1 MULINA 21:13 - Boy Lonana

¹³ Suu may suu ka wi dlaɗi na mba' lak ay fokom na gay may. Suu ka wi dlaɗi asina gijaŋ a di dlara ki kay Nabot fok suuna di ana, «Nabot ŋgul Lona, ŋgul mulna may.» Asi kalam ki hu ɦoŋzina, tuɗum ha ki doŋ kaana gikim u gogoyra, cam kiyo.

1 MULINA 21:13 ပူးပေါင်းရင်းမြစ်များ

2 MULINA 9:26

An, Yawe, wi dla ndaɗta ki halaŋ hu li ma aŋ ci Nabot u goryom kina. An, Yawe, suu tan ana an hin kaaŋ ɓakŋa kaŋ kay dla ndaɗta ni hu sene namma na gay may.» Jehu hin di ana, «Tli maɗ Joram gam ha ki hu sene namma, ko ndal Yawe di ay ki fok jewra na.»

SUNDA 24:5

Ami wi ana sana wanni sa ŋgol ma dlam ki saɓaki co ɦayna, nam mba dlara duk suu Juifna suu hu ndaŋgara halaŋ, nam ɓeŋesi ki ni namu, nammi mulna fok suu Nazaretna.

SUNDA 6:11

Asi ɦal gursura maŋ suuna ana asi di ana asi fam nam ŋgul Moiz may, ŋgul Lona may.

Boy Ma Ayra Ma JAŊ Ɓiirimma 19:12

Hu li namma gaw ni, Pilat hal mbeleŋŋa a gi Yesu kira. Suu Juifna tum soora ana, «Lini aŋ gi sa namma ki wa ni, aŋ ka banaŋ Sesarɗi. Sa ma di ana nammi mulna ni babali Sesar.»

Boy Ma Ayra Ma LUK Ɓiirimma 23:2

Hu li namma asi gijaŋ kaam boyna kam ana, «Sana wanni ami fam aya, nammi sa ɓeŋ suuna kina, nam doo suuna ki ana asi ɦal taara maŋ Sesarɗi. Nam di olo ana nammi Sa Lona Fuurumma, Mul Ŋgolna.»

MATIYE 9:3

Suu wi magaara gaɗta ɦiw saa hurusi ana, «Sa namma wanni pan ni Lona.»

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

AMOS 7:10

Mul ma li ɓivunna hu Bethelna, Amassiya, sun ha ana tuɗ di Jeroboam ma mul ma Israelna, «Amos ka laŋ boy cona egeŋ kay mulla hu Israel. Suu hu mbassana ka vi tasi kay boy ma nam damma oloɗi. Kay Amos di anaba.

EZAYI 8:21

Suuna hin poy hu mbassa halaŋ ko mayra, asi hin mbuɗ ki yara coco ko mayra, mbuɗ ŋgul mulna lay, ŋgul Loosina lay. Asi mbuɗ irisi ki eg kolora,

DI BOLLA 10:20

Ŋgul mulna kaŋga gugum u huruŋgi. Yi oora kay sa ma ɦizina kalafi hu liiŋ ma buunaɗi. Kay layagi suu pii kolona tuɗum boy namma ha kiyo. Tlesuu garaŋga usina tuɗ dam dlara aŋ daɗta ha ki halaŋ.

DI BOLLA 4:1

Olo ni an ka wi suuna lassa. Suu ndarayasina lasasi ga duk ndaŋgara tanina. Gola suu ka las asina tii cocoo, sa ma ɗilisi irisi kaɗi lay. Saɓakŋa ki ni u suu ka lasasina na ɗow. Sa ma ɗilisi irisi kaɗi.

VUN ŊGOLNA 25:18

Sa ma di dlara kaboyna kay ndaramma ni ko ndal mbaɗagalla, ŋgew ma digina u mbuurura na.

VUN ŊGOLNA 19:9

Sa ma di dlara kaboyna ka puruɗ ki ko daŋgaynaɗi. Sa ma di dlara kaboyna ba ki ni tamba.

VUN ŊGOLNA 19:5

Sa ma di dlara kaboyna ka puruɗ ki ko daŋgaynaɗi. Sa ma ka li zolo dlaɗina ka suɗ kiɗi lay.

