1 MULINA 21:10 - Boy Lonana

¹⁰ Kakam suu ka wi dlaɗina ay fokom na mba' may. Asi di ki kam fok suuna ana, aŋŋi sa ma gam vunna kina. Lona ni mulna, kalagina ha kiyo, gikigina ki u gogoyra, cam kiyo.»

1 MULINA 21:10 ပူးပေါင်းရင်းမြစ်များ

2 SAMUEL 20:1

Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»

1 MULINA 21:11

Suu njufii suu u ɦoŋzi ma Jizreelna, suu ŋgolona u suu kaɓakŋa suu ka hu ɦoŋzi nammana li ko ndal Jezabel dira na may, ko ndaɗ ɓii ay hu magaara ndaɗ ɦasira ayra na dege dege may.

1 MULINA 21:9

Ndaɗ ɓii hu magaa ndaɗta ana, «Lagi laara ki hu zina halaŋ. Kakagi Nabot ay hu li ma tokka fok suuna na tok.

2 MULINA 6:32

Elize ay kaki vo taraŋ varamu. Suu ŋgolo mamsina laki egem may. Hu li ma mulna sun saam ma sunda ay egemma, bay sa ma vun sunda mba egem tu may ni, nam di suu ŋgolo mam suu egemma ana, «Gologiya, goŋ sa ma ci maɗna sun sana ay egen ana tuɗ kaan yan kiyo. Hu li ma nam mbawa ni agi dugugi vunna ɦek kogi ha ki huwa. Na may sem sa ŋgol mamma ka tuɗ ay um dagan may.»

JOB 1:5

Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.

KALKIRA 22:28

Aŋ ɦan yam tlegeyeŋ suu neeyna ay ki na zak gaw. Gor njufii suu vuɗ jew varaŋŋa ki ni mansina.

VUN ŊGOLNA 6:19

Sa kaboy ma di dlara kaboyna kay suuna, u sa ma cuk suuna kel tasina.

EZAYI 59:14

Kay ndaɗta ɗegeera mbuɗ ha ki dagan na day. Ɓak ma ɗegeena ka oloɗi. Gasira mbuɗ ni va ma daɓ sem suuna hu hoŋzi ma ŋgolna. Dlara jivi ka kal ay varasi oloɗi.

DLAŊ LEVIRA 24:14

«Kal sa ma ŋgul namma ha ki doŋ kaana, suu may suu humum vunum nam ŋgulna halaŋ tin kosi kamu, suu tokkina halaŋ gikim u gogoyra.

Boy Ma Ayra Ma JAŊ Ɓiirimma 10:33

Suu Juifna dam ana, «Ami ka caŋ ki ni kay sunda jiviraɗi, ni kay aŋ ŋgul Lona aŋŋi sana ɦawaa, aŋ ŋga taŋ u Lona.»

SUNDA 6:11

Asi ɦal gursura maŋ suuna ana asi di ana asi fam nam ŋgul Moiz may, ŋgul Lona may.

SUNDA 6:13

Asi tok suu kaboyna kamma ay lay, suu asina di ana, «Sana wanni ka hin ŋgulla ŋgul zira teteɗta vi Lonara u gaɗta vi Moizza kiɗi.

GA 8ATAMBARA 13:13

Lini hu ɦoŋzi ma Yawe ɦagina ana agi cuk huwana, agi hum dlara di ana,

GA 8ATAMBARA 19:15

Sa ma dewna ka ndak a di ki kay cora vi sa ma hiŋŋa ma ci maɗna ɗowba li suluk ma ci maɗna, ɗowba kay dla co megelay u dew tambi. Ɓakaŋa vi sana ni u vun suu di kina mba' kala, hindi kala na.

SUU KAƁAKŊA 19:22

Hu li ma asi laki koɗ tasi na ni, gola ni suu dlasi kaɗi suu ɦoŋzinana mba ŋguy zina ni na gaw. Ci vun grekŋa eŋga di sa maa ma malaŋ zina ana, «Gami sa ma kal varaŋ wanna ay ki kiɗiki, ami min buu u namu.»

1 SAMUEL 2:12

Goryoŋ Helina sunusi kaɗi. Asi ka wi Yaweɗi.