin ki gaw.

MATIYE 10:22

Suuna halaŋ hin tinigi ira ki kanu. Sa ma tin hurum kanna din din na, faɗ ha ki na faɗ na, nam hin suɗ kiyo.

Boy Ma Ayra Ma JAŊ Ɓiirimma 17:14

An ɦasi boy maŋŋa wa. Suu hu duliyarana noyosi kiyo, kay asi ka varasiɗi, ko an ka varasiɗira na may.

Boy Ma Ayra Ma JAŊ Ɓiirimma 7:7

Suuna halaŋ hurusi ka egegi coɗi. Anu, asi hurusi egen coo kayme an di ana dlara asi laɗta ni coo.

GALATENA 4:16

An mbuɗ cecemi a saagi ma gonokka kay an dagi gasira su?