1 MULINA 21:27 - Boy Lonana

²⁷ Hu li ma Akab hum boy namma na ni, nam haa baraw mamma kiyo, cuk baraw bolna egemu, li laara may. Nam buu ni u baraw bolna egemu, tuɗ ni na suɗu suɗu ka tin sem kaŋga eŋgi lay.

1 MULINA 21:27 ပူးပေါင်းရင်းမြစ်များ

2 MULINA 6:30

Hu li ma mulna hum boy namma na ni, nam haa baraw mamma kiyo, a nam ki kolo kay gulumunnara ni suuna halaŋ wi ki ana nam cuk baraw bolna egemu.

URA TIN AYRA 37:34

Nam haa baraw mamma tamma kiyo, njun baraw bolna hurumu. Nam buu coco a li hahaw goromara.

2 SAMUEL 3:31

David di Joab u suu mamsina halaŋ ana, «Haragi barawi magisina kiyo. Cukugi baraw bolla egegiya, a tiirigi u yoo tara fok Abner.» Mulna David tuɗ ha ŋgoo dagan maɗamu.

JOEL 1:13

Njunugi doona hurugiya, tiirigiya, muli suu li ɓivunna, yoorogi tagiya suu ŋgal ɓivunna. Mbaagi aya, buurugi cukugi baraw bolna kagiya, suu sunda vi Loonna. Ɓivun u njaf wana u ɦalla sum veŋŋa ki noy hu zira vi Looginara.

EZAYI 38:15

An hin di ni ana me ologe? An ndak di ni ana mege? Nam li dla ndaɗta halaŋŋi namu. Hu li ma an ka hu yoorana senna ka vanɗi lay.

EZAYI 22:12

Hu buu namma Bu Suuna Yawe, ma Saɓakŋa Kom Belna, yagi ana agi tiira, yoo tagiya. Kaa yagi kiyo, njun baraw ma doona hurugiya.

JOB 16:15

Baraw ma li hahawra ka fok ki egenɗi. Tew tew ni vogon ka ni pii ga duk buɗna.

2 MULINA 18:37

Sa ŋgol ma gol zi ma vi mulnana, Eliyakim ma goŋ Hilkiyana u sa ma ɓii dlara kaŋgana Sebma u bigawlana Yoak ma goŋ Azafna hoŋ ay eg Ezekiyas barawi masisina ki hariya, mba cuɗum boy ma sa ŋgol ma fun sa ma ŋgol asgaa suu Asirina damma.

JONAS 3:6

Boy namma tew mul ma Ninivena. Nam fok baraw mam ma mulla kiyo, cuk tammi baraw bolna, kak ki kaŋga duk buɗna.

WIRA ŊGAYRA 11:3

An hin cuk suu man suu dikina mba' asi hin cuk baraw ma mbumbu bolna tasiya, asi hin mba di Boy Lonana ki buuna bup duk kis kis mba' duk dok karkiya.

1 MULINA 21:28

Yawe hin di sa ma jok vun Lona, Eli ma Tisbena, ana,

2 MULINA 19:1

Hu li ma mulna hum boy ma asi cuɗummana ki hummi nam haa barawi mam suu tamma kiyo, cuk baraw bolna egemu, tuɗ kalafi hu Ziŋ Yawera.

1 DLAŊ MULINARA 21:16

David tli irim koloo ni wi sa sunda vi Yawe coli duk ɦoŋ ndaŋgara u huulona, ŋgew mamma ki kom kawi siiliya, irim pereɗi kay Yerusalem. David u suu basina puk kaŋgaa, baraw bolla tasiya.

JEREMI 36:24

Asi mbuɗ ka ndaaɗi, asi haa barawi masisina ka kiɗi, mulna u tamba lay, suu mam suu ŋgolo suu sunda sa na dew lay ni li ndaa kaɗi hu li ma asi hum boy namma ki na halaŋ halaŋŋa.

JONAS 3:10

Lona wi ana asi hom gasi kay dla coosira asi laɗta wani, nam col ka kay saa mamba jew nam a baasi kira oloɗi, nam hinisiya.

KALKIRA 33:4

Suuna hum boy namma na ni mbuɗ tasi hahawra sa ka cuk baraw mam ma luuna tam oloɗi.