1 MULINA 21:29 - Boy Lonana

²⁹ «Akab hom yam ay ga fokonni aŋ wi su? Nam hoŋ yam ga fokonu ni an ka mbaaram hahawra kam hu li ma nam iirinaɗi. Hahawra hin mba ka kay suu mamsina ni hu li ma goromma hin varak kana tuwa.»

1 MULINA 21:29 ပူးပေါင်းရင်းမြစ်များ

2 PIYER 3:9

Bu Suuna ka hin va ma nam damma bay li ki ko suu hiŋŋa saara naɗi. Nam li ɗili egegiya nam min a sa ba kiɗi nam min na ɗow ana suuna halaŋ mba jok iiri masira ki zeɗ.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

2 MULINA 9:33

Nam dasi ana, «Zuɗugira ay ki kaŋgaa.» Asi zuɗuɗ ay kaŋgaa. Ndaɗ ndi ay kaŋga busuɗuɗ ha ki pay gulumunna na dolɗoŋ. Jehu jak ha kolo kay maɗaɗ u kulumina u pus pusna halaŋ.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 18:44

Aŋ suɗun ki ko yara vi suunara, aŋ kakan a mulna kay njaf suuna bolowo. Suu an ka wasiɗina lay ka ŋgaan cocoo,

2 MULINA 10:11

Jehu ci suu vi Akab suu hin iiri tu hu Jizreelna ki bel bel u suu may suu haɗ ki u dlaamba minim dlaamba cocona lay u muli suu li ɓivun suu vi mulnana lay. Nam hin sa ka a pii ki na dewɗi.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

JEREMI 7:17

Na ni aŋ ka wi dlara asi laɗ ɦoŋzi ma Yudanara, laɗ hu voɗta Yerusalemba.

SOOLLA 66:3

Dagi Lona ana, «Sun maŋga mbuɗ mbuɗ cocoo, kay saɓak maŋŋa, suu gonok maŋsina halaŋ hom kaŋga fokoŋu.

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

Boy Ma Ayra Ma LUK Ɓiirimma 7:44

Yesu pereɗ irim eg cara di Simon ana, «Cara wanni aŋ waɗ su? An mba ni varaŋu aŋ ɦan yo mbus sen kaɗi, ndaɗ hin mbusun sen ki u simiyiɗu, saɗan sen ki u tlimiɗ yaɗ lay.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

1 MULINA 21:28

Yawe hin di sa ma jok vun Lona, Eli ma Tisbena, ana,

1 MULINA 22:1

Basara li ki na hindi ni duu ka duk hoŋ suu Israelna u suu Sirinaɗi.

2 MULINA 22:19

kayra aŋ hum boy namma, nam ŋgeneŋ huruŋ cocoo, aŋ hoŋ yaŋ kaŋga fok Yawe hu li ma aŋ hum dlara an daɗ kay li namma u suu ɦurummara ana li namma hin mbuɗ ki ni li ma ɦawana, li ma gam vunna kina. Kayra aŋ haa barawi maŋsina kira, aŋ tii coco fokon lay, jiviya an may ni an hum wa. Yawe di ko ndaɗta na.

2 DLAŊ MULINARA 12:7

Hu li ma Yawe wi na gaw ni, nam hin di sa ma jok vun Lona, Semaya, ana, «Asi wi coosira wa ni, an ka min a daɓasi kiɗi u dlara ew daŋga an hin buɗusi ki kay an hin hurun ma ɓeŋa ki wa, ka hin Sisak a ɓalak ɦoŋzi ma Yerusalemma ki oloɗi.

DANYEL 4:27

Nam ɓak boyna di ana, «Ha tani wanni ka Babilon ta ŋgollaɗi su, ta an miniɗ u saɓakanda, u bibiŋilla vi mul mandaraɗi su?»

1 MULINA 11:12

Na may an ka li dla ndaɗta ni hu li ma aŋ ka iiri tunaɗi, ni kay jivira vi buŋ David. An hin ɓaɗaɗ ki ni hu duk ko gooŋŋa.

2 MULINA 9:24

Jehu paɗ mbuuru mamba na gam munda ha kay payam na ni mbuurura jak ha ki ii hiniŋŋa, coom mukulum kiyo. Nam ndi kaŋga hu pus pus mamma ni na husuk gaw.

2 MULINA 10:1

Akab goryom ka hu Samari gor njufiina ni dok-kiɗisiya. Jehu ɓii magaara ha maŋ suu ŋgolo suu hu Samarina u ŋgolora fok suu duunara u suu ka haɗ goryoŋ Akabmana ana,

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

EZAYI 66:5

Humugi boy ma vi Yawena haa, agi suu lam ndaa boy mammana, gorsegi suu li gonokka u agina, suu dikigi ki kay senna, asi di ana, Yawe tak bibiŋil mamba ay ɗaŋgi su, ami wagi ki agi su ki kami ɗaŋ. Na may asi suu asina hin hom yasi gaa.

JONAS 3:10

Lona wi ana asi hom gasi kay dla coosira asi laɗta wani, nam col ka kay saa mamba jew nam a baasi kira oloɗi, nam hinisiya.