1 MULINA 22:17 - Boy Lonana

¹⁷ Mise hoŋom dira ana, «An wi suu Israelna njay ki kolo kay ɦinira ko ndal timigii suu sa taarasi ka usiɗira na. Yawe di ana, suu asina sa ma fokosi kaɗi. Ko gegelay ni hoŋ vo hu ziim u heɓpa.»

1 MULINA 22:17 ပူးပေါင်းရင်းမြစ်များ

MATIYE 9:36

Nam wi hahaw suu moli egemma, kayme eŋesi kaɗi, asi ni ko timigii suu sa taarasi kaɗina na.

NDUMBA 27:17

Sa namma hin kal kiyo tuɗ fok suuna, nammi sa ma hin cukusi ki kiɗik lay, hoŋosi vo layna. Na ni suu vi Yawena ka hin li ko timigii suu bay sa ma taarasina kasira naɗi.»

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

JEREMI 50:17

Israel ni timiira viɗ ki dlona dikiɗta. Jew gigiŋŋi mul ma Asirina gaɗ jaŋaɗ aya, Nabukodonosor mul ma Babilonna hin jak u ndaɗu, hin daɓaɗ ki ta ta hiniɗ ni sokoɗu.

JEREMI 50:6

Timigii suu viɗ kina, ni suu mansina mbuɗ ki ni asiya. Suu golosi iiri masirana viɗisi ki wa. Asi tuɗusi asi talal ay kolo kay ɦinira ta ta, kay ɦinira ŋgolora u mayra goorira lay, humusi ka gasi kay liisi ma buunaɗi lay.

ZAKARI 10:2

Gasi daŋ may fulina hoŋ dira ni dlara uɗ kaɗira. Suu joɓpa dlara tak taɗ irisira ni kaboyna. Asi gijaŋŋa ni u dlara kaboyna, heɓ huu suuna u ganyamba. Ni kay ndaɗta suuna tuɗ ha ki ko ndal mbutlina hu katlaŋgara na, hahaw coco lay kay sa golosi kaɗi.

1 SAMUEL 9:9

Ay jew vi suu Israelna ni lini sa min tuɗ a joɓ Lona ni nam di ana, Mbaagi ay tuɗuygi eg sa wi u dlara. Kay ana sa jok vun Lona ay jew yammi ana, sa wi dlara.

EZEKIYEL 1:4

Gola ni dlara an waɗta, babaa ma ŋgolna col ay ii mbayaw na, ɗugulla ŋgolla ay um may, ɗugulla yaɗ ki ŋguy u kura, duk gayra ni vana weleɗ ay hu cocora ko ndal kawi ma haɓma welera na.

MARK 6:34

Yesu cuk ki kaŋga hu lumba ca ni, gol irimu ni, suuna molira na ndil ndil. Asi mbuɗ irim hahawi, kayme asi ni ko timigiina suu sa tarasi kaɗina na. Nam gijaŋ haɗasi tlena cocoo.

1 MULINA 22:16

Mulna dam ana, «An hin suuruŋŋi yan ga a aŋ dan gasisra ki u sem Yawera nige?»

EZAYI 13:14

Ko ndal dukka sana digiɗ uɗta na, ko ndal yoori suu sa ka taarasiɗina na, gegelay hin tin irimmi duk suu mamsina, gegelay tuɗ ni hu li ma nam ay huna duk suu mamsina, gegelay hin pii ni hu mbas mamba.

JEREMI 28:8

Suu jok vun Lona suu li sun masira ki fokon lay, fokoŋ jew day layna, ɓak dlara kay mbassa bolowo kay mulina bolow lay, ɓak kay duuna, kay dla cora, kay tuguɗi bora lay.

NAHUM 3:18

Mul ma Asirina, suu maŋ suu taa suuna buu ki senna wa. Suu maŋ suu ŋgolo suu duuna ka ɦay tasi oloɗi, suu maŋsina njay kosi ki kay ɦinira wa, sa ma tokosi eg tasi kaɗi.

NDUMBA 24:3

Nam gijaŋ ɓak u ndal boyna ana, «Gola ni boy ma vi Balaam ma goŋ Beorna, boyna vi sa ma irim wi ha ki cocona.

NDUMBA 24:4

Ni boyna vi sa ma ka hum boy ma vi Lonna. Ma wi boy ma sa ma saɓakŋa ka takammana. Hu li ma nam buuri gana liŋirira, irim mal kiyo.