VUN ŊGOLNA 6:19

Sa kaboy ma di dlara kaboyna kay suuna, u sa ma cuk suuna kel tasina.

SOOLLA 35:11

Suu di dlara kaboyna yow kolo wa, asi joɓon kay dlara an ka waɗɗira.

SOOLLA 27:12

Ҥan ki ko suu duu u annaɗi, suu di dlara kaboyna yow kolo wa, asi ka di dla cora u sen tew tew.

JOB 2:9

Caamba dam ana, «Aŋ so yaŋ hu ɗegee maŋ ndaɗta na gak gakŋi amege? Mariyaɗ ni ŋgul Lona ŋgulni aŋ miɗ wa ni mariyaɗɗi su?»

JOB 1:11

Aŋ tuk maɗ koŋ baam tlegeyem suu kom asina ki na halaŋ, nam hin ŋguluŋŋi funuŋ gawɗi su?»

JOB 1:5

Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.

GA 8ATAMBARA 22:24

agi tuɗusi ha ki vun grekŋa vi ɦoŋzina u dlasira jakka, agi gikisi ki u gogoyra casi kiyo. Goora ka hu ɦoŋzina min ka a sawalla koloɗi, sa namma buu ni u caŋ ndarammara may. Agi bulum dla co ndaɗta ki dukugiya.

GA 8ATAMBARA 22:21

Asi tuɗ goora ha vun grekŋa vi buɗu, suu hu ɦoŋzi nammana gikiɗ ki u gogoyra caɗ kiyo, kay ndaɗ li ni dla cora duk suu Israelna, mbuɗ taɗ ki gawlaŋga, vo vi buɗu, agi bulumugi dlara co ndaɗta ki dukugiya.

GA 8ATAMBARA 21:21

Suu hu ɦoŋzi nammana halaŋ gikim u gogoyra cam kiyo, ni agi bulum cora kal hu ɦoŋziiginara ki wa. Suu Israelna halaŋ hin hum boy namma na ni mbuɗ ndaana.

GA 8ATAMBARA 13:10

Aŋ ndak a cam ki ni ci na ɗow, a cam kira ni aŋŋi sa ma a koŋ tin egem jewna, suu hiŋŋa hin dokoŋŋi dokiya.

GA 8ATAMBARA 5:20

«Aŋ ka boyna eg ndaraŋgi.

KALKIRA 20:16

«Aŋ di dlara co kay ndaraŋgi.

HEBRENA 11:37

Suu daŋŋa asi casi ki u ɦinira, suu daŋŋa asi ŋgaɗasi irisi ki duk mba' mba', ɗowba casi ki u ŋgew ŋgolna. Asi tuɗ ki hu li ma daŋŋa daŋŋa cuk bak timigiina tasi u bak ɦugunina. Asi fi wihawra ko lassa ŋgolo.

1 MULINA 21:14

Asi sun eg Jezabel dad ana, «Nabot asi gikim u gogoyra, cam kiwa.»

2 MULINA 6:32

Elize ay kaki vo taraŋ varamu. Suu ŋgolo mamsina laki egem may. Hu li ma mulna sun saam ma sunda ay egemma, bay sa ma vun sunda mba egem tu may ni, nam di suu ŋgolo mam suu egemma ana, «Gologiya, goŋ sa ma ci maɗna sun sana ay egen ana tuɗ kaan yan kiyo. Hu li ma nam mbawa ni agi dugugi vunna ɦek kogi ha ki huwa. Na may sem sa ŋgol mamma ka tuɗ ay um dagan may.»

2 DLAŊ MULINARA 24:21

Asi vi vunusi ki kamu, gikim ki u gogoyra, cam ki ko mulna dasisra na ni fun biɗii Zira vi Yawera hu gaw.

JOB 31:39

Lini an feɗ tlena ki hu sene ma vi suunana ɦawaa, caa yan ka kay loɓ masinaɗi,

VUN ŊGOLNA 19:28

Sa ma di ki ma ka wi vaɗina panni ɓakŋa. Vun sa ma dlam cona di ni dla cora.