1 MULINA 21:20 - Boy Lonana

²⁰ Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.

1 MULINA 21:20 ပူးပေါင်းရင်းမြစ်များ

2 SAMUEL 11:27

Doona daɓ ki may ni David sun kaɗ halaɗ aya. Nam hin vaɗ vo varamu. Ndaɗ mbuɗ ki caamba, hin vuɗum goona. May dlara David laɗta, Yawe hurum vaɗ kaɗi.

1 MULINA 16:30

Akab ma goŋ Omrina li dlara ka ii Yawe jiviɗira, ki co su muli suu kak ay fokom jewna olo.

1 MULINA 18:17

Hu li ma Akab wi Eli na ni, nam dam ana, «Ni aŋ ma mbaa wihawra ay kay suu Israelnana ɗaŋ su?»

1 MULINA 21:25

Sa ma li dla cora ko ndal Akab lira na ni kaɗi. Nam li dlara ka ii Yawe jiviɗira. Caamba Jezabel kalam hu dlara cora ni ndaɗu.

1 MULINA 22:8

Mul ma Israelna di Josafat ana, «Sa ma ka tani dew ma ay ndak a tuɗ joɓ Yawe ay funumma. Na may an ka minim dlaambaɗi kay nam ka dan dlara jivi kanɗi, di ni dla cora sak sak. Ni Mise, ma goŋ Yimlana.» Josafat di ana, «Ka mulna ɓak ko ndaɗta naɗi.»

2 MULINA 17:17

Asi gi goryosi suu njufiina u suu tamagina ki duk kura, asi joɓ fulina, asi li ni u dlara suu joɓ loogi suu ɦawana dasirara lay. Asi ɦal tasi ki a li dlara ka ii Yawe jiviɗira, ɓalakam hurum ki egesiya.

2 MULINA 21:2

Nam li dlara ka ii Yawe jiviɗira. Nam li ni u dlara vi njaf suu may suu Yawe dikisisina ki fokosi asi suu Israelnana.

2 DLAŊ MULINARA 18:17

Mul ma Israelna hin di Josafat ana, «Gola an daŋgi su, nam ka dan dlara jiviɗi, di ni dla cora sak sak.»

2 DLAŊ MULINARA 18:7

Mulna hoŋom dira ana, «Haa, ma hiniŋŋa ka dew, may an ka minim boy mammaɗi kay nam dan tew tew ni dla cora, boy ma jivi ka kal ay ki funum na dewɗi. Ni Mise ma goŋ Imlana.» Josafat oo um kolo di ana, «Ɓak boy ma namma kay sa ma jok vun Lonana naɗi.»

2 DLAŊ MULINARA 33:6

Nam tamba lay ŋgal goryom ki duk kura hu ɦuɗugumba Ben Hinnomba. Nam li dlara kumuna masira u dawra lay, joɓ suu wi dlara lay. Nam ɓeŋ huu Yawe ki u dla cora nam laɗ ka irim jiviɗira.

EZAYI 50:1

Yawe di ana, magaara an ɓiirigira a busugi sugi kira ni arage? An ɦagi ki maŋ sa ma an ka balna komma ni gege? Gola dla coogira agi laɗta gusugi ay ki ni ndaɗu. Ni kay ŋgel magira agi ka humbira dikigi sugi ki ni na.

EZAYI 52:3

Yawe di ana, asi gusugi ha ni ɦawaa, agi hin hoŋ ay vo ni ɦawa bay gursu may.

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

EZEKIYEL 14:4

Aŋ dasi ana, Bu Suuna Yawe, di ana, suu Israel suu ŋgay fuli masisina hurusi kurufuna, gi ki fokosi ni va ma daɓasi sesina ni va ma zuɗusi a li dla cora, hin mbay fok sa ma jok vun Lona. An, Yawe, hin hoŋosi dira ni u ndum fuli masi suu asi zulusi vo varasina may.

AMOS 5:10

Asi ka min sa kaɓakŋa u voɗommaɗi, sa ɓak boyna u jivimmaɗi.

MARK 12:12

Muli suu Juifna hal a vi Yesu, kay asi wi ki ana nam tinisi ndal boy namma ni kasiya. Asi li ndaana ko suuna moli cocora, asi hinim tani, cuk tasi gaw.

ROMMA 7:14

Ay wi ana gaɗta ay ni vi Lona, anni sa warna ɦawaa ki gusi a mbaɓuna ko cora.

GALATENA 4:16

An mbuɗ cecemi a saagi ma gonokka kay an dagi gasira su?

EFESNA 4:19

Dlara zolona ka kasiɗi asi ɦal tasi a li cora, li dlara njenjera dam dam.

WIRA ŊGAYRA 11:10

Suu hu ndaŋgarana hin li furira ŋgolo kay maɗ suu mba' asina. Asi hin li ayra ŋgolo ɦal tlena maŋ tasi lay, kay ana suu jok vun Lona suu mba' asina ɓeŋ ndaŋgara ki cocoo.