1 MULINA 20:34 - Boy Lonana

³⁴ Ben-Hadad dam ana, «Ҥoŋzi ma bun yowom ka ki ko buŋŋa halaŋ, an hoŋoŋŋa. Aŋ ndak a tuɗ gus tlegesuu aŋ lasina ay ki hu Damas lay. Ko ndal bun gus mamsina ay ki hu Samarira na may.» Akab dam ana, «An hin hiniŋ tuɗ vo, yaŋ ki buɗiya.» Hu li ma asi vi galam ndaɗta vina ni, nam hinim nam tuɗ voo.

1 MULINA 20:34 ပူးပေါင်းရင်းမြစ်များ

1 MULINA 15:20

Ben-Hadad hum vun mulna Aza. Nam sun suu mam suu duuna a duu u suu Israelna. Nam ci gi Yon, Dan, Abel-Bet-Maaka suu hu mbassa Kinerotta halaŋ u suu hu mbassa vi Neftalira lay.

1 MULINA 20:33

Suu asina wi ki ana dlara a li ni jiviya. Asi ɓaɗ tasi a wi dlara nam hin a takasirara, hin hoŋ dira ana, «Ben-Hadad ni wayaŋŋa.» Akab hin dasi ana, «Tuɗugi halagina.» Ben-Hadad kal ay ki egemu. Akab tlam kolo hu pus pus mamma tamba.

1 MULINA 20:42

Sa namma hin dam ana, «Yawe di ana, aŋ hin sa ma an daŋ ana cam kiyona suɗa ni, iiri maŋga hin varakŋi kay balam iiri mamba. Suu maŋ suu Israelna ni kay balam suu mamsina may.»

1 MULINA 22:31

Mul ma Sirina gaɗ suu mam suu dok-hindi yam mba' suu u pus pus ma kulumina ana, «Cagi sa ŋgolɗi lay, gogooɗi lay, may halagi ni mul ma vi suu Israelna.»

2 DLAŊ MULINARA 16:4

Ben-Hadad vi boy ma Aza dammana sun muli mam suu duu suu ŋgolo suu saɓak ɦayna, tuɗ ndug zi ma Israelna. Asi tli zi ma Yon, Dan u Abel-Maimma kiyo, u ɦoŋzi ma Neftalina halaŋ ni li ma asi ŋgay tlegeyesi suu ɗokka ki huna.

2 DLAŊ MULINARA 18:30

Doli mul ma Sirina di suu mamsina ki ana, «Agi ci sa ŋgolɗi lay, gogooɗi lay, vangi ni mul ma Israelna doy hol.»

EZAYI 26:10

Lini wi hahaw suu cona lay ni, asi ka wi ɗegeeraɗi, asi ɓeŋ dlara ɗegee kay ndaŋgarara ki ni ɓeŋi na ɗow ɗow. Asi ka waŋ ŋgol maŋgaɗi lay, Yawe.

EZAYI 8:12

«Aŋ ka njaɗ ko suu hiŋŋa vi vunusi njaɗta naɗi, tlesuu asi lasi ndaarasina aŋ lasi ndaarasiɗi, taŋga lay ni li ndaaɗi.

GA 8ATAMBARA 7:2

Hu li ma Yawe Loogina hinigisina ki kogina ni agi casi ki halaŋ. Aŋ ka vi bana u asiɗi, ka aŋ wasi hahawasiɗi lay.

1 SAMUEL 11:1

Nahas sa ma Amonna col duuna u Yabes ma Galaadna, hin ŋgufum yam kiyo. Suu Yabesna halaŋ di Nahas ana, «Vi galamba u amiya, ami hin laŋ sunda.»

1 SAMUEL 15:8

Nam vi Agag mul ma vi Amalekŋa iiriya. Nam ɦal voɗta ana cam suu mamsina halaŋ ki u ŋgewna.

1 SAMUEL 15:9

Na may ni Sol u suu mamsina hin Agag bay cira u yoori mam suu gorina may suu ŋgolona may, u tlesuu gori suu daganna gor timigiina u tlesuu jivi suu huna halaŋ. Nam hin vi ka kam a ɦasi ki a ciraɗi. Tlege suu sunusi kaɗina, suu ka jiviɗina, nam ɦasi asina kiyo